Hebreos 9:6 - GT:cak:Kaqchikel

⁶ Xaxe nin-ij chive chi riq'uin ri quiri' rubanic banon rupan ri jay, ri sacerdotes k'ij-k'ij ye'oc-apu chupan ri na'ey pe rupan ri jay richin nequibana' can ri samaj ri can quisamaj vi richin niquiya' ruk'ij ri Dios.

နောက်ထပ်ဗားရှင်းများ

Kaqchikel Santo Domingo (Xenacoj)

⁶ Y rikꞌin ri keriꞌ rubꞌanik bꞌanun chare rupan ri rachoch ri Dios, ri sacerdotes israelitas qꞌij-qꞌij ngeꞌok apu chupan ri nabꞌey kꞌojlibꞌel chin ndikibꞌen nojel ri yoꞌon pa kiqꞌaꞌ chin ndikibꞌen.

Kaqchikel Santa Maria de Jesus

⁶ Quireꞌ bꞌanun cha ri rachuoch ri Dios. Y ri sacerdotes can kꞌij-kꞌij ncaꞌuoc chupan ri naꞌay cuarto, chi niquiꞌan ri samaj chi niquiyaꞌ rukꞌij.

Kaqchiquel Bible

⁶ Keri' k'a rubanik ri rachoch ri Dios. Y ri sacerdote beneq-ruwech ye'ok chupan ri nabey jay, richin nikiben ri rusamaj ri Dios y nikiya' ruq'ij.

Kaqchikel Central Guatemala

⁶ Queri' c'a rubanic ri rachoch ri Dios. Y ri sacerdotes benek-ruvech ye'oc chupan ri nabey parte, richin niquiben ri rusamaj ri Dios y niquiya' ruk'ij.

Re C'ac'a Testamento pa Kach'abal

⁶ Y jac'a quire' xban cha re rachoch re Dios, che re sacerdotes nojel tiempo ye'oc chupan re nabey parte chin niquiban re rusamaj re Dios y chin niquiya' ruk'ij.

Hebreos 9:6 ပူးပေါင်းရင်းမြစ်များ

Romanos 9:4

Rije' e-israelitas, x-an chique chi xe'oc rutinamit ri Dios, xquitz'et ri nimalaj ruk'ij, quiq'uin rije' xchojmirises-vi chi niquic'ul ru-favor ri Dios si niqui'en ri xu'ij, chique rije' xyo'ox-vi ri ley, xc'ut chiquivech achique ruchojmil niquiya' ruk'ij ri Dios, y jalajoj ruvech favores xsuj chique.

Hebreos 7:11

Ri sacerdotes ri eriy-rumam can ri Leví ri achok quisamaj xbano chi xc'uje' rakale'n ri ley ri xyo'ox che ri Moisés, xa ta ri quisamaj rije' xbano chi nitz'akat quic'aslen ri israelitas chuvech ri Dios, man ta xc'atzin chi xpe chic jun sacerdote ri c'o ruk'ij achel ruk'ij ri sacerdote Melquisedec. Y ri jun ri' ocunak sacerdote, pero man riy-rumam ta can ri sacerdote Aarón.