Hebreos 3:10 - GT:cak:Kaqchikel

¹⁰ Y xa roma ri quiri' xqui'en, xpe voyoval chique ri te'ej-tata'aj richin ri nutinamit. Y romari' xin-ij: Jumul niquixutuj-e ri cánima viq'uin; Ri utzulaj bey nuc'utun chiquivech, niqui'en chi achel man ta queteman.

နောက်ထပ်ဗားရှင်းများ

Kaqchikel Santo Domingo (Xenacoj)

¹⁰ Romariꞌ, xyakatej woyowal chake ri ojer teq iwatit-imamaꞌ riꞌ, Y kereꞌ xinbꞌij pa kiwiꞌ: Jumul esachineq pa kánima Y ma ndikajoꞌ ta ndiketamaj ruchojmil ri bꞌey nukꞌutun chikiwech.

Kaqchikel Santa Maria de Jesus

¹⁰ Rumareꞌ xpa vayoval chica ri xaꞌbꞌano quireꞌ. Y inreꞌ xinꞌej: Ri cánima ri vinak reꞌ xa man viqꞌuin ta inreꞌ cꞌo-ve, xa chiquij nicꞌaj chic kax bꞌanak-ve. Can niquiꞌan incheꞌl man cataꞌn ta ri utzulaj bꞌay ri nucꞌutun chiquivach.

Kaqchiquel Bible

¹⁰ Roma ri' xpe woyowal chike ri jun sol winaqi' ri' ri xebanon keri'. Y yin xinbij: Rije' xa chaq kaka' kik'u'x. Y xa man kitaqen ta k'a ri nupixa'.

Kaqchikel Central Guatemala

¹⁰ Romari' xpe voyoval chique ri xebanon queri'. Y yin xinbij c'a: Rije' benek-ruvech e sachinek riq'uin ri quich'obonic. Can niquiben chi man quetaman ta ri utzilej tak bey ri nuc'utun chiquivech.

Re C'ac'a Testamento pa Kach'abal

¹⁰ Mare' xpa voyoval chique re xe'bano quire'. Y yen ximbij: Reje' can nojel tiempo niquinojij re cosas man otz-ta. Y can niquiban che man quitaman-ta re utzulaj tak bey re nc'utun chiquivach.

Hebreos 3:10 ပူးပေါင်းရင်းမြစ်များ

Efesios 4:30

Man tiya' chi bis ri Lok'olaj ru-Espíritu ri Dios, ri retal ruyo'on ri Dios pa kánima chi nipe na jun k'ij tok nkujoc jumul richin rija' roma ri kalok'ic xu'on.

Hebreos 3:12

Roma c'a ri', rix ri junan kaniman ri Jesucristo iviq'uin, tibana' cuenta ivi', man ta c'o jun chive ri xa itzel ránima y man cukul ta ruc'u'x y romari' nuxutuj-e-ri' riq'uin ri c'aslic Dios.

San Juan 8:45

Jac'a yin roma nin-ij ri kitzij, rix man yininimaj ta.

Marcos 3:5

Jac'ari' xbison-ka ri Jesús roma rucovil cánima ri quimolon-qui' chiri'. Romari' rija' royoval nich'icch'ot ruvech chique y xu'ij che ri caminak ruk'a': Tayuku' la ak'a', xcha'. Tok ri niyavej xuyuk ruk'a', ja xc'achoj.

Romanos 3:7

Pero riq'uin juba' c'o jun nu'ij: Si roma ri tz'ucun tzij ri nin-en yin, romari' nik'alajin chi kitzij ronojel ri nu'ij ri Dios, y romari' más niyo'ox ruk'ij; si quiri', man utz ta nu'on chi rija' nuya' castigo pa nuvi' roma ri mac ri'.

Romanos 1:28

Y roma pa quivech rije' manak nic'atzin-vi ri Dios, rija' xerosk'opij chupan ri itzel tak no'oj ri niquinojij, richin yequibanala-ka ri man utz ta chi ye'an.

San Mateo 20:24

Tok ri lajuj chic discípulos xquic'axaj ri achique niquic'utuj ri ca'i' discípulos ri quichak'-quinimal qui', xa xpe coyoval chique.