Apocalipsis 7:10 - GT:cak:Kaqchikel

¹⁰ Riq'uin c'a cuchuk'a' quire' niqui'ij-apu: Ri xebano chi xojcolotaj, ja ri ka-Dios Ri tz'uyul pa nimalaj tz'uyubel, Y ri Alaj Oveja, yecha'.

နောက်ထပ်ဗားရှင်းများ

Kaqchikel Santo Domingo (Xenacoj)

¹⁰ Y rikꞌin kaw kichꞌabꞌel ndikibꞌilaꞌ: Ri xebꞌanun chi xojkolotej, ja ri qa-Dios Ri tzꞌuyul pa ru-trono Y ri Alaj Karneꞌl, xechajeꞌ.

Kaqchikel Santa Maria de Jesus

¹⁰ Y quinojiel can cof niquiꞌej: ¡Xojcolotaj! Can ja ri Dios ri tzꞌuyul pa ru-trono, y ri Alaj Oveja ri xcalo kichin, ncaꞌchaꞌ.

Kaqchiquel Bible

¹⁰ Y konojel rik'in kuchuq'a' nikibij: Re xojkolotej, kan xaxe ri Dios ri tz'uyul chupan ri tz'uyubel ri xbanon, kan xaxe ri Karne'l ri xkolon qichin, yecha'.

Kaqchikel Central Guatemala

¹⁰ Y conojel can riq'uin ronojel cuchuk'a' niquibij: Re xojcolotej, can jac'a ri Dios ri tz'uyul pa lok'olej ruch'acat ri xbanon, y chuka' ri Jesucristo ri achi'el Alaj Carne'l, yecha'.

Re C'ac'a Testamento pa Kach'abal

¹⁰ Y conojel jun pa quichi' niquibij: Yoj re xojcolotaj chach re kamac, ja re Dios re tz'uyul chach re lok'olaj ch'acat re xbano chaka, y chuka' re Jesucristo re ancha'l oveja, ye'cha'.

Apocalipsis 7:10 ပူးပေါင်းရင်းမြစ်များ

Apocalipsis 19:1

Tok nutz'eton chic ronojel re', yin Juan chicaj xinvac'axaj chi petenak jun nimalaj kulaj quichin eq'uiy ri riq'uin ruchuk'a' quire' nu'ij: ¡Tinimirises rubi' ri Kajaf Dios! Rija' can Colonel vi, utz chi ni'an xuculen chuvech y niyo'ox ruk'ij, y can richin vi rija' ri uchuk'a'.

Apocalipsis 12:10

Jac'ari' yin Juan xinvac'axaj jun kulaj chicaj ri riq'uin ruchuk'a' nu'ij: Ja vacami ruk'ijul chi yecolotaj ri vinak, chi nik'alajin ri ruchuk'a' ri ka-Dios y ri ru-gobierno, y chi conojel tiquinimaj ri nu'ij ri Jun ri rutakon-pe chucolic ri rutinamit. Roma xc'ak yan e ri nisujun chiquij ri junan kaniman ri Jesucristo quiq'uin, y ri' ja ri jun ri yesujun-apu quichin chi chak'a' chi pak'ij chuvech ri ka-Dios.

Apocalipsis 22:3

Chupan ri tinamit ri', man jun ri c'a xtika na castigo pa ruvi'. Chiri' c'o-vi ri nimalaj tz'uyubel richin ri Dios y richin ri Alaj Oveja, y ri rusamajela' ri Dios xtiquiya' ruk'ij.

Efesios 2:8

Roma rix, xaxe roma ru-favor ri Dios yixcolotaj, y ri' roma xiya' ivánima riq'uin ri Jesucristo. Re' jun sipanic ri alaxnak-pe pa ránima ri Dios, y man rix ta yixch'aco.

San Juan 1:29

Chuca'n k'ij ri Juan ri Bautista xutz'et chi ri Jesús choj petenak riq'uin, y rija' quire' xu'ij chique ri quimolon-qui' riq'uin: Titz'eta', jare' ri Alaj Oveja richin ri Dios ri nelesan quimac ri vinak.

Apocalipsis 21:5

Y ri tz'uyul pa nimalaj tz'uyubel, quire' xu'ij: Ja', yin c'ac'ac' nin-en che ronojel, xcha'. Y xu'ij-pe chuve: Que'atz'ibaj ri ch'abel ri xquen-ij chave, roma ekitzij y utz chi nicuke' ac'u'x quiq'uin.

San Lucas 3:6

Y conojel vinak xtiquitz'et ri achique nu'on ri Dios richin nicolon. Quiri' ri rutz'iban can ri Isaías.

Apocalipsis 5:7

Xjel c'a apu ri Alaj Oveja, xuq'uen-apu ri boton vuj pa ruk'a' derecha ri Jun ri tz'uyul pa nimalaj tz'uyubel.

Apocalipsis 4:6

Chuvech ri nimalaj tz'uyubel c'o jun achel mar chay-chay nitzu'un y nitz'intz'ot. Y xe tak ruxiquin ri nimalaj tz'uyubel, ec'o (caji', yaquiji') ri c'o quic'aslen ri nojnak quij-quivech riq'uin runak' tak quivech.

San Juan 4:22

Rix aj-Samaria nis-ta iveteman ri achique niya' ruk'ij. Jac'a roj israelitas keteman ri achique nikaya' ruk'ij, roma ri xticolo quichin ri vinak chupan ri quimac, chikacojol roj israelitas xtutak-vi-pe ri Dios.

San Juan 1:36

Tok xutz'et chi ja ri Jesús ri nik'ax-e chiri', ri Juan quire' xu'ij: Titz'eta', ja la' ri Alaj Oveja richin ri Dios, xcha'.