2 Pedro 2:8 - GT:cak:Kaqchikel

⁸ Roma ri chojmilaj achi re', ri c'o racho chiquicojol ri aj-Sodoma y ri aj-Gomorra, k'ij-k'ij nibison ri chojmilaj ránima riq'uin nrac'axaj y yerutz'et chi ri aj chiri' man niquik'il ta qui' riq'uin ri itzel yequibanala'.

နောက်ထပ်ဗားရှင်းများ

Kaqchikel Santo Domingo (Xenacoj)

⁸ Porque ri Lot ri kin chojmilej rukꞌaslen, kꞌo rachoch chikikajal ri aj Sodoma y ri aj Gomorra, y qꞌij-qꞌij santienta ndibꞌison ránima, roma ndirakꞌaxaj y ndutzꞌet chi ri aj chiriꞌ ma ndikiqꞌet ta kiꞌ chi ndikibꞌanalaꞌ ri xajan chin ndibꞌan.

Kaqchikel Santa Maria de Jesus

⁸ Y ri ache choj rucꞌaslien reꞌ xcꞌujieꞌ chiquicajol ri vinak reꞌ. Y ruma kꞌij-kꞌij xraꞌxaj y xutzꞌat ri itziel tak kax ri xaꞌquiꞌan, ri ránima can xbꞌisuon.

Kaqchiquel Bible

⁸ Y xk'oje' k'a chikikojol ri winaqi' ri'. Y roma q'ij-q'ij xrak'axaj y xutz'et ri etzelal ri xekibanala', ri ránima re jun choj achin re' kan xq'axon roma ri'.

Kaqchikel Central Guatemala

⁸ Y re chojmilej achin re' xc'oje' c'a chiquicojol ri vinek ri'. Y roma ri k'ij-k'ij xrac'axaj y xutz'et ri etzelal ri xequibanala' ri vinek, ri ránima re jun chojmilej achin re' janíla c'a xk'axon romari'.

Re C'ac'a Testamento pa Kach'abal

⁸ Y re jun ache choj ruc'aslen re' xc'ue' chiquicojol re vinak re'. Y roma k'ij-k'ij xuc'axaj y xutz'at re etzelal xe'quibanala' re vinak, reja' camas xk'axo re ránma roma re'.

2 Pedro 2:8 ပူးပေါင်းရင်းမြစ်များ

1 Timoteo 1:9

Keteman chi ri nu'ij ri ley man yo'on ta richin yeruya' pa c'ayef ri choj quic'aslen, xa pa quivi' ri yek'ajo ri ley yo'on-vi, pa quivi' ri man yeniman ta tzij, pa quivi' ri manak Dios pa quivech, pa quivi' ri yebano mac, pa quivi' ri yec'ulula'n, pa quivi' ri man jun rakale'n niqui'en che rubi' ri Dios, pa quivi' ri yecamisan quite-quitata', pa quivi' ri ebanoy camic,

Hebreos 11:4

Ri Abel, roma cukul ruc'u'x, más utz sipanic xusuj chuvech ri Dios que chuvech ri xusuj ri Caín, y roma cukul ruc'u'x, romari' xk'alajin chi jun chojmilaj achi, y mismo ri Dios xk'alajrisan chi xuc'ul ri sipanic ri xusuj. Y masque caminak chic ri Abel, pero achel can c'a nich'o na chike riq'uin ri xcuke' ruc'u'x riq'uin ri Dios.

Santiago 5:16

Tik'alajrisaj c'a ri imac chivech. Tito-ivi' riq'uin oración, richin yixc'achoj riq'uin ri iyabil. Ri ruquemelal ri choj ruc'aslen chuvech ri Dios, can c'o ruchuk'a' y q'uiy nitiquer nu'on.