1 Corintios 2:16 - GT:cak:Kaqchikel

¹⁶ Achel nu'ij ruch'abel ri Dios ri tz'iban can: ¿C'o cami jun reteman achique nunojij ri Ajaf Dios? ¿O c'o cami jun nitiquer nu'ij che ri Dios ri achique utz chi nu'on? Man jun. Quiri' ri tz'iban can. Jac'a roj, roj uc'uan roma ri Lok'olaj Espíritu, romari' nikanojij achel nunojij ri Jesucristo.

နောက်ထပ်ဗားရှင်းများ

Kaqchikel Santo Domingo (Xenacoj)

¹⁶ Achel tzꞌibꞌan kan chupan ri rutzij ri Dios ri kereꞌ ndubꞌij: ¿Kꞌo kami jun wineq retaman achike ndunojij ri Ajaw, chin ta ndubꞌij chare achike utz chin ndubꞌen? Keriꞌ tzꞌibꞌan kan. Pero roj ri ukꞌuan qakꞌaslen roma ri Espíritu Santo ngojtiker ngojnojin achel ndinojin ri Cristo.

Kaqchikel Santa Maria de Jesus

¹⁶ Ruma ¿cꞌo came jun vinak ri rataꞌn ri chica nuꞌon pensar ri Ajaf Dios? ¿O cꞌo came jun ri nitiquir nuꞌej cha ri Dios ri chica otz chi nuꞌon? Pero ojreꞌ cꞌo chic runoꞌj ri Cristo kiqꞌuin.

Kaqchiquel Bible

¹⁶ Roma tz'ibatel kan chupan ri ruch'abel ri Dios chi man jun achoq chuwech niq'ax-wi ri nuch'ob ri Dios. Y man jun nitikir nipixaban richin.*f6* Jak'a roj kan k'o chik ruch'obonik ri Cristo qik'in.

Kaqchikel Central Guatemala

¹⁶ Achi'el ri nubij chupan ri ruch'abel ri Dios ri tz'ibatel can: ¿C'o cami jun vinek ri retaman achique nuch'ob ri Ajaf Dios? ¿O c'o cami jun vinek ri nitiquir nubij chire rija' ri achique ri utz chi nuben? Queri' ri tz'ibatel can. Jac'a roj ri oj uc'uan roma ri Lok'olej Espíritu, c'o chic ruch'obonic ri Cristo kiq'uin.

Re C'ac'a Testamento pa Kach'abal

¹⁶ Ancha'l nubij chupan re ruch'abal re Dios re tz'iban can: Man jun vinak atamayon re andex nunojij re Ajaf Dios. Y chuka' man jun vinak re nitiquir nibin cha re Dios re andex otz che nuban Quire' nubij re tz'iban can. Jac'a yoj re yoj-ec'uan roma re Espíritu Santo, c'o chic re runa'oj re Jesucristo kaq'uin.

1 Corintios 2:16 ပူးပေါင်းရင်းမြစ်များ

San Juan 15:15

Vacami man nin-ij ta chic nusamajela' chive, roma jun samajinel man reteman ta achique nunojij ri rajaf. Vacami nin-ij nu-amigos chive, roma ronojel ri ru'in-pe ri Nata' chuve, yin nuk'alajrisan chivech.

Romanos 11:34

Achel nu'ij ri tz'iban can: ¿Achique ta jun (nik'ax, nino') chuvech ri achique nunojij ri Ajaf Dios? Y, ¿achique ta jun nitiquer ni'in che ri Dios ri achique utz chi nu'on?

1 Corintios 12:8

Roma ri Lok'olaj Espíritu, che jun ruyo'on chi c'o che ri kitzij utzulaj no'oj ri petenak riq'uin ri Dios ri nitiquer nuya' rubixic. Che chic jun, mismo ri Lok'olaj Espíritu ruyo'on chi c'o che ri reteman ri Dios nitiquer nuya' rubixic.