Revelation 16:6 - Southern Carrier Scriptures

⁶ Dune Yak'usda bube'ildzun, 'en 'ink'ez ndan nus whunilh'en hububahanghan. 'Et huwa khunaiti ntsi' hinedulh, 'en 'uskai hiyootnai ka huba 'iyínla. Njan 'et whuch'a honílhde 'et huwa.”

Revelation 16:6 ပူးပေါင်းရင်းမြစ်များ

Matthew 7:2

Nts'e na'a 'uyoon ba nahahyeh, 'et whuz na'a nuhwhuba nahutedeh. 'Ink'ez nts'e na'a 'uyoon ghu nuni nahdzut, whuz na'a zeh nuhghu nuní huntezut.

Luke 12:48

'Et whunts'ih ndan t'eoonízun dumoodih ndet yuts'u hukwa' ninzun, 'ink'ez dude 'ut'en k'ah huwa hubooteltsus huba, dzuhyaz zeh hubooteltsus. 'Et ndun dune lhai bugha nt'ai, 'en lhat yuts'u hukwa' ntezilh. 'Ink'ez ndan lhat butl'awhélya, 'en 'o nus lhat yuts'u hukwa' untezilh.

Hebrews 10:29

'Et ndez na'a 'o nus whutétsi'. Ndunnah Yak'usda buYe' 'ants'i yuba unli hoh yuk'unuya t'eh, 'ink'ez Sizi buzkai be k'an 'et khunek huba lhaídinla, 'i huwhut'i, 'et Yak'usda ba 'udun nioobuninla, 'et whunts'ih ndi buzkai 'aw hoonliyaz huba chaílah t'eh, 'et Ndoni 'en chah, 'en be ye unzoo, 'i buts'un haídults'uk, hich'a yalhtuk t'eh, 'et ndi ts'iyawh ndunnah whuz na'a nduhut'en, 'et 'o nus whéoonujut hoh huba nahutedeh.

Revelation 11:18

'Udun yun k'ut whut'en huhunílch'e 'ink'ez nyoo be húnilch'e, 'i 'aw 'et whusawhélts'ut. Yahadla huba na'dutédeh whusawhélts'ut. Nye 'ulhna nus whunílh'en 'ink'ez dune nye'ildzun, ndunnah nyoozi ye nuljut, ntsol 'ink'ez ncha, 'en chah, 'en ts'iyawh huba' k'elha whutele. 'Ink'ez ndunnah ndi yun k'ut dune nilh'en, 'en chah tinta' 'ant'en hubutelhtsilh.”

Revelation 13:10

Ndan 'uyoon 'ulhna hubulhtsi, dich'oh chah whuz na'a zeh 'ulhna tele. Ndan soh cho be dune ghan t'eh, dich'oh chah soh cho be datetsah ho' hont'ah. 'Et huwa dune Yak'usda bube'ildzun, njan hiye 'alha 'uhoont'ah 'ink'ez 'i be whulh huzyin, 'et 'uwhúlhni.

Revelation 13:15

'Ink'ez ndi 'uk'edéltsi usjiz yutelhtsilh, 'et bughá whults'ut. 'Et t'eh ndi khunaiti ntsi' buk'eyíltsi yalhtuk chah yulhtsi. 'Ink'ez ndunnah ndi 'uk'edéltsi 'aw hits'un teni' noolhdzin ghait'ah, 'en ts'iyawh hubuhooghan, ni.

Revelation 18:20

“Nuhwheni yak'uz whut'en 'ink'ez nuhwheni Yak'usda be'ildzun 'ink'ez nuhwheni whel'a, 'ink'ez nus whunilh'en chah ndun ts'eke 'ul'en bulh dahooja, 'et huwa soo cho whunélhnik! nts'e na'a nuhwhuba nahezya whuz na'a Yak'usda nuhwhuba yuk'elha whulhtsi 'et huwa.”

Revelation 18:24

'Ink'ez ndunnah nus whunilh'en, dune Yak'usda be'ilhdzun, 'en hubuzkai, 'ink'ez ndi yun k'ut dune hubanghan, 'en chah ts'iyawh 'en hubuzkai 'i 'int'ah!” ni, lizas ulhtus.

Revelation 19:2

Ye nahéyelh ts'iyawh 'alha 'int'ah 'ink'ez ts'ah'un 'int'ah 'et huwa. Ndun degha nus 'ul'en hoontsi' tune'ut'en, 'et hoh ndi yun k'ut dune tinta' hubunílh'en, 'ink'ez Yak'usda be 'ulhna hubuzkai whulhtsi, 'et hukw'elha Yak'usda yuba nahezya.”