Matthew 21:42 - Southern Carrier Scriptures

⁴² 'Et Sizi ndo búlhni, “'Aw ih hukw'e yachazulhtuk Yak'usda bughunek daja ni inle da? 'Et ndez k'e'eduguz, ‘Ndunnah 'en ndi tse be koo 'uwhulh'en 'i 'ún hidutelh'us, 'i ba koo buk'uwhuz'ai huba soo degha nus tse 'int'ah, 'i suli. 'Et Moodihti whuz na'a 'uhoonla. 'Ink'ez nuwheni tube neba hooncha ho' hoont'ah,’ ni.

Matthew 21:42 ပူးပေါင်းရင်းမြစ်များ

Matthew 21:43

'Et huwa nuhwhudúsni, nts'e Yak'usda hubudayi cho unli, 'et ts'iyawh nuhghu nahootélchulh 'ink'ez 'uyoon hudedowh butl'aóote'alh. 'En 'ut'en unzoo, 'i buts'u haóokat.

Acts 4:11

Sizi, 'en 'int'ah Yak'usda be' dustl'us 'uk'une'úzguz, 'i k'ut ndutni hoh bughi yatuk, ‘Nuhwheni koo 'uwhulh'en tse 'ún dutelh'uz, 'i 'uja degha nus tse tube buka daóodit'ah, 'i suli.’

Romans 9:33

'Et whuz na'a Yak'usda bughunek 'uk'e'usdúguz ndutni, “Whunulh'en, keyah Zion ts'uwhútni, 'et tse 'i nidúntes'alh, 'i dune hinedúntedaih. 'Et ndunnah Yak'usda bughunek chahiyilhcholh, ndi tse huba chayízooh. 'Et whunts'ih ndunnah huba 'alha' yint'ah, 'en 'aw hukwaya hoole ghaít'ah.”

Ephesians 2:20

Nuhwheni Yak'usda koo lí'aht'ah. Ndunnah whel'a 'en 'ink'ez Yak'usda be nus whunilh'en, 'en ts'iyawh koo buk'uwhuz'ai hinli. 'Ink'ez nuhwheni 'en whunohodalh'i, 'et huwa hubulh 'áht'ah. Christ 'en dich'oh degha nus tse koo buk'uwhuz'ai, 'i unli ho' 'int'ah.