Luke 7:27 - Southern Carrier Scriptures

²⁷ 'En bugha 'uk'une'usguz inle hoh njan ndutni, ‘Soo zilhts'ai, khunek suba na'a, 'en ntsuh tes'alh. 'En ti lhutanyalh, mba lhaoodutelilh 'et wheni.’

Luke 7:27 ပူးပေါင်းရင်းမြစ်များ

Matthew 11:10

Ndun 'en bugha 'uk'une'úsduguz, 'i 'et ndutni, ‘Sih soo zelhts'ai 'uyoon khunek suba na'a, 'en ntsuh telh'alh. Nts'oh lhutéyalh mba lhaoodutelilh ka.’

Mark 1:2

'Uda Yak'usda be nus whunilh'en, ndi Yak'usda bughunek bugha 'uk'une'úsduguz, 'i 'et njan ndutni, “ ‘Yak'usda 'ust'ah, sóo zelhts'ai, 'uyoon khunek suba na'á ntsuh tes'alh, mba lhaoodutelilh 'et wheni.’

Luke 1:76

'Ink'ez nyun 'uskiyaz 'en ndun degha nus dedo, 'en ba nus whunilh'en nyuhudutenilh. NeMoodihti 'en ti hoonzoo buba whutelhtsilh ka butsuh tanyalh 'et huwa.

Luke 7:26

'Et ndet simba hukwa tsi hoohli whuteh'ilh? Nus whunilh'en tulih? A! 'Alha 'un whudúsni nus whunilh'en ba nus unzoo 'et nulh'en!

Luke 7:28

'Alha 'un whudúsni, nus whunilh'en ndunnah whuzdli, 'en hubutah John dune too be 'ulh'en, 'en degha nus ncha 'int'ah. 'Et whunts'ih nts'e Yak'usda hubudayi cho unli, ndan degha nyoh 'int'ah, 'en 'o nus uncha unli.”

John 1:23

'Et John ndo búlhni, “Si 'ust'ah 'aw dune chahóot'ih ts'ih dultul hoh ts'iyannah dune hubudúsni, neMoodihti lhuteyalh hoonzoo 'ink'ez lhk'owhudez'a huba whulhtsi. 'Et whuz na'a Yak'usda 'en be nus whunilh'en Isaiah ndutni ínle,” ndo búlhni.