Luke 3:36 - Southern Carrier Scriptures

³⁶ 'En Cainan yuts'uh hainzut, 'en Arphaxad yuts'uh hainzut, 'en Sem yuts'uh hainzut, 'en Noah yuts'uh hainzut, 'en Lamech yuts'uh hainzut,

Luke 3:36 ပူးပေါင်းရင်းမြစ်များ

Luke 17:27

'Et ts'iyannah 'uha'alh zeh 'uhut'en, 'ink'ez tahunutnai. Dune 'ink'ez ts'ekoo chah lhgho delhts'i. 'Ink'ez hoh da nts'e na'a Noah ts'i cho be ínya 'ink'ez too hadámbun, 'et ts'iyannah too hubanghan.

Luke 3:35

'En Serug, yuts'uh hainzut, 'en Reu yuts'uh hainzut, 'en Peleg yuts'uh hainzut, 'en Eber yuts'uh hainzut, 'en Salah yuts'uh hainzut,

Luke 3:37

'En Methuselah yuts'uh hainzut, 'en Enoch yuts'uh hainzut, 'en Jared yuts'uh hainzut, 'en Mahalaleel yuts'uh hainzut, 'en Cainan yuts'uh hainzut,

Hebrews 11:7

Noah 'en chah Yak'usda buba 'alha' yint'ah. 'I be ndet 'aw chawhes'en whúnts'i, ndet Yak'usda 'uyúlhni, “Huwondle 'aw 'et whuz de whélts'ulh.” 'Et huwa whenuljut hoh ndi ts'i cho 'i 'uyínla. 'Et huwa Noah hikoo húdelhts'i, 'en ts'iyawh hubúlhyih. Ndet ndi ts'i cho 'uyínla, 'i bugha ndi yun k'ut nduhóolcho hoh dune huba nahesda. Nts'e na'a hoh be 'alha 'uhoont'ah be ts'ah'un na'a 'int'ah ts'inli, Noah 'en chah whuz na'a Yak'usda buba 'alha' yint'ah suli, 'i be ts'ah'un dune inle.

1 Peter 3:20

Ndunnah, 'en 'uhint'ah, hoh da 'aw hik'únucha'it'il inle. Noah ts'i cho 'uleh hoh, 'et nduhóolyez Yak'usda yubulh dzuh nuzut hoh buba ilh'i. 'Ink'ez bulunah lhk'udinah (8) 'aw 'en zeh, too hubuteghan whuch'a hudujih.

2 Peter 2:5

'Ink'ez yoo niz haóodanzut da whuts'un, 'uda yun k'ut whut'en, ndunnah Yak'usda highu nuni chahunízut 'ink'ez 'aw chahidílhti, Yak'usda 'en chah 'et 'aw whulachadítnih. 'En 'uja ndi yun k'ut ndulhcho hoh too hadambun 'ink'ez too hubanghan. Hoh da lhk'udinah 'aw 'en zeh 'et whuch'a Yak'usda hubulhyih. Too hadutébilh whutsuh, Noah, 'en Yak'usda ye ts'ah'un na'a 'int'ah, 'i be dune hubulh yailhtuk, 'en hubulh 'ilhunuh 'int'ah.