John 8:37 - Southern Carrier Scriptures

³⁷ T'ewhunúszun Abraham buts'u háhde ahli, 'et whunts'ih sughunek 'aw buka cha'nuhzun, 'et huwa sutuzelhghelh hukwa' nahzun.

John 8:37 ပူးပေါင်းရင်းမြစ်များ

Matthew 13:15

Ndunnah dune budzi 'ants'ih buba' hoont'ah suli 'et huwa, 'ink'ez 'aw hoonli hodóts'o hoolah, 'ink'ez ndai be 'alha' hoont'ah, 'i 'aw hinoolh'en hukwa cha'hunízun. 'Et huwa chawhés'en lí'hint'ah. 'Et huwa 'aw honóolh'en ghaít'ah, 'ink'ez budzo be 'aw hodóts'o ghaít'ah. 'Ink'ez budzi be 'aw t'ehonoozeh hoolah. 'Et whuz na'a nducháhit'ah t'eh, 'uda da hubulubeshi ch'a nahulhya wule da, 'ink'ez da Yak'usda huboolhyih,’ ni Isaiah.

Matthew 3:9

'Ink'ez khun teh na'dudoohtni gunih, nuwheni Abraham buts'u hats'ánde 'uts'int'ah. Ts'ah'un na'a 'ún whudusni Yak'usda soo 'ultus ho' 'int'ah, tse be 'i whunts'ih Abraham buts'u hahánde hubutelhtsilh.

John 10:31

'Et doo chah Lizwif tse hiye tuzelhghelh 'i hidílhchoot.

John 11:53

Soo 'et dzin whuts'un lhahóduleh hituzelhghelh wheni.

John 5:44

Nuhwhenich'oh nuhtah chaoodúlhti. 'Et whunts'ih, ndai be 'uzdélhti 'i Yak'usda dich'oh buts'u haídelts'ut, 'i 'aw bakancha'zaht'o 'et huwa nts'e na'a nuhwhuba 'alha' 'uwhutét'ilh?

John 7:1

Njan hukw'elh'az Sizi Galilee yun k'ut zeh hoh nuséya. Lizwif hituzelhghelh hukwa' huninzun 'et whuch'a 'aw Judea yun k'ut nóya hukwa cha'nízun.

John 7:19

'Aw ih Moses 'en ndi khunek buk'úne'ooht'en, 'i nuhwhutl'aída'ai, 'et whunts'ih 'aw hubuk'uncha'zuht'en, 'ink'ez di ka sutuzelhghelh hukwa' nahzun?” hubúlhni.

John 7:25

Bulunah Jerusalem whut'en 'uhutni, “Ndunnah 'en tulih 'int'ah hituzilhghelh hukwa' huninzun?

John 8:33

'Et 'uhiyúlhni, “Nuwheni Abraham buts'u hatsánde 'uts'int'ah. 'Aw whutsuh da 'uyoon ba 'ulhna chats'ílah, 'ink'ez di ka ne'díni, nuhwhula na'dutetnih nedíni?”

John 8:43

Nts'e na'a nuhwulh yalhtuk, 'aw t'ewhunuzáhzun. Daja nuhwhudúsni 'aw sudóohts'o hukwa cha'nuzáhzun 'et huwa.

John 8:56

Nuhwhé'abá Abraham tube hóont'i whe suts'ó dezulh, 'et whute'ilh. 'Aw 'et whunalh'en 'ink'ez tube whunálhnik.”

John 8:59

'Et ndo búlhni hoh, ts'iyawh tse hiyeni dézgooh, 'i be whusa be' hínalh'uz 'ink'ez hituzelhghelh 'et hukwa. 'Et Sizi hubuch'a untelhú'i 'ink'ez soo hubutah 'et lhunásja hoh luglez whucho 'et tinánja.

John 8:6

'Et 'aoonilhka hiyóolhzih hoonliyaz hukwa hik'eóote'alh 'et huka 'uhutni. 'Et Sizi nyuk 'uja 'ink'ez dulasgek be yun k'ut hukw'uné'uzguz.

Acts 13:26

'Et Paul 'o 'un ndo búlhni, “Sulhutsinkah, Abraham yekédinzut, 'ink'ez 'udun yun k'ut whut'en, ndunnah Yak'usda ts'un tenadudli, nuhwheni ts'iyawh, wheni chah, ndi khunek 'i netelhyis wheni nets'ó tl'adelts'ut.

Romans 9:7

'Ink'ez Abraham yuts'u haínzut 'aw ts'iyawh ilah Israel whudune hinli. Yak'usda 'en Abraham 'ídani, “Isaac 'en bugha zeh nts'u haínzut hootédzilh.”

1 Corinthians 2:14

'Et whunts'ih ndan Ndoni chait'ih, ndai Yak'usda buyégha buts'un haidults'it, 'i 'aw chayulhchoot, whusnik be hoonli k'una'a ba' yint'ah 'et huwa. Soo Ndoni 'en bugha zeh t'ehontezeh, 'et huwa Ndoni daja ni 'aw t'eoonoozeh ghait'ah.

1 John 2:14

Nuwheni 'ubákah ndun 'udechoo whuts'un 'int'ah t'enahzun, 'et huwa nuhts'un k'e'isguz. Chilhkah ulhtus 'ink'ez Yak'usda bughunek nuhyudín'ai, 'ink'ez ntsi' buch'a nulhde, 'et huwa nuhts'un k'e'águz.