Hebrews 4:7 - Southern Carrier Scriptures

⁷ 'Et huwa Yak'usda 'et 'ilhut dzin 'uhoont'ah neba 'udun nióoni'ai. “K'an 'et dzin whudezulh,” 'et 'uhoont'ah. 'Et sa hukw'elh'az 'et Yak'usda David be yailhtuk hoh njan ndutni, “K'an dzin 'et bughunek dahts'o t'eh, khun teh nuhdzi doolhts'un gunih!”

Hebrews 4:7 ပူးပေါင်းရင်းမြစ်များ

Matthew 22:43

'Et ndo búlhni, “Nts'e na'a 'int'ah David Ndoni be nyun sMoodihti 'int'ah nyudúsni ni 'et ndez na'a njan ndutni,

Mark 12:36

'Et David, 'en Ndoni bugha 'et ndutni, ‘Moodihti 'en suMoodihti 'uyúlhni njan nalhnih ts'ih sughu sinda. Hoh t'eh sih nch'a húdetni, 'en buk'ut nke naóolhyis mba hólhsilh.’

Luke 20:42

David dich'oh 'et ndutni njan Yak'usda bughunek Shun be' dustl'us k'ut, ‘Moodihti 'en SMoodihti ndi yúlhni, Sunailhni ts'ih sinda,

Acts 2:29

Peter 'o 'un chah ndutni, “Sulh dune David netsuh da keyah whuduchun unli, 'en bugha ts'ah'un na'a whunwhunoolhtun hukwa' nuszun. David dazsai 'ink'ez 'uhíyalhti 'ink'ez buts'un k'ut 'awhuz nezih whuz'ai.

Acts 2:31

David nus hó'en hoh Yak'usda daténilh t'eoonanzin 'et Christ dinadutédalh 'et huwu yailhtuk hoh ndutni, ‘Yaidla tah 'aw 'et néyoolhtelh ghaít'ah, buyust'e chah 'aw wulhjut ghaít'ah.’

Acts 28:25

'Et Lizwif lhelhts'un 'uhutni. 'Et 'az náhedulh hoh Paul njan ndo búlhni, “Dalcho 'i be Ndoni 'en Yak'usda be nus whúnilh'en Isaiah 'uhiyúlhni, yudáni, ndi khunek nuhtsahda hubutl'aídoo'alh ka.

Hebrews 3:15

'Et whuz na'a 'uk'une'úzguz hoh 'et ndutni, “K'an 'et dzin Yak'usda bughunek dahts'o t'eh, khun nuhdzi doolhts'un gunih! Ndunnah Yak'usda ch'a yahalhtuk 'aw 'en buk'una'a 'ooht'en gunih.”