Acts 2:34 - Southern Carrier Scriptures

³⁴ 'Aw David yak'uz nuchaiyal, 'et whunts'ih njan ndutni, ‘Moodihti 'en suMoodihti 'et ndi yulhni, ‘Njan nalhnih ts'ih sughu sinda,

Acts 2:34 ပူးပေါင်းရင်းမြစ်များ

Mark 12:36

'Et David, 'en Ndoni bugha 'et ndutni, ‘Moodihti 'en suMoodihti 'uyúlhni njan nalhnih ts'ih sughu sinda. Hoh t'eh sih nch'a húdetni, 'en buk'ut nke naóolhyis mba hólhsilh.’

John 3:13

'Aw 'ilhunuh dune nduk yak'uz whenya hoolah, 'aw 'ilhunuh zeh 'uja ndus de yak'uz haínya. 'En 'int'ah yinkak dune ye' unli, 'en 'int'ah yak'uz whukeyah whuz'ai.

Acts 2:35

ndet nch'a hudetni, 'en hubuch'a' nilhde hukw'élh'az 'et 'ilhuz bumoodih onle.’

1 Corinthians 15:25

'Et whuts'un buYe' hich'a ne'ut'en, 'en be'aBá duke tl'ah nibutelelh 'ink'ez hubuk'edit'ez t'eh, 'et whuts'un ts'iyaintsuk k'une'butelilh huba' hoont'ah.

Ephesians 1:22

Ndai ne'aBá degha nus ye ulhtus, 'i be ts'iyaintsuk Christ duketl'ah níninla. 'Ink'ez Yak'usda ba 'ilhunahuwúdulh ts'iyai be 'en ts'iyawh hubutsuh whudélhdzulh 'int'ah.

Hebrews 1:13

'Et whunts'ih Yak'usda bulizas 'aw 'ilhunuh whunts'i njan nduchaoobudínil, “Nch'a hudetni ts'iyawh nke hubuk'ut natelyis mba hubutelhtsilh. 'Et whuts'un 'et duhóoja t'eh, nalhnih ts'ih suzih tanda.”