1 Timothy 5:11 - Southern Carrier Scriptures

¹¹ 'Et whunts'ih k'us ndan k'an hezulh tsandelh hinli, 'en huboozi buk'e'onges gunih. Nts'un na'a ne'hoot'en 'ink'ez Christ ch'a nahulhú'a t'eh, ki ka hudutedut'ilh hukwa' huninzun.

1 Timothy 5:11 ပူးပေါင်းရင်းမြစ်များ

1 Timothy 4:3

Lhghu dutelts'ilh, 'et whuch'a honenyoot, 'ink'ez buluh ts'uyi 'i chah hich'a buntéyoot. 'Et whunts'ih ndunnah huba 'alha' hoont'ah 'ink'ez khunek 'alha' 'int'ah, t'ehininzun, 'en hika' ninzun, 'i ts'iyawh hiyoo'alh huba' hoont'ah, Yak'usda 'uyinla 'et huwa. 'Et 'udechoo ndi ts'uyi ka Yak'usda ts'un chanailya hudooni 'ink'ez hiyoo'alh.

1 Timothy 5:12

'Ink'ez 'udechoo hubughunek hiye nahezya, 'i k'uhinínyuz t'eh, 'et t'eh huba nahutedeh.

1 Timothy 5:14

'Et huwa ndez na'a buts'u hukwa' nuszun, ndunnah tsandelhyaz, 'en ki náhoot'i 'ink'ez bubuzkeh hole, 'ink'ez bukoo chah huwo hoole. 'Et njan nduhut'en t'eh, 'aw nech'a detni nelh yatelhtuk bughá holts'it ghait'ah.

1 Timothy 5:9

Tsandelh lhk'utai lanezi 'o 'at naoodezut be naooduzuk (60), 'ink'ez 'ilhunuh zeh ghinda t'eh, 'en zeh huboozi hubuk'e'ooduguz huba' hoont'ah.

James 5:5

Nuhwheni soo de'a 'unaht'ah, ndi yun k'ut hoonaht'i zeh 'uwhulh'en, 'ink'ez hoonzoo hukw'una'a zeh dune ahli. 'Et nuhwheni 'et ts'iyawh hukwa' nahzun tune' aht'en. 'Et nts'e na'a musdus nats'utuzelhghelh teh whutsuh 'et naznulhk'ah, 'et whuz na'a zeh nuhwheni chah 'et ndaht'en.

2 Peter 2:18

K'us ndan huba 'alha 'uhoont'ah, 'en ndi yun k'ut tink'us 'et'ilh, 'en buch'a nahusdel. Ndi khunek whuts'it, 'i be hubodulh'eh, ndunnah huba 'alha 'uhoont'ah hubuhoolhgooh hukwa' hubuhulh'en. Nts'e na'a hoolhtus hoh neyust'e lubeshi whuts'u nint'uk, 'en whuts'it, 'i khunek ncha, 'i be hubulh yahalhtuk hoh tink'us húbanilht'uk hukwa' ba halh'en.

Revelation 18:3

Soo nint'uk hoh 'uyoon dune bulh tinta' 'ut'ih, mai too k'una'a 'udun yun k'ut whut'en, 'et whuz na'a zeh hube yulhnai. Ndi yun k'ut hubudayi cho chah hiyulh tinta' ut'ih inle. 'Ink'ez ndi yun k'ut 'uhóoket, 'en ndun ts'eke hoh soode'a 'int'ah 'ink'ez whélhtus, 'et huwa higha soode'a huzdli.”

Revelation 18:7

Duba naducha 'ink'ez whudézti hukw'u na'a zeh yinkak usda, whuz na'a dzuh nuzut 'ink'ez tso unli bugha óonah'aih. Dudzi yuh hoh njan ndutni, ‘Hubudayi cho ts'eke k'una'a sída. 'Aw tsándelh chásdlah, 'ink'ez tso chah chasés'en.’

Revelation 18:9

“Ndi yun k'ut whuhubudayi cho yulh tinta' 'ut'ih, 'en soo hiyulh soode'a 'uhánt'e ndun ts'eke dezk'un bulut hinilh'en hoh, hik'e tetso 'ink'ez hik'e ni unteleh.