San Mateo 16:6 - Karif

⁶ Ábati laríñagun Jesúsu joun. —Toúnigigua jumátia júngua lueí jísite fariséogu jáma saduséogu.

San Mateo 16:6 ပူးပေါင်းရင်းမြစ်များ

San Mateo 16:1

Ába joúdin fariséogu jáma saduséogu aríjei Jesúsu. Lun jáburugüdüni tídoun sádara, ába jaríñagun lun lun larúfudun ában seíni láuti miláguru le siélugiñeti joun, afíñe jamámuga luágu lúmagiñe lan Búngiu liábin.

San Mateo 16:11

¿Ída liñági meféen jubeí luágu máma lan tuágu fein nadímureja dan le naríñagunbei jun lun joúnigiragun júngua lueí jísite fariséogu jáma saduséogu?

San Mateo 16:12

Ába gunfaráanda jamáni luágu máma lan luágu tísitena fein laríñaga joun, lueí lan arúfudajaní le jáni fariséogu jáma saduséogu lawéridiraña.

San Mateo 16:5

Dan le jájiñuragunbei disípulugu lúma Jesúsu loubáfurugun dúna, bulíei jamúti janǘgün fein.

San Mateo 16:7

Ába jagúmeserun disípulugu aríñaga jámagua. —Ladǘgatia manǘgün wamá fein laríñagunbei ítara.

San Mateo 3:7

Dan le laríjin Juan luágu sarágu jáña lan gürígia lídaangiñetiña jadámurin fariséogu jáma saduséogu ñǘbintiña lun jabásterun, ába laríñagun joun. —¡Jarásan jéwe jugúya le! ¿Ca awísarubadün lun janúrajan lueí lanárime afáyeiragülei luágu figoú le lúnbei liábin?

San Marcos 8:15

Ába lewéridiruniña Jesúsu, laríñaga joun. —Toúnigi jumátia lueí jísite fariséogu lúma lísite Heródes.

San Lucas 12:1

Ába joúndaragun sarágu mílu gürígia, gíbetiña darí lun jachúinragun joúngua. Ába lagúmeserun Jesúsu aríñaga joúntima láni disípulugu. —Toúnigi jumátia jaweí fariséogu, ítara líña jagáburi quei ísi—biánguañein jagíbu.

San Lucas 12:15

Aríñagati gíñe ítara. —Toúnigigua jumá júngua lueí luweínamu águu, ladǘga máma lueígiñe líbe lúmati gürígia labágarida sarágu dan.

San Juan 4:33

Ábati jagúmeserun disípulugu álügüdagua jámagua, ába jaríñagun. —¿Máfuna barǘjaña eígini lun?

Gálatas 5:9

Mabúlieida jumeí luágu furése lan lawáraüdagun arúfudajani le maríchati lun lagǘnrinchaguni jafíñen sarágu gürígia queísigubeirügü résigüda lánun murúsun ísi sun to añóundawaguboun láu.