San Marcos 8:2 - Karif

² —Gudémetiña gürígia ja nun ladǘga ǘrüwa wéyu jáu núma ya áni úaali ni cáta jáma lun jeígin.

San Marcos 8:2 ပူးပေါင်းရင်းမြစ်များ

San Mateo 14:14

Dan larárirun Jesúsu tídaangiñe ugúnein, ába laríjin luágu sarágu jaña lan gürígia jagía, ába jagúdemedagun lun, ába lareídaguagüdüniña ja sándibaña jádan.

San Mateo 20:34

Ába jagúdemedagun lun Jesúsu, ába lagúurun luágu jágu. Lúmagiñe óra ligía ába jaríjin, ába jafálaruni.

San Mateo 9:36

Dan laríjiniña gürígia, ába jagúdemedagun lun, ladǘga nidíjeri jamá, magúraasun jagía, camá mudún ja moúniritiña.

San Marcos 1:41

Ába lagúdemedagun lun Jesúsu, ába lagúuruni láu lújabu, ába laríñagun. —Láu sun nugúndan, areídaguabá.

San Marcos 5:19

májati Jesúsu, aríñagarügüti lun. —Beíba júbiñoun jámoun bidújeñu, ábame babájüdaguni sun le ladǘgübei Babúreme Búngiu báu, ída líña lan bagúdemedun lun.

San Marcos 6:32

Ába joúdin tídan ába ugúnein lídoun ában fulásu mageírawati.

San Marcos 6:34

Dan le larárirunbei Jesúsu tídaangiñe ugúnein, ába laríjin sarágu gürígia jagúrabajañein, ába jagúdemedagun lun ladǘga ítara jáña lan quei mudún ja moúniritiña. Ába lagúmeserun arúfudaja sarágu cátei joun.

San Marcos 8:3

Ánjaña noúnaja águyu meíginga, ladágaruba falálaü jawágu ǘmada, ladǘga añájein jádaangiñe, díseti ñígiñe lumúti jayábin.

San Marcos 9:22

Gíbeeli weíyaasu lájuchuruni espíritu wuríbati ligía wáturugun o dúnarugun lan lún yebe láfaruni jilágubei. Ánjein lubeíti níjein lubeí gayára bumúti adǘga, gudéme wamá bun, íderagua báwa.

San Lucas 15:20

Ába lárügüdün ǘma lun lagíribudun lúbiñoun lúguchi. ‘Dísegi líña, ába laríjini úguchili irájü le, ába lagúdemedun lun. Ába leíbaagun lubároun, ába loúburuni, ába lachúuruni.

San Lucas 7:13

Dan le laríjinbarun Wabúreme Jesúsu, ába tagúdemedagun lun, ába laríñagun tun. —Mayájuabá.

Hebreos 2:17

Lúnti líra, gásu meja ítara lúba lan queísi libíriña, lun liábinba lan lun ábanbei lan fádiri íñutimaati, le úaraguati, láu gudémejabu joun gürígia, lun gíñe lachíbuni jafígoun gürígia láu ledéregeragun lúngua luágu gurúwa.

Hebreos 4:15

Gayáraati gudémejabu lan Jesucrístu le wafádiriñebei woun luágu wadébilin, lugúndun ligía guánarügü súfuriti sun luwúyeri oúchawaguni quei wagía, mafígounjaanti.

Hebreos 5:2

Quei débili lan fádiri guánarügü quei furúmieguarügü gürígia, gayáraati gudémejabu lan joun gafígountiña jáma acháragadutiña,