San Marcos 8:11 - Karif

¹¹ Ába jayábin fariséogu, ába jagúmeserun asígeneja lúma Jesúsu. Lúnti jaríjin lábun, ába jamúriajan lun larúfudun ában miláguru joun, siélugiñe.

San Marcos 8:11 ပူးပေါင်းရင်းမြစ်များ

San Mateo 12:38

Ába jaríñagun jádaangiñe fariséogu jáma arúfudajatiña lilúrudun Moisés lun Jesúsu. —Maésturu, buséntiwa waríjin badǘgün ában seíni le láuti miláguru luágu lúmagiñe lan Búngiu biábin.

San Mateo 19:3

Ábati jayábin fiú fariséogu lúmoun Jesúsu áluga jáburugüdüni tídoun sádara, ába jálügüdüni. —¿Según barítagun, gayáraatísan lígirunun gürígia lúmari lueígiñe furúmieguarügü cátei?

San Mateo 21:23

Ábati lebélurun Jesúsu témpulurugun, dan niján lan arúfudaja ñi, ába jayábin jábutigu fádirigu jáma wügǘriña ábutigu lídan jafíñen juríu, ába jaríñagun lun. —¿Aríñagabeí woun ca lan biríchabei lun badǘgüni cátei le? ¿Ca íchugubalin ubáfu le bun?

San Mateo 22:15

Ába joúdin fariséogu, ába júaradun aríja cába lan gayára lan jadǘgün lun jaríñagagüdüni Jesúsu cátei le uáguti gayára lan jadárirun lidúnrun.

San Mateo 22:18

Aríagu líña Jesúsu lun luríba jayúmajan, ába laríñagun joun. —¡Biángua tigíbu jugúya le! ¿Ca uágu jíchaaja sádara nubá?

San Mateo 22:23

Wéyu méme ligía, ába joúdin fiú saduséogu aríjei Jesúsu. Jaríñajare saduséogu luágu úa lan ásaaruni lídaangiñe oúweni. Ábati jaríñagun lun Jesúsu.

San Marcos 12:15

Subúdi lumúti Jesúsu luágu biánguañein lan jagíbu, ába laríñagun joun. —¿Cámesan jíchaajan sádara nubá? Barǘjuma ában lídaangiñe seínsu ligía nun, aríja námugei.

San Marcos 2:16

Ja arúfudajatiña lilúrudun Moisés, jáma fariséogu, dan le jaríjinbalin eíga jáma sun wuríbatiña jagía (según jagía), ába jaríñagun joun láni disípulugu. —¿Ída liñásan leíginbei jumáesturun áni gurá ligía jáma agúburajatiña liseínsuna gumádi lúma jáma ámu gafígountiña?

San Marcos 9:16

Ábati lálügüdüniña, laríñaga joun. —¿Ca uágu jasígeneja jáma?

San Lucas 10:25

Lídan ában guríriguaü, ñíñein ában arúfudajati lilúrudun Moisés, abúseeruti loúchaguni Jesúsu, ába lásaarun, ába laríñagun lun. —Maésturu, ¿cábasan nadǘga lun gayára lan nibíjini ibágari magúmuchaditi?

San Lucas 11:16

Jíbiri, lun joúchaguni, ába jamúriajan miláguru lúma lun larúfuduni luágu lúmagiñe lan Búngiu liábin lubáfu.

San Juan 4:48

Ába laríñagun Jesúsu lun. —Jugúya, ánjaün maríjin miláguru, mafíñetün.

San Juan 6:30

Jaríñagati lun. —¿Cábagi seíni gayára barúfudun woun lun wafíñerun buágu? ¿Cági cátei badǘgübei?

San Juan 7:48

¿Níjein funági ában jádaangiñe wábutigu o jádaangiñe lan fariséogu afíñeruti luágu?

San Juan 8:6

Jaríñagunbalin líra lun jaríjin lábun, lun gébuna lan jíchugun lidúnrun. Ábati lélemuchun Jesúsu, ába labǘrüjan múarugu láu lújabu.

Hechos 5:9

Ábati laríñagun Pédro. —¿Ca san uágu jebélura lídoun úaraduni lun joúchaguni láni Búngiu Espíritu ítara? Añatén ja anǘgübalin búmari ábuna, janǘgadibu gíñe.

1 Corintios 10:9

Moún lumuti gíñe wáluajani lében lugúraasun Búngiu woun láu luríban wagáburi, quei jadǘgüni jádaangiñe, ába joúwegun láu lágüragüdüniña joun jéwe.