San Marcos 12:9 - Karif

⁹ Ábati lálügüdajan Jesúsu. —¿Cábati ladǘga labúreme ichári? Liábinme, ábame láfaraguniña ñadágimeintiña jilágubei, ábame líchuguni ichári joun ámu.

San Marcos 12:9 ပူးပေါင်းရင်းမြစ်များ

San Mateo 12:45

Ábati lídin, ába liábin jáu sédü espíritugu wuríbatimaatiña sügǘ láu, ába jebélurun sun jagía agánawa lídan gürígia ligía, wuríbatimájaliti le gádaanbalin sügǘ láu meja furúmiñe. Ítara lúba giñéti lasúseredun joun gürígia wuríbatiña ja lánina dan le.

San Mateo 21:34

Dan le lachǘlürün dan lun alúbajani, ába loúnajan jádaangiñe lumúsuniña amúriajei lufánran jámagiñe ñadágimeintiña.

San Mateo 21:43

Ligía naríñagunbei jun luágu lagídarúaba lan larúeijan Búngiu jueí, jugúya le weírigubei lídan jafíñen juríu, ábame líchugúniwa joun gürígia ja edéregeruti alúbajani le láni larúeijan Búngiu.

San Mateo 22:7

Ábati lagáñidun urúei sarágu, ába loúnajaniña lisúdaaranigu áfaraguaña gáfarajatiña jagía jilágubei lúma águdei jageíra.

San Marcos 12:10

¿Malíijan jumágilisan le taríñagubei Lerérun Búngiu nuágu? Taríñajare. Lé meja dǘbü le mabúseerun jabeí ábunagutiña, ligíaali furúmiñeti.

San Marcos 12:8

Ábati járügüdüni, ába jáfaruni jilágubei, ába jaságaruni lúgubu lídaangiñe fulásu ligía.

San Lucas 19:27

Játi náganiñu, já yebe mabúseerúnbaña lun urúei nan, barǘjumaña ñájoun, áfaragua jumáña jilágubei nigíbugiñe.”

Romanos 10:20

Aríñagati gíñe Búngiu liyúmulugugiñe Isaías. Darí jamutina ja máluajaanbalina, arúfudaguatina núngua joun ja málügüdajánbaña nuágu.