San Lucas 23:4 - Karif

⁴ Ábati laríñagun Piláto joun jábutigu fádirigu lúma joun jíbiri gürígia. —Madáritina dúru luágu wügǘri le.

San Lucas 23:4 ပူးပေါင်းရင်းမြစ်များ

San Mateo 27:19

Sun ñun lan Piláto luágu lála le lánina agúseruni, ába toúnajan lúmari aríñaga lun. “Madǘgabá ni cáta láu gürígia úaraguati le, ladǘga gewéneditina buga ában uwénedi wuríbati áriebu buga ladǘga gürígia le.”

San Marcos 15:14

Ába laríñagun Piláto joun. —¿Cáti wuríbati ladǘgübei? Ábaya jagúaragun. —¡Dáguabeí luágu gurúwa!

San Lucas 23:22

Ába laríñagun Piláto joun luágu lǘrüwan weíyaasu. —¿Cáti wuríbati ladǘgübei? Madáritina ni cáta le lúnti lafarún jilágubei lueígiñe. Nabeíchagüdali, ábame nígiragüdüni.

San Juan 18:38

Laríñaga Piláto lun. —¿Cáteiti inárünibei? Lárigiñe ladǘgüni Piláto álügüdajani le, ábaya láfuridun adímureja jáma juríu, ába laríñagun joun. —Madáritina ni murúsun dúru luágu wügǘri le.

Hechos 25:25

Laganoún nun camá madǘgüngili ni cáta le lúnti lafarún jilágubei lueígiñe, áni queíti ligía guánarügü lan amúriajabei lun urúeiba lan Augústo César agúseragüdei, noúnajaali lun.

Hechos 3:13

Máma líña, Búngiu, le Jabúngiute binádu wagǘbürigu Abrahám, Isáac lúma Jacób, ligía areídaguagüdübalin wügǘri le lun líchuguni líñun-ágei uweíriguni lun Jesucrístu le Liraǘ, ligíra lé meja jedéregerubei joun lúrudugu, áni dan lálugan Piláto lígiragüdüni, májatün.

Hebreos 7:26

Jesúsu lubeíti fádiribei íñutimáati le wabúseerúbei. Jarúma ligía, úati wuríbani lídan, ni figoú, máma ligía ában jáma gafígountiña, iñurúa ligía íñutima lueí sun cátei siélu lun lañúurun lúma Búngiu.

1 Pedro 1:19

láu líta Crístu le gebégibei sügǘ láu sun cátei lafáyeirúa. Derégewati Crístu lun loúnwen luágu wafígoun quei ában mudún le buídubei lídan sun luwúyeri, sálba wamámuga.

1 Pedro 2:22

Madǘgünti Crístu ni ában figoú, meyéeragun ligía gürígia ni ában weíyaasu.

1 Pedro 3:18

Jarítagua jumá luágu luweírin lasúfurirun Crístu dán meja le loúnwenbei luágu wafígoun ában weíyaasu lun sun dan. Buíti meja Crístu, ába lasúfurirun wawágu, wagía le wuríbabei, lun lanǘgüníwa lun Búngiu. Áfarúati jilágubei, wínwantu láni Espíritu.