วิวรณ์ 6:6 - จี่วีดม้าม้า พระคัมภีร์ อางซื่อ บี่ซู่ ต่าง

⁶ ยาว กงาม ม้างม้าเจ้อ จี่ อ่อกล้า ปี่ง นา กงากย่า แอ ม้างม้าเจ้อ จี่วีด อางจา 4 โต อือ ก้อง บื้ง จายลือ แง. จี่ต่าง แฮ้ นี้แม้แน จี่ แง, “กอเช้น ทื่อกอก นี้ย่า ล่ากาน ว่าฮู่ ทื่อนืง ว่า ยาว กงา แฮ้ง ล่อ เป. ข้าวบาร์เลย์ 3 กอก นี้ย่า ล่ากาน ว่าฮู่ ทื่อนืง ว่า ยาว กงา แฮ้ง ล่อ เป. จ้า น้ำมัน มะกอก แน อ่างู่น แต่ค่า แฮ้งนา บ่าปี่ก่างบ่าปี่พยาโจ เป” แน.

วิวรณ์ 6:6 ပူးပေါင်းရင်းမြစ်များ

มัทธิว 24:7

ชฺ้าง ไลเจ้อไลจาด ย้า แซ่ กาแง. อางเมิง ไล เมิง ย้า แซ่ กาแง. ชฺ้างอางเมิง นู้เวอ กูต่องกูตี่ ย้า มี่ซี่อืน แง แน ฮ่าง จฺ่าเกิ่ง เคม แง.

วิวรณ์ 4:6

ต่างอี่ อางฮื่อ ล้าก้า โย้เวอ ม้างม้าเจ้อ จา แง ทะเล แก้ว แม้แน กื้ง แง. จ้า ต่างอี่ อางฮื่อ โย้เวอ ม้างม้าเจ้อ จี่วีด อางจา 4 โต แวด จา แง. ยอง อางโต อือเมอ แมนือ ปลื้ง ย้า จา แง, ตื่ง น่องน่อง ล้าก้า ย้า.

วิวรณ์ 4:8

ม้างม้าเจ้อ จี่วีด อางจา 4 โต นี้อือ กูโต ย้า อางต้อง 6 ต้อง จา แง. ยอง อางโต โย้เวอ แมนือ ปลื้ง ย้า จา แง. ยาว มู่งคี่ นืงก้อง ย้า จี่ แง บ่าว่างบ่าซ่าว. ยอ นี้แม้แน เพ่ง ฮ้าว คูแง, “อางเซฺิ่งอางซฺ้าง, อางเซฺิ่งอางซฺ้าง, อางเซฺิ่งอางซฺ้าง นี้ย่า พาจาว จี่วีดอางซื้ง ล่าที่ ปลืง แน จา มาง เป. พาจาว เวอ, นา อามือ แน ค้าแต้ เวอ แน กาญ่าม โย้เวอ พาจาว มาง ย้า” แน.

วิวรณ์ 7:3

“ชฺ้างอางเมิง นื้งชฺ่าท่า แฮ้ง ทะเล อือ แน จฺืงจฺื้ง อือนา บ่าฮา ก่างพยา ปี่ แคน โจ, กงานา พาจาว มาง ชฺ้าง อือ แมค้อง โย้เวอ อางช่า ปี่ ช่า ล่า ปาโน.”

วิวรณ์ 9:4

ยาว ญ่ามไป่ อือ บู่ก่า, อางคลาอางซ้าง อางญูง กูเจ้อ แน จฺืงจฺื้ง อือนา เจิ้นเจ้อ บ่าฮา. จ้า ชฺ้าง พาจาว มาง อางช่า แมค้อง เวอ ช่า ชี อือ บ่าจา อือนา ญา อางต่าน กงากา แน.