วิวรณ์ 4:8 - จี่วีดม้าม้า พระคัมภีร์ อางซื่อ บี่ซู่ ต่าง8 ม้างม้าเจ้อ จี่วีด อางจา 4 โต นี้อือ กูโต ย้า อางต้อง 6 ต้อง จา แง. ยอง อางโต โย้เวอ แมนือ ปลื้ง ย้า จา แง. ยาว มู่งคี่ นืงก้อง ย้า จี่ แง บ่าว่างบ่าซ่าว. ยอ นี้แม้แน เพ่ง ฮ้าว คูแง, “อางเซฺิ่งอางซฺ้าง, อางเซฺิ่งอางซฺ้าง, อางเซฺิ่งอางซฺ้าง นี้ย่า พาจาว จี่วีดอางซื้ง ล่าที่ ปลืง แน จา มาง เป. พาจาว เวอ, นา อามือ แน ค้าแต้ เวอ แน กาญ่าม โย้เวอ พาจาว มาง ย้า” แน. အခန်းကိုကြည့်ပါ။ |
วิวรณ์ 4:8
42 ပူးပေါင်းရင်းမြစ်များ
คริสเตียนม้องน้าม นอง เวอ, อางจามกงา กา ย้าล่า‚ กงู บ้าเจอล้อแม้ ล่ากาน ว่า เมิ่ด ตูกพานลาบ้าบ คูชี แน. แน กงู พาจาว มาง อางเลิ่ง อางแม่น แฮ้ง นองนา ป่าวม่า ล่าเมอ, ตื่น มู่งคี่ นืงก้อง ย้า มู่งนื่อ เซฺ่อเซฺ่อ แน ล่ากาน ว่า เมิ่ด ค่าตอง นา ปอจ่าแล่ แง, ไม้ กงูมู นี้ย่า กงู ปาปาย แน นองนา บ่าฮา ตูกพานลาบ้าบ ปี่ ล่าซี่.
กงา ยอห์น เป. โจ้ดมาย นี้ย่า กงา เอเชีย แควน โย้เวอ คริสเตียนชฺ้าง โบสถ์ 7 โบสถ์ โย้เวอ ดื้ง อือนา แต้ม เคอ แง. พาจาว เวอ, นา อามือ แน ค้าแต้ เวอ แน กาญ่าม โย้เวอ พาจาว มาง ย้า, นาง ต่างอี่ ดื้งย้า ล้าก้า โย้เวอ อางค่องอางล้า 7 องค์ นางนา ล่ากาน ว่าย ปี่ ล่าง อือ จา แง. พาจาว เวอ คริสเตียนชฺ้าง โบสถ์ 7 โบสถ์ ดื้ง อือนา ลากซื่งกง่ากย้า แม่น แน กงาจากงาดื้ง ปี่ ปาว. พระเยซูคริสต์ เวอ นา พี่ญ่าน อางซืออางปลอง มาง ย้า. นา ย่า ซฺี้ ยาว แต่ล้า แล่ออน มาง ย้า. แน นา ย่า ชฺ้างอางเมิง นู้เวอ ก่าซ้าด คาโคลาโค อือ ล่อบ่าปา ล่าที่ ฮื่อ แง. พระเยซูคริสต์ เวอ คริสเตียนชฺ้าง โบสถ์ 7 โบสถ์ ดื้ง อือนา ลากซื่งกง่ากย้า ฮูพลา แม่น แน กงาจากงาดื้ง ปี่ ปาว เป. พระเยซูคริสต์ ยา กงูนา ลาก ล่าแง แน ยา ยาง ซฺี่ แฮ้ง ไจ กงูนา อางซีอางบล่าบ แฮ้ง ปล่องปูน ปี่ ล่าง.
ชฺ้าง 144,000 คู่น ย่าง เพ่ง อางซฺื่อ แต่ง ชี ย้าง, พาจาว มาง ต่างอี่ อางฮื่อ แน ม้างม้าเจ้อ จี่วีด อางจา 4 โต อือ แน ย่าม่างยอคา อือ ล้าก้า โย้เวอ ฮ้าว คู ชีเย. เพ่ง อางซฺื่อ นี้ย่า อ่าซ่าง มาง บ่าฮ้าว ตอ กา เย, จ้า ชฺ้าง 144,000 คู่น ชฺ้างอางเมิง เวอ พาจาว มาง จี่วีดปล่องปูน ปี่ ชี อือญา อางฮ้าว ตอ กา แน.
ยองมู ย้าง พาจาวจี่ต่างจี่แต่นฮู โมเสส พาจาว มางนา ล่ากาน ว่ายปี่ฮู มาง เพ่ง แน แกะอางย่า มาง เพ่ง ย่าง ฮ้าว ชี นี้แม้แน, “พาจาว จี่วีดอางซื้ง ล่าที่ อางจา เลิ่นเลิ่น มาง เวอ. นาง ม้างม้าเจ้อ ว่า ชี อือ อางฮื่อ แน นาบาตา แม่น เป. นาง กูย่างกูเจ้อ ฮา อือ อางกง่าอางเกิง. นาย่า ชฺ้าง ไลเจ้อไลจาด อือ ก่าซ้าด มาง.
ยาง ม่านป่อง โย้เวอ มยาทาง ทื่ออาน อ่อกลืน ชี. มยาทาง นี้ย่า ชฺ้าง ไลเจ้อไลจาด อือนา รบ ช่าง เย. แน ยา ชฺ้าง แฮ้อือ นา ซฺ้าม ตามทอ แฮ้ง ไจ ฮูพลา แง. ยา ชฺ้าง อือนา พาจาว ล่าที่ อางจา มาง นืงบาค่า แฮ้ง ฮาย มย้าง ปี่ง. ยา ชฺ้าง พาจาว มางนา เม้อ อือนา น่าง แง, โซนว่าฮู อือ อ่างู่น น่าง แต่ค่า แต่ง แม้แน.
ฟีลาเดลเฟีย อางเมิง โบสถ์ โย้เวอ เท่วาด่า ฮูพลา มางนา แต้ม ม่า โว! นี้แม้แน, “กงา อางซืออางปลอง แน อางเซฺิ่งอางซฺ้าง มาง เป. กงา ก่าซ้าด ดาวิด กูนแจ ท่าม มาง. กงา ล้องก้อ พอง ยาว อ่าซ่าง มาง ล้องก้อ แฮ้ง บ่าพี่ กงากา มาง. แน กงา ล้องก้อ พี่ ยาว อ่าซ่าง มาง ล้องก้อ แฮ้ง บ่าพอง อ่อก กงากา มาง. “กงา จี่ นี้ง น้า โว เป.
ยาว กงาม แกะอางย่า ทื่อม่าง ต่างอี่ อางฮื่อ โย้ แท้ แน จูง จา นา มย้าง แอ. แน แกะอางย่า มางนา ม้างม้าเจ้อ จี่วีด อางจา 4 โต อือ แน ย่าม่างยอคา 24 คู่น อือ แวด ชี. ฮู ยาว แกะอางย่า นี้ม้า ฮาก แซ่ อาน แม้แน จา แง. ยา อางคย้าว 7 คย้าว แมนือ 7 ซื่อ จา แง, นี้ย่า พาจาว มาง อางค่องอางล้า 7 องค์ ย่าง เป, พาจาว มาง ชฺ้างอางเมิง นู้เวอ จ่อด แน ซฺาแอ ปี่ ชี อือ.
ยาว กงาม ม้างม้าเจ้อ จี่ อ่อกล้า ปี่ง นา กงากย่า แอ ม้างม้าเจ้อ จี่วีด อางจา 4 โต อือ ก้อง บื้ง จายลือ แง. จี่ต่าง แฮ้ นี้แม้แน จี่ แง, “กอเช้น ทื่อกอก นี้ย่า ล่ากาน ว่าฮู่ ทื่อนืง ว่า ยาว กงา แฮ้ง ล่อ เป. ข้าวบาร์เลย์ 3 กอก นี้ย่า ล่ากาน ว่าฮู่ ทื่อนืง ว่า ยาว กงา แฮ้ง ล่อ เป. จ้า น้ำมัน มะกอก แน อ่างู่น แต่ค่า แฮ้งนา บ่าปี่ก่างบ่าปี่พยาโจ เป” แน.
ကြော်ငြာတွေ