วิวรณ์ 15:3 - จี่วีดม้าม้า พระคัมภีร์ อางซื่อ บี่ซู่ ต่าง

³ ยองมู ย้าง พาจาวจี่ต่างจี่แต่นฮู โมเสส พาจาว มางนา ล่ากาน ว่ายปี่ฮู มาง เพ่ง แน แกะอางย่า มาง เพ่ง ย่าง ฮ้าว ชี นี้แม้แน, “พาจาว จี่วีดอางซื้ง ล่าที่ อางจา เลิ่นเลิ่น มาง เวอ. นาง ม้างม้าเจ้อ ว่า ชี อือ อางฮื่อ แน นาบาตา แม่น เป. นาง กูย่างกูเจ้อ ฮา อือ อางกง่าอางเกิง. นาย่า ชฺ้าง ไลเจ้อไลจาด อือ ก่าซ้าด มาง.

วิวรณ์ 15:3 ပူးပေါင်းရင်းမြစ်များ

ยอห์น 1:17

พาจาว ม้า อางลี้บอางล่าว แฮ้ง โมเสส ก้อง ปี่ ลือ ปี่ชี่, จ้า พาจาว ม้า ยาง ลากซื่งกง่ากย้า อางเลิ่ง แฮ้ง แน อางเลิ่ง ม้าม้า แฮ้ง พระเยซูคริสต์ ก้อง ปี่ ลือ ปี่ชี่.

1 ทิโมธี 1:17

พาจาว กูญ่าม แน ก่าซ้าด เพล่อ แล มาง เวอ, นา ซฺี้นืง บ่าจา แน อ่าซ่าง มาง นางนา บ่าฮู มย้าง ล่า. แน นาง ญา พาจาว ม้าม้า แน. พาจาว เวอ, ชฺ้าง อือนา นางนา นาบทื้อ แน สรรเสริญ ฮา แล ปี่ ปาว! อาเมน.

ฮีบรู 3:5

โมเสส พาจาว มาง ยู้ม โย้เวอ ย่าเจ่น ล่ากาน แฮ้ง ว่า แง, แน ยา พาจาว มาง ยางนา ล่ากาน ม่า ว่า ปี่ชี่ แฮ้ง กูย่างกูเจ้อ ย้า ว่า แง. แน ยา พาจาว มาง ชฺ้าง อือนา ม่ายแบ ปี่ แง, กาญ่าม เวอ พาจาว มาง จี่ต่าง ชฺ้าง อือนา ปี่แบปี่มย้าง ปี่ แฮ้ง.

วิวรณ์ 1:8

พาจาว กงู จี่วีดอางซื้ง เพล่อ ชี ม้า นี้แม้แน จี่ แง, “กงาย่า พาจาว ต่องก่า เวอ กูย่างกูเจ้อ แต่งล้า ชี มาง แน กูย่างกูเจ้อ ฮาย เปิ้นเซฺิ่ง ปี่ชี่ มาง ย้า. กงา อามือ แน ค้าแต้ เวอ แน กาญ่าม โย้เวอ พาจาว มาง ย้า. แน กงา พาจาว ล่าที่ อางจา เลิ่นเลิ่น มาง ย้า” แน.

วิวรณ์ 11:17

แน จี่ คูแง นี้แม้แน, “กงูมู นี้ย่า พาจาว จี่วีดอางซื้ง ล่าที่ อางจา เลิ่นเลิ่น มาง แน ค้าแต้ เวอ จาย อามือ เคอ แน จี่วีด จา มางนา ขอบคุณ ฮา แง. ไม้ นา นาง ล่าที่ อางฮื่อ แฮ้ง ไจ ชฺ้างอางเมิง แฮ้ง ยู้ คื่น ยาว ฮูพลา ป้าน่อ.

วิวรณ์ 14:3

ชฺ้าง 144,000 คู่น ย่าง เพ่ง อางซฺื่อ แต่ง ชี ย้าง, พาจาว มาง ต่างอี่ อางฮื่อ แน ม้างม้าเจ้อ จี่วีด อางจา 4 โต อือ แน ย่าม่างยอคา อือ ล้าก้า โย้เวอ ฮ้าว คู ชีเย. เพ่ง อางซฺื่อ นี้ย่า อ่าซ่าง มาง บ่าฮ้าว ตอ กา เย, จ้า ชฺ้าง 144,000 คู่น ชฺ้างอางเมิง เวอ พาจาว มาง จี่วีดปล่องปูน ปี่ ชี อือญา อางฮ้าว ตอ กา แน.

วิวรณ์ 14:8

แฮ้แม้ฮายาว เท่วาด่า ที่ 2 มาง เท่วาด่า ที่ 1 มางก้อง เค่ แลน ชี แน นี้แม้แน ป่าว ชี, “บาบิโลน อางเมิง อางฮื่อ ย่าง ก่างพยา โปยว โค ญา. อางเมิง นี้เมิง ย่า ชฺ้าง กูเจ้อกูจาด อือนา ฮาย อ่างู่น แต่ค่า ต้าง ปี่ ยาว ชฺ้าง อือนา ฮาย อางบล่าบ ฮา ปี่ง.”

วิวรณ์ 17:14

ยองมู นี้ย่า แกะอางย่า มางนา รบช่าง แง. จ้า แกะอางย่า ม้า ยองนา ก่าจ่า แง, ไม้ แกะอางย่า ม้า จี่วีดอางซื้ง อางฮื่อ เลิ่นเลิ่น มาง แน ก่าซ้าด ล่าที่ นาบาตา อางจา เลิ่นเลิ่น มาง. ชฺ้าง ยางก้อง ดื้ง อือ ชฺ้าง ยาง แช้ยู้ ยาว ฮ้าวล้า ปี่ ชี อือ, ยองมู นี้ย่า อางซืออางปลอง นอ.”

วิวรณ์ 19:16

ยาง ค่าลาว แน ป้องตู้ โย้เวอ อางเม้ง แต้ม กาน ชี นี้แม้แน, “ก่าซ้าด นี้ม้า ชฺ้างอางเมิง นู้เวอ ก่าซ้าด จา อือ ล่อบ่าปา ฮื่อ แง จี่วีดอางซื้ง นี้ม้า อางจ้าวอางไน่ จา อือ ล่อบ่าปา ฮื่อ แง.”

วิวรณ์ 19:2

พาจาว มาง ต้าดต่อน วี่บ่ากไจ ปี่ง นี้ย่า อางกง่า แน อางซืออางปลอง เป. พาจาว ม้า ค่าบาย่า อางโต ก่อง แล่ง มางนา วี่บ่ากไจ ปี่ แง, ไม้ ยา ป้องก้า อางเลิ่ง อางซี อือ ฮาย ยาว ชฺ้างอางเมิง แฮ้งนา ฮาย บ่าเซฺิ่งบ่าซฺ่าง แน เพล่อ ปี่ ป้าน่อ. พาจาว ม้า ยาง ย่าเจ่น ยางนา ล่ากาน ว่า ปี่ ฮู ค่าบาย่า นี้มาง แซ่ ชี อือนา แก้แค้น ฮาย ปี่ ญา.”

วิวรณ์ 4:8

ม้างม้าเจ้อ จี่วีด อางจา 4 โต นี้อือ กูโต ย้า อางต้อง 6 ต้อง จา แง. ยอง อางโต โย้เวอ แมนือ ปลื้ง ย้า จา แง. ยาว มู่งคี่ นืงก้อง ย้า จี่ แง บ่าว่างบ่าซ่าว. ยอ นี้แม้แน เพ่ง ฮ้าว คูแง, “อางเซฺิ่งอางซฺ้าง, อางเซฺิ่งอางซฺ้าง, อางเซฺิ่งอางซฺ้าง นี้ย่า พาจาว จี่วีดอางซื้ง ล่าที่ ปลืง แน จา มาง เป. พาจาว เวอ, นา อามือ แน ค้าแต้ เวอ แน กาญ่าม โย้เวอ พาจาว มาง ย้า” แน.