วิวรณ์ 1:1 - จี่วีดม้าม้า พระคัมภีร์ อางซื่อ บี่ซู่ ต่าง1 กงา ยอห์น พระเยซู ย่าเจ่น มาง ย้า. อางเลิ่ง นี้เลิ่ง ย่า พาจาว มาง พระเยซูคริสต์ นา แบ ปี่ ชี ย้างย้า, ไม้ พระเยซู นา ยาง ย่าเจ่น อือนา ม่ายแบ ปี่ แนนอ, บ่ามล่าง นู้เวอ บ้าเจอ อางเลิ่ง ตอล้า แงแน. แฮ้งย้า พระเยซู มือ เท่วาด่า ซฺาลือ ปี่ ยาว จี่ต่าง นี้อือ กงานา ม่ายแบ ปี่ ล่าง. အခန်းကိုကြည့်ပါ။ |
วิวรณ์ 1:1
30 ပူးပေါင်းရင်းမြစ်များ
กงาย่า เปาโล พาจาว มาง ย่าเจ่น, แน พระเยซูคริสต์ ศิษย์เอก มาง เป. กงา ล่ากาน นี้ย่า พาจาว มาง ชฺ้าง แช้ยู้ ชี อือนา ปล่อง แง. กงา ยองนา ปล่อง พาจาว มางนา แก่นคา แน เจ่อ ปี่ง, แน ยองนา ปล่อง อางเลิ่ง ม้าม้า แฮ้ง บย่า แน แบ แล ปี่ แง. อางเลิ่ง ม้าม้า นี้ย่า ยองนา ฮาย พาจาว มาง นืงบาจาบ แฮ้งแม้แน จี่วีด ไจ ปี่ แง.
กงาม มือ เท่วาด่า มาง ล่าคื่อ โย้เวอ ป่าตูคู บอกแป่ก ไว้ ปี่ แอ่. จ้า เท่วาด่า มาง นี้แม้แน ม่า ล่าง, “แฮ้แม้ บ่าฮา โจ, ไม้ กงา นาง แน คริสเตียนม้องน้าม อือ แม้แน ย้า พาจาว มางนา ล่ากาน ว่า ปี่ แง. นี้แม้แนยาว พาจาว มางนา ป่าตูคู บอกแป่ก ไว้ ปี่ คูโว!” ยาว อางเลิ่ง ม้าม้า พระเยซู ม่ายแบ ปี่ ล่าชี่ นี้ย่า, กงูนา ฮาย พาจาว มาง อางเลิ่ง อางแม่น แฮ้ง ป่าวกว่า กงา ปี่ ล่าง.
ยาว เท่วาด่า มาง กงานา ม่า ล่าง นี้แม้แน, “จี่ต่าง นี้อือ อางเจ่อ กงากา อางเลิ่ง ม้าม้า เป. พาจาว จี่วีดอางซื้ง นี้ม้า พาจาวจี่ต่างจี่แต่นฮู อือนา อางค่องอางล้า อางเซฺิ่งอางซฺ้าง ย้าง ปี่ ยาว ยาง เท่วาด่า อือนา ซฺา แอ ปี่ชี่, ไม้ ยาง ย่าเจ่น อือนา ม่ายแบ ปี่ แนนอ, บ่ามล่าง นู้เวอ บ้าเจอ อางเลิ่ง ตอล้า แง” แน.
น่อง เวอ แฮ้แม้ฮายาว, กงาม มือ ฮู แล ปี่ ยาว มู่งท่า ล้องก้อ ย่าง พองอ่อก นา มย้าง แอ. ยาว กงา ต่องก่า เวอ อางเซง กย่า เก่ย กงานา จี่ช่าง ล่าง แฮ้งนา กงากย่า แอ. อางเซง จี่เซง แฮ้ย่า ซ้าดอางคย้าว มีเซง แฮ้ง ล่อ บื้ง แง. กงานา จี่ช่าง ล่าง นี้แม้แน, “นู้ ล้าน ปาว, ยาว กงา นองก้อง อางเลิ่ง ชาตอล้า แฮ้ง ฮา มย้าง ปี่ ล่าว่า” แน.
ကြော်ငြာတွေ