ยอห์น 10:11 - จี่วีดม้าม้า พระคัมภีร์ อางซื่อ บี่ซู่ ต่าง

¹¹ ยาว พระเยซู นี้แม้แน จี่ แล่ชี่ เย, “กงาย่า แกะปอฮู อางแม่น มาง ย้า. แกะปอฮู อางแม่น นี้ย่า ยา ยาง แกะ อือนา ซฺี้ แต่น เวิม อางกงา ย้า.

ยอห์น 10:11 ပူးပေါင်းရင်းမြစ်များ

มัทธิว 20:28

ไม้ กงาชฺ้างอางย่า เพล่อ ชี นี้มาง ลือ ชี นี้ย่า ฮากนา กงา ย่าเจ่น เพล่อ ปี่ง บ่าอ่า, จ้า กงาย่า ฮาก ย่าเจ่น เพล่อ ลือ แอ. แน ค่าตอง จี่วีด วี ลือ แง, ไม้ ชฺ้าง อางบย่า อือนา ปล่อง ย่าเจ่น กงาปูน ปี่ง แนนอ” แน.

ยอห์น 10:2

อ่าซ่าง แกะ คอก ล้องก้อ ป่ากย่า อ้องแล แง, ยา แกะปอฮู มาง ย้าเป.

ยอห์น 15:13

ลาก อางเลิ่ง โย้เวอ ค่าตอง อางช่าง นา ซฺี้แต่น แฮ้ง ล่อ แน บ่าฮื่อ แล่ก้าน.

เอเฟซัส 5:2

พระเยซูคริสต์ กงูนา ลาก ล่าง แฮ้งแม้แน ฮากนา ลาก โว! ยา ยาง จี่วีด แฮ้ง กงูนา ปี่ ล่าชี่, ยา พาจาว มาง อางเกิ่งท่านเซฺ่อ นืงบาจาบ มาง ย้าเป.

ทิตัส 2:14

พระเยซูคริสต์ ยาง จี่วีด แฮ้ง กงูนา ปี่ ล่าง ญ้า, ไม้ กงูนา อางเลิ่ง บ่าแม่น โย้เวอ ปล่องปูน ปี่ ล่าง แนนอ, แน กงูนา ฮา ชฺ้าง อางเซฺิ่งอางซฺ้าง เพล่อ ปี่ ล่ายาว ยาง ชฺ้าง เพล่อ ปี่ ล่าง แนนอ, แน กงูนา ปีนแตปีนนา แน อางเลิ่ง อางแม่น ฮา ปี่ ล่าง แนนอ.

ฮีบรู 13:20

พาจาว นี้ม้า ชฺ้าง อือนา จาบื่อดื้งบื้อ แน จาดื้ง ปี่ มาง ย้า. ยา พระเยซู นา ฮา แต่ล้า แล่ ปี่ชี่. พระเยซู กงู จี่วีดอางซื้ง นี้ม้า แกะปอฮู อางแม่น ม้าม้า มาง ย้า. แน ยาง ซฺี่ แฮ้ย่า ก่ามค่าน ลีน นืง บ่าจา โย้เวอ อางช่า ย่าง ย้าเป. พาจาว เวอ, ยองนา อางเลิ่ง อางแม่น คาโคลาโค อือ ปี่ ปาว, ไม้ ยองนา นาง นืงบาจาบวา แน ล่ากาน ว่า ปี่ เซฺ้อ. พาจาว เวอ, พระเยซูคริสต์ ล่าที่ แฮ้ง ไจ ยองนา ฮา นาง ฮา ปี่ ซี่ แฮ้งแม้แน ฮา ปี่ ปาว, ไม้ นางนา ฮา นืงบาจาบ ปี่ ล่า คาไล. พระเยซูคริสต์ เวอ, โญกจ่าญ่อ จี่ต่าง อือ กงาบู้ แล โว! อาเมน.

1 เปโตร 5:4

แน แกะปอฮู ยอคา มาง พ่าวลืน แล่เมอ, นองมู นี้ง มือ ก่ามป่อน ปีนแตปีนนา กงาบู้ คูแง. ก่ามป่อน แฮ้ย่า โปยว นืง บ่าจา. ยาว พระเยซูคริสต์ แกะปอฮู ยอคา แฮ้ มาง ย้าเป.

1 ยอห์น 3:16

พระเยซูคริสต์ อางเลิ่ง ฮา ชี นี้ย่า กงูนา ฮายแบ ปี่ ล่าง ฮากนา ลาก นี้ย่า บ้าเจอล้อแม้ จา แงแน. พระเยซูคริสต์ ยาง จี่วีด แฮ้ง กงูนา ปี่ ล่าชี่, ยา กงูนา ซฺี้ แต่น ล่าง ญ้า. นี้แม้แนยาว กงูมู นี้ง มือ ค่าตอง จี่วีด นี้ง คริสเตียนม้องน้าม อือนา ปี่ ปาว.

วิวรณ์ 7:17

ไม้ แกะอางย่า พาจาว มาง ต่างอี่ อางฮื่อ เวอ ดื้ง ชี มาง ยองนา ฮูพลา แง, แกะ ปอ ฮู มาง แม้แน แน ยองมู นา น้ำพุ จี่วีด ปี่ โย้เวอ ซฺื่ยแล แง. ยาว พาจาว มาง ยอง แมนือ โย้ แมปื้อ คาโคลาโค อือ ซีด ปี่ แง.”