เอเฟซัส 1:9 - จี่วีดม้าม้า พระคัมภีร์ อางซื่อ บี่ซู่ ต่าง9-10 พาจาว ม้า ต่องก่าต่าง เมอ จาย ย้า เย้ง ชี ชี, พระเยซู นา มู่งท่า แน ชฺ้างอางเมิง เวอ กูย่างกูเจ้อ อือนา ฮูพลา ปี่ แงแน, ไม้ ยา นี้แม้ ฮา แฮ้งนา นืงบาจาบ แง. อามื้อ พาจาว ม้า ยาง อางเลิ่ง เย้ง ชี ชี แฮ้ง กงูนา ฮายแบ ปี่ ล่าง ญ้า, แน ยาง อางญ่าม ซฺ้า ชี ชี แฮ้ง เคิน ล้า เมอ, ยา พระเยซู นา มู่งท่า แน ชฺ้างอางเมิง เวอ กูย่างกูเจ้อ อือ ฮูพลา ปี่ แง. အခန်းကိုကြည့်ပါ။ |
เอเฟซัส 1:9
28 ပူးပေါင်းရင်းမြစ်များ
คริสเตียนม้องน้าม นอง เวอ, นี้ย่า อางเลิ่ง อางโชฺง ม้าม้า กงา นองนา ม่ายแบ ปี่ ล่าซี่ ย้าง ย้าเป, ไม้ กงา นองนา ยิวชฺ้าง อือนา บ่าจี่ ฮูย้า ปี่ ล่าซี่. อางเลิ่ง อางโชฺง นี้ย่า ยิวชฺ้าง ทื่อบ่า จา แง. ยอ อางลื้กอางล้าน แน ยอ ลื้กล้าน แล แล่ คูแง. ยิวชฺ้างบ่าอ่า พาจาว มาง แช้ ชี ชี อือ พาจาว มางนา เจ่อ ล้าเมอ เคอ. ยาว ยิวชฺ้าง อางลื้กอางล้าน แฮ้อืม พาจาว มางนา พ่าว เจ่อ ล้า คูแง.
ยาว พาจาว ม้า กงานา ยาง อางย่าย่าค่า มางนา กงามย้าง ปี่ ล่าง ญ้า แน แบกงา ปี่ ล่าง ญ้า, ไม้ กงานา ยาง อางเลิ่ง อางแม่น นี้ง ยิวชฺ้างบ่าอ่า อือนา ป่าว ม่าอู่บ ปี่ ล่าง แนนอ. ยาว พาจาว มาง อางเลิ่ง อางแม่น นี้ย่า พระเยซูคริสต์ อางเลิ่ง แฮ้งย้า. แน พระเยซูคริสต์ พาจาวอางย่า ม่าง ย้า. ยาว แฮ้ญ่าม เมอ กงาย่า อ่าซ่าง มางนา บ่ากงาน้าบ่ากงาท้าม บ้าเจอล้อแม้ ฮาย วา แน.
พาจาว มาง กงูนา พระเยซู อางเลิ่ง ม้าม้า แฮ้ง แบ ปี่ ล่าชี่ นี้ย่า นาบาตา ย้า แม่น แง. ยาว อ่าซ่างมาง บ่าจี่ กงากา นี้เลิ่ง อางเลิ่ง ม้าม้า บ่าอ่า แน. พระเยซู อางเลิ่ง ม้าม้า นี้ย่า นี้แม้แน เป, พระเยซู ชฺ้าง เกิ้ด ลือ ชี. อางค่องอางล้า อางเซฺิ่งอางซฺ้าง มาง ฮาย กงาแบ กงา มย้าง ปี่ง ญา. นี้เลิ่ง อางเลิ่ง ม้าม้า แน. เท่วาด่า อืม อางมย้าง คูย้า. ยาง อางเลิ่ง นี้ย่า ชฺ้าง กูเจ้อกูจาด อือนา ป่าว กงาแบ ปี่งญา. ชฺ้างอางเมิง นู้เวอ ชฺ้าง อือย่า ยางนา เจ่อ คูงญา. ยาว พาจาว มาง ยางนา มู่งท่า ซฺื่ย ตา แลน ญา.
พาจาว ม้า กงูนา ปล่อง อางบล่าบ ปูน ปี่ ล่าง. แน กงูนา ฮ้าว ยาง ชฺ้าง อางเซฺิ่งอางซฺ้าง เพล่อ ปี่ ล่าง. แน ยาง นี้แม้แน ฮา นี้ย่า กงู อางเลิ่ง อางแม่น ฮา แฮ้ง ปาปาย บ่าอ่า, จ้า ยาง กงูนา แช้ยู้ ล่าชี่ แฮ้ง ปาปาย ย้า, แน ยาง กงูนา ลากซื่งกง่ากย้า ล่างแฮ้ง ปาปาย ย้า. ยา พระเยซูคริสต์ นา ลากซื่งกง่ากย้า อางเลิ่ง นี้ง ปี่ ชี, ยาง ชฺ้างอางเมิง บ่าแต่ง กาซื้ง แนฮาเมอ ย้า, ไม้ พระเยซูคริสต์ นา ฮ้าน กงูนา ปี่ ลือ ปี่ ล่าง แนนอ.
ကြော်ငြာတွေ