2 ทิโมธี 1:9 - จี่วีดม้าม้า พระคัมภีร์ อางซื่อ บี่ซู่ ต่าง9 พาจาว ม้า กงูนา ปล่อง อางบล่าบ ปูน ปี่ ล่าง. แน กงูนา ฮ้าว ยาง ชฺ้าง อางเซฺิ่งอางซฺ้าง เพล่อ ปี่ ล่าง. แน ยาง นี้แม้แน ฮา นี้ย่า กงู อางเลิ่ง อางแม่น ฮา แฮ้ง ปาปาย บ่าอ่า, จ้า ยาง กงูนา แช้ยู้ ล่าชี่ แฮ้ง ปาปาย ย้า, แน ยาง กงูนา ลากซื่งกง่ากย้า ล่างแฮ้ง ปาปาย ย้า. ยา พระเยซูคริสต์ นา ลากซื่งกง่ากย้า อางเลิ่ง นี้ง ปี่ ชี, ยาง ชฺ้างอางเมิง บ่าแต่ง กาซื้ง แนฮาเมอ ย้า, ไม้ พระเยซูคริสต์ นา ฮ้าน กงูนา ปี่ ลือ ปี่ ล่าง แนนอ. အခန်းကိုကြည့်ပါ။ |
2 ทิโมธี 1:9
41 ပူးပေါင်းရင်းမြစ်များ
แฮ้ญ่าม เมอ, อางค่องอางล้า อางเซฺิ่งอางซฺ้าง มาง พระเยซู นา ฮาย กย่างม่อนซ้า ปี่ ชีเย. พระเยซู มือ จี่ เย นี้แม้แน, “อ่าโบ้งพาจาว เวอ, นา มู่งท่า แน ชฺ้างอางเมิง อางซื้ง มาง ย้า. กงา นางนา สรรเสริญ ฮา ล่าแน. ยี่นดี ย้าเป นาง นี้เลิ่ง ชฺ้าง อางแอ้น อางแบ อือนา โชง ชี ชี นี้ย่า, จ้า ชฺ้าง บ่าแบบ่าบู่ ย่าเก ป้าค้า อือนา แบ ปี่ชี่ นี้ย่า. อางอ้า ย้า อ่าโบ้งพาจาว เวอ, นาง เพล่อ ปี่ ซี่ แม้แน เพล่อ ปี่ ปาว” แน.
ย่าแน่ นี้เย่ด บ่าเกิ่ด กาซื้ง แนฮาเมอ พาจาว ม้า เรเบคาห์ นา นี้แม้แน ม่าย ชี, “อางอ้าย ม้า อางแพ้ มาง ย่าเจ่น เพล่อ แง” แน, ไม้ พาจาว มาง ต้าดต่อน ชฺ้าง แช้ ชี ชี แฮ้งแม้แน เพล่อ ปี่ แง แนนอ. นี้ย่า ฮาย มย้าง ปี่ แง. พาจาว มาง ชฺ้าง แช้ยู้ นี้ย่า ชฺ้าง อือ อางเลิ่ง อางแม่น แน อางเลิ่ง บ่าแม่น ฮา แฮ้ง วา บ่าอ่า แน, จ้า พาจาว มาง แช้ยู้ แฮ้ง วา แน.
พาจาว ม้า ต่องก่าต่าง เมอ จาย ย้า เย้ง ชี ชี, พระเยซู นา มู่งท่า แน ชฺ้างอางเมิง เวอ กูย่างกูเจ้อ อือนา ฮูพลา ปี่ แงแน, ไม้ ยา นี้แม้ ฮา แฮ้งนา นืงบาจาบ แง. อามื้อ พาจาว ม้า ยาง อางเลิ่ง เย้ง ชี ชี แฮ้ง กงูนา ฮายแบ ปี่ ล่าง ญ้า, แน ยาง อางญ่าม ซฺ้า ชี ชี แฮ้ง เคิน ล้า เมอ, ยา พระเยซู นา มู่งท่า แน ชฺ้างอางเมิง เวอ กูย่างกูเจ้อ อือ ฮูพลา ปี่ แง.
จ้า นองมู นี้ย่า พาจาว มาง ชฺ้าง แช้ยู้ ชี อือ ย้าเป. ยา นองนา ก่าซ้าด มาง ปุโรหิต เพล่อ ปี่ ล่าแง. แน ยา นองนา ชฺ้าง อางเจ้ออางจาด อางเซฺิ่งอางซฺ้าง เพล่อ ปี่ ล่าแง. แน ยา นองนา ยาง ชฺ้าง เพล่อ ปี่ ล่าแง, ไม้ นองนา ยาง อางเลิ่ง นาบาตา นืงบาม่าน คาแม้แน ฮา ชี แฮ้ง ชฺ้าง อือนา ป่าว ม่า ปี่ ล่าแง แนนอ. พาจาว นี้ม้า พาจาว นองนา อางวื้งอางว้าง โย้เวอ ฮ้าว อ่อก ล้า ปี่ ล่ายาว, ยาง อางแปล้นอางซ้า ล่าที่ อางจา โย้เวอ อ้องแล ปี่ ล่าชี่ มาง ย้าเป.
นี้แม้แน ทื่อเทอ จา ซ้าด นี้ม้า จี่วีด อางจา กางซื้ง ย้า, จ้า อามือ จี่วีด บ่าจา กาน. บ่ามล่าง ลา, ค่ามตู่ อางน่า เวอ จาย ตายล้า แง. จ้า ยางนา ก่างพยา วี แง. นี้แม้แนยาว ชฺ้างอางเมิง แต่ง ล้า เมอ จี่วีด ปาบ เวอ อางเม้ง บ่าจา อือ นืงบาม่าน คู แง, ไม้ ยองมู นี้ย่า ซ้าด อางไล้ ซฺี้เก่ย มาง ทื่อเทอ แต่ล้า ยาว พ่าว ล้า แล่ง นา กงามย้าง น้อ.”
ကြော်ငြာတွေ