1 โครินธ์ 7:18 - จี่วีดม้าม้า พระคัมภีร์ อางซื่อ บี่ซู่ ต่าง

¹⁸ จาว่าแน พาจาว มาง ค่าพ่าย่า พิธีขลิบ ฮา แล่ชี่ มางนา ฮ้าว ยาง ชฺ้าง เพล่อ ปี่ ยาว, ขลิบ อางฮ่อย แฮ้ง ค่าพ่าย่า แฮ้มาง ก้องเวอ จา แล แล่ ปี่ โว! จาว่าแน พาจาว มาง ค่าพ่าย่า พิธีขลิบ บ่ากงา ฮา แล่ ชี่ มางนา ฮ้าว ยาง ชฺ้าง เพล่อ ปี่ ยาว, ค่าพ่าย่า แฮ้มางนา พิธีขลิบ บ่าปี่ ฮา โจ!

1 โครินธ์ 7:18 ပူးပေါင်းရင်းမြစ်များ

กิจการ 15:19

“นี้แม้แนยาว กงา เย้ง แง. กงู ย่า ยิวชฺ้างบ่าอ่า แน พระเยซู นา ชา เจ่อ อือนา นืงบา เวอ บ่าลาบ้าบ ปี่ โจ แน.

กิจการ 15:24

กงูมู นี้ย่า กงากย่า แอ นู้เวอ ชฺ้าง ทื่อบ่า จา แง. นองนา ลือ ซฺ้า ล่ายาว ม้างม้าเจ้อ จี่ นองนา ฮา นืงบาต่อง เวอ ซืกซาก ปี่ ล่าง. กงูย่า ยองนา บ่ากงา ซฺาแล ปี่ ล่าเป.

กิจการ 15:28

ยาว อางค่องอางล้า อางเซฺิ่งอางซฺ้าง มาง แน กงูมู นี้ย่า เย้ง แง นองก้อง เจิ้นเจ้อ ลาบ้าบเกิ่ง อือ บ่าจา ปี่ ล่า, จ้า อางเลิ่ง นี้อือ ญา เป.

กิจการ 15:5

ยาว ฟาริสี อางมู โย้เวอ ชฺ้าง ทื่อบ่า พระเยซู นา เจ่อ อืม ทาจูง ล้า ยาว จี่ เย นี้แม้แน, “ยิวชฺ้างบ่าอ่า อือ พิธีขลิบ แฮ้ง กงา ฮา แล่แง. แน โมเสส อางลี้บอางล่าว แฮ้ง กงา ฮา เค่ แง” แน.

กิจการ 21:21

ยาว ชฺ้าง ทื่อบ่า จา แง, นาง อางเลิ่ง แฮ้ง กงูนา อู่บน้า ปี่ ล่าง. นา ยิวชฺ้าง, ยิวชฺ้างบ่าอ่า อือ ก้อง ดื้ง อือนา ม่าอู่บ ชี โมเสส อางลี้บอางล่าว แฮ้ง วี โว แน. ยอง อางย่าย่าค่า อือนา พิธีขลิบ แฮ้ง บ่าปี่ ฮา. แน ยิวชฺ้าง อือนา อางลี้บอางล่าว แฮ้ง บ่าปี่ ฮา เค่ แน.

โคโลสี 3:11

ไม้ พาจาว ม้า นองนา ชฺ้าง อางซฺื่อ ฮาย เพล่อ ปี่ ล่า ป้าน่อ. จ้า ยา นองนา บ่ากงา เปิ่ง ล่า ชฺ้าง นี้ม้า ยิวชฺ้าง ล่า อ้าว ยิวชฺ้างบ่าอ่า ล่า แน, พิธีขลิบ ฮา แล่ชี่ ล่าอ้าว พิธีขลิบ บ่าฮา แล่ล่า, ซ่องก่อง ชฺ้าง ล่าอ้าว ชฺ้าง อางโซ้กอางไล้ อางลี้บอางล่าว บ่าจา ล่าแน, ย่าเจ่น เพล่อ ชี่ ล่าอ้าว ย่าเจ่น บ่าเพล่อ ล่า แน. จ้า พระเยซูคริสต์ ยาง ชฺ้าง คาโคลาโค อือก้อง ดื้ง แง. แน ยา กูย่างกูเจ้อ เวอ ชฺ้าง ปีนแตปีนนา เลิ่นเลิ่น ม่าง ย้า.