Сығыу 7:17 - Башкирский ВЗ (неполный)

¹⁷ Шуға күрә Раббы былай ти: „Хәҙер һин Минең Раббы икәнемде белерһең“. Нил һыуына ҡулымдағы бынау таяҡ менән һуҡһам, һыу ҡанға әйләнер.

Изге Яҙма

¹⁷ Шуға күрә Раббы былай ти: „Хәҙер һин Минең Раббы икәнемде белерһең“. Нил һыуына ҡулымдағы бынау таяҡ менән һуҡһам, һыу ҡанға әйләнер.

Сығыу 7:17 ပူးပေါင်းရင်းမြစ်များ

Зәбүр 105:29

Был ҡылыҡтары Раббының асыуын ҡабартты, Араларында ҡырғын таралды.

Зәбүр 9:16

Ҡәүемдәр үҙҙәре ҡаҙған соҡорға ҡоланы, Ҡорған ауҙары аяҡтарын сорнаны.

Сығыу 1:22

Фирғәүен шул саҡ үҙ халҡына былай тип бойорҙо: – Ғивриҙәрҙең яңы тыуған ир балаларын Нил һыуына ташлағыҙ, ҡыҙҙарын иҫән ҡалдырығыҙ.

Сығыу 10:2

һәм һин һуңынан үҙеңдең балаларыңа, ейәндәреңә Минең мысырҙарға ҡарата ҡаты мөғәмәләм, күрһәткән хикмәттәрем хаҡында һөйләй алһын өсөн эшләнем. Һеҙ Минең Раббы булыуымды белерһегеҙ.

Сығыу 4:9

Хатта ошо ике хикмәткә лә ышанмаһалар һәм әйткәндәреңә ҡолаҡ һалмаһалар, Нилдан һыу алып ергә түк. Йылға һыуы тупраҡҡа тейеү менән ҡанға әйләнер.

Сығыу 5:2

Әммә фирғәүен: – Уны тыңлап, Исраил халҡын сығарып ебәрергә, кем һуң ул Раббы? Мин ул Раббыны белмәйем һәм Исраил халҡын ебәрмәйем, – тип яуапланы.

Сығыу 6:7

Һеҙ – Минең халҡым, ә Мин һеҙҙең Аллағыҙ булырмын. Шул ваҡытта белерһегеҙ: һеҙҙе Мысыр иҙеүенән ҡотҡарған Мин Аллағыҙ Раббымын.

Сығыу 7:20

Муса менән Һарун Раббы ҡушҡанса эшләне. Фирғәүен һәм уның хеҙмәтселәренең күҙ алдында Һарун таяғы менән Нил һыуына һуҡҡайны – йылғалағы бөтә һыу ҡанға әйләнде.

Сығыу 7:5

Ҡулымды Мысыр өҫтөнә һуҙып, Исраил халҡын улар араһынан сығарған сағымда мысырҙар Минең Раббы икәнемде белер.

Зөлкифел 25:17

Ҡот осҡос язалар менән уларҙан үсемде алам. Үсемде алғас, улар Минең Раббы икәнемде белер».

Зөлкифел 29:9

Мысыр бер кешеһеҙ бушлыҡҡа әйләнәсәк. Шунда Минең Раббы икәнемде белерҙәр. Һин: „Нил минеке, уны мин яһаным“, – тинең.

Зөлкифел 30:19

Мин Мысырҙы шулай хөкөм итәсәкмен һәм улар Минең Раббы икәнемде белер».

Зөлкифел 30:8

Мин Мысырға ут төрткәс, Уның бөтә терәүҙәре емерелгәс, Минең Раббы икәнемде беләсәктәр.

Зөлкифел 32:15

Мин Мысырҙы бушлыҡҡа әйләндергәс, Илде уны тултырған бөтә нәмәнән мәхрүм иткәс, Мин унда йәшәүселәрҙе һәләк иткәс, Минең Раббы икәнемде белерҙәр.

Зөлкифел 32:6

Илде тауҙарға тиклем аҡҡан ҡаның менән һуғарырмын, Йырындар ҙа ҡалдыҡтарың менән тулыр.

Зөлкифел 38:23

Үҙемдең бөйөклөгөмдө һәм мөҡәддәслегемде күрһәтәсәкмен, бик күп ҡәүемдәрҙең күҙ алдында Үҙемде танытасаҡмын. Шунда Минең Раббы икәнемде белерҙәр».

Зөлкифел 39:28

Шунда улар Минең Аллалары Раббы икәнемде беләсәк. Гәрсә Мин уларҙы ҡәүемдәр араһына таратҡан булһам да, береһен дә ташламайынса үҙҙәренең тупраҡтарына кире ҡайтарасаҡмын.

Даниил 4:17

Һин төшөңдә күргән ҡеүәтле һәм бөйөк, башы күктәргә олғашҡан, ерҙең һәр тарафынан күренеп торған,

Даниил 4:32

Ер йөҙөндә йәшәүселәр Уға бер ни түгел; Күк көстәре һәм ер мәхлүктәре менән Үҙе теләгәнсә эш итә Ул. Һис кем уның ҡулын туҡтата алмаҫ, Бер кем Уға: «Ни эшләүең был?» – ти әйтә алмаҫ.

Даниил 5:21

Ул кешеләр араһынан ҡыуылды, аҡылы менән януарға тиңләште, ҡырағай ишәктәр менән бергә көн күрҙе, мал ише, үлән менән туҡланды, тәне күк ысығында йыуылды – кешелек батшалығына Юғарыларҙан Юғары Алла хаким икәнен, кемде теләй, шуны батша итеп ултыртҡанын аңлағансы шулай булды.

Даниил 5:23

Һин хаттин ашып Күк Хакимына ҡаршы сыҡтың: һиңә Уның Йортонан алынған һауыттарҙы килтерәләр, һәм һин үҙеңдең вәзир-бәктәрең, ҡатындарың һәм йәриәләрең менән шунан шарап эсәһең. Үҙеңдең бер нәмә лә күрмәгән, ишетмәгән һәм аңламаған көмөш һәм алтын, баҡыр һәм тимер, ағас һәм таш илаһтарыңды маҡтайһың, ә ғүмерең һәм тәҡдирең Уның ҡулында булған Алланы данламаның.