Левиҙәр 7:2 - Башкирский ВЗ (неполный)

² Ғәйеп ҡорбаны тотош яндырыу ҡорбандары боғаҙланған урында салынһын, ҡаны ҡорбан усағына һәр яҡлап һирпелһен.

Изге Яҙма

² Ғәйеп ҡорбаны тотош яндырыу ҡорбандары салынған урында һуйылһын. Уның ҡаны ҡорбан усағына һәр яҡлап һирпеп сығылһын.

Левиҙәр 7:2 ပူးပေါင်းရင်းမြစ်များ

Ишағыяһ 52:15

Ләкин ул күп халыҡтарҙы хайран ҡалдырасаҡ. Уның алдында батшалар ауыҙ йомасаҡ. Улар үҙҙәренә бер кем дә һөйләмәгәнде күрәсәк, Ишетмәгән нәмәләрҙе аңлаясаҡ».

Зөлкифел 36:25

Өҫтөгөҙгә саф һыу һирпермен, бөтә әшәкелектәрегеҙҙән таҙарынырһығыҙ. Бөтә боттарығыҙҙан арындырырмын һеҙҙе.

Зөлкифел 40:39

Айуандың һәр ике яғында икешәр өҫтәл тора, уларҙа тотош яндырыу ҡорбаны, гонаһ ҡорбаны, ғәйеп ҡорбаны салалар.

Левиҙәр 1:11

Ҡорбан килтереүсе уны ҡорбан усағының төньяғында, Раббы хозурында салһын. Ә Һарун улдары – ҡаһиндар – уның ҡанын ҡорбан усағының һәр яғына һирпһен.

Левиҙәр 1:3

Әгәр тотош яндырыу ҡорбаны эре малдан икән, ул кәмселекһеҙ үгеҙ башмаҡ булһын. Был ҡорбан Раббы тарафынан ҡабул булһын өсөн, ҡорбан килтереүсе уны Осрашыу сатыры ауыҙына алып килһен

Левиҙәр 1:5

Ҡорбан килтереүсе башмаҡты Раббы хозурында салһын. Һарун улдары – ҡаһиндар, башмаҡтың ҡанын алып, Осрашыу сатыры ауыҙы эргәһендәге ҡорбан усағының һәр яғына һирпһен.

Левиҙәр 14:13

Тәкәне гонаһ ҡорбанын һәм тотош яндырыу ҡорбанын боғаҙлаған ерҙә, мөҡәддәс урында салһын, сөнки ғәйеп ҡорбаны гонаһ ҡорбаны кеүек үк, ҡаһиндыҡы. Ул изгеләрҙән-изге ҡорбан.

Левиҙәр 3:2

Ҡулын ҡорбанының башына ҡуйһын һәм уны Осрашыу сатыры ауыҙында салһын. Һарун улдары – ҡаһиндар – малдың ҡанын ҡорбан усағының һәр яғына һирпһен.

Левиҙәр 3:8

Ҡулын ҡорбанының башына ҡуйһын һәм Осрашыу сатыры алдында салһын. Ә Һарун улдары уның ҡанын ҡорбан усағының һәр яғына һирпһен.

Левиҙәр 4:24

Ҡулын тәкәнең башына ҡуйып уны Раббы хозурында – тотош яндырыу ҡорбандарын сала торған урында, Раббы ҡаршыһында боғаҙлар. Был – гонаһ ҡорбаны.

Левиҙәр 4:29

Ҡулын гонаһ ҡорбанының башына ҡуйһын һәм тотош яндырыу ҡорбанын сала торған урында боғаҙлаһын.

Левиҙәр 4:33

Ул кеше ҡулын гонаһ ҡорбанының башына ҡуйһын һәм уны тотош яндырыу ҡорбанын сала торған урында боғаҙлаһын.

Левиҙәр 5:16

Был кеше изге әйбер өсөн түләргә һәм хаҡының биштән бер өлөшө тиклем өҫтәп, уны ҡаһинға бирергә тейеш. Ҡаһин ғәйеп ҡорбаны итеп килтерелгән тәкә менән был кешене гонаһынан паклар һәм ул кеше ярлыҡаныр.

Левиҙәр 5:7

Әгәр ҙә ул кешенең һарыҡ йәки кәзә килтерергә хәленән килмәһә, гонаһы өсөн Раббыға ике алатуба йәки ике күгәрсен балаһы алып килһен. Уларҙың береһе гонаһ ҡорбаны, береһе тотош яндырыу ҡорбаны булыр.

Левиҙәр 5:9

Гонаһ ҡорбанының бер аҙ ҡанын ҡорбан усағының яҡ-яғына һирпер, ҡандың ҡалғанын усаҡтың төбөнә ағыҙыр. Был – гонаһ ҡорбаны.

Левиҙәр 6:25

– Һарунға һәм уның улдарына әйт: бына гонаһ ҡорбаны килтереүҙең ҡағиҙәләре. Гонаһ ҡорбаны тотош яндырыу ҡорбаны боғаҙланған урында, Раббы хозурында салынырға тейеш. Ул – изгеләрҙән-изге.

Левиҙәр 6:7

Ҡаһин был кешене Раббы хозурында гонаһынан паклар һәм уның ғәйебе ярлыҡаныр.

Иҫәп алыу 6:12

Был кеше Раббыға бағышланған нәзирлек көндәрен ҡабаттан башлар һәм, ғәйеп ҡорбаны итеп, бер йәшлек бәрәс килтерер; нәзирлеге нәжесләнгәнлектән элекке көндәре иҫәпкә алынмаҫ.