Левиҙәр 4:7 - Башкирский ВЗ (неполный)

⁷ Шунан һуң ҡанды Раббы хозурынында, Осрашыу сатыры эсендәге хуш еҫ төтәтеү усағының мөгөҙҙәренә һөртһөн. Башмаҡтың ҡалған ҡанын сатыр ауыҙындағы тотош яндырыу ҡорбаны усағының төбөнә түкһен.

Изге Яҙма

⁷ Шунан һуң ҡанды Раббы хозурында, Осрашыу сатыры эсендәге хуш еҫ төтәтеү усағының мөгөҙҙәренә һөртһөн. Башмаҡтың ҡалған ҡанын сатыр ауыҙындағы тотош яндырыу ҡорбаны усағының төбөнә түкһен.

Левиҙәр 4:7 ပူးပေါင်းရင်းမြစ်များ

Зәбүр 118:27

Нәсихәттәреңдең асылына төшөндөр, Мөғжизәләрең хаҡында уйланайым.

Сығыу 29:12

Ҡанына бармағыңды манып ҡорбан усағының мөгөҙҙәренә һөрт, ҡалған ҡанды ҡорбан усағының төбөнә түк.

Левиҙәр 1:5

Ҡорбан килтереүсе башмаҡты Раббы хозурында салһын. Һарун улдары – ҡаһиндар, башмаҡтың ҡанын алып, Осрашыу сатыры ауыҙы эргәһендәге ҡорбан усағының һәр яғына һирпһен.

Левиҙәр 16:18

Һарун Раббы хозурындағы ҡорбан усағы янына сығып уны паклау йолаһын башҡарыр, башмаҡ менән кәзә тәкәһенең ҡанын алып усаҡтың бөтә мөгөҙҙәренә һөртөр.

Левиҙәр 4:18

Шунан ҡаһин Осрашыу сатырында Раббы ҡаршыһындағы хуш еҫ төтәтеү усағының мөгөҙҙәренә ҡан һөртһөн. Ҡандың ҡалғанын сатыр ауыҙындағы тотош яндырыу ҡорбаны усағының төбөнә түкһен.

Левиҙәр 4:25

Ҡаһин, гонаһ ҡорбанының ҡанына бармағын манып, тотош яндырыу ҡорбаны усағының мөгөҙҙәренә һөртһөн. Ҡалған ҡанды усаҡтың төбөнә түкһен.

Левиҙәр 4:30

Ҡаһин, бармағын ҡорбандың ҡанына манып, тотош яндырыу ҡорбаны усағының мөгөҙҙәренә һөртһөн, ҡалған ҡанды усаҡ төбөнә түкһен.

Левиҙәр 4:34

Ҡаһин, бармағын гонаһ ҡорбанының ҡанына манып, тотош яндырыу ҡорбаны усағының мөгөҙҙәренә һөртһөн, ә ҡалған ҡанын усаҡтың төбөнә түкһен.

Левиҙәр 5:9

Гонаһ ҡорбанының бер аҙ ҡанын ҡорбан усағының яҡ-яғына һирпер, ҡандың ҡалғанын усаҡтың төбөнә ағыҙыр. Был – гонаһ ҡорбаны.

Левиҙәр 6:30

Әммә изге урынды паклау йолаһын башҡарыу өсөн ҡаны Осрашыу сатырына индерелгән гонаһ ҡорбанының итен ашарға ярамай. Ул утта яндырылырға тейеш.

Левиҙәр 8:15

Муса үгеҙҙе салып, ҡанын алды ла бармағы менән ҡорбан усағының мөгөҙҙәренә һәр яҡлап һөртөп, ҡорбан усағын пакланы. Ҡалған ҡанды ҡорбан усағының төбөнә түкте һәм нәжеслектән арындырып уны шул рәүешле изгеләндерҙе.

Левиҙәр 9:9

Улдары ҡорбандың ҡанын алып аталарына бирҙе. Һарун, бармағын ҡанға манып, ҡорбан усағының мөгөҙҙәренә һөрттө, ҡандың ҡалғанын усаҡ төбөнә түкте.