Ғамос 7:4 - Башкирский ВЗ (неполный)

⁴ Раббы Хаким минең күҙ алдыма түбәндәге күренеште баҫтырҙы: бына Ул халҡын хөкөм итмәк булып ут саҡырҙы. Ут диңгеҙ һыуҙарын төбөнә тиклем ялмап йотто, ерҙең бер өлөшө лә янды.

Изге Яҙма

⁴ Раббы Хаким минең күҙ алдыма түбәндәге күренеште баҫтырҙы: бына Ул, халҡын хөкөм итмәк булып, ут саҡырҙы. Ут диңгеҙ һыуҙарын төбөнә тиклем ялмап йотто, ерҙең бер өлөшө лә янды.

Ғамос 7:4 ပူးပေါင်းရင်းမြစ်များ

Ишағыяһ 27:4

Миндә асыу юҡ! Ләкин ул сәнскәк менән билсән үҫтерһә, Уға ҡаршы яу асырмын, Тотош утта яндырырмын.

Йермеяһ 21:12

эй Дауыт нәҫеле! Раббы былай ти: „Һәр көн иртән ғәҙел хөкөмдәр ҡыл, Таланғанды ҡыйырһытыусы ҡулынан ҡотҡар, Юҡһа ҡылған яуызлыҡтарығыҙ өсөн Асыуым ут кеүек тоҡаныр ҙа Уны бер кем дә һүндерә алмаҫ.

Йермеяһ 4:4

Үҙегеҙҙе Мин Раббыға бағышлағыҙ, Йөрәгегеҙҙе сөннәткә ултыртығыҙ, Эй Йәһүҙә халҡы һәм Йәрүсәлимдә йәшәүселәр! Юҡһа ҡылған яуызлыҡтарығыҙ арҡаһында Асыуым ут һымаҡ тоҡаныр, Һис кем һүндерә алмаҫлыҡ булып дөрләр».

Зөлкифел 21:3

Исраил еренә әйт, Раббы былай ти: «Бына, Мин һиңә ҡаршы сығам! Ҡынынан ҡылысымды һурып алам да, һәммәгеҙҙе – тәҡүә кешеңде лә, яуызыңдарҙы ла ҡырам.

Йоил 1:19

Йә Раббы, Һиңә ялбарам! Далалағы көтөүлектәр көйөп бөттө, Ҡырҙағы барлыҡ ағастарҙы ялҡын ялманы.

Йоил 2:30

Күктә һәм ер йөҙөндә хикмәтле билдәләр күрһәтермен: Ҡан, ут һәм төтөн бағаналары күренер.

Левиҙәр 10:2

Шул саҡ Раббы хозурынан ут сыҡты ла уларҙы ялмап алды. Улар Раббы алдында үлде.

Ғамос 1:4

Хазаилдың һарайына ут төртәм, Ялҡын Бән-Хадад ҡәлғәһен ялмап йотор!

Ғамос 1:7

Газа диуарҙарына ут төртәм, Ҡәлғәләрен ялмап йотһон.

Ғамос 2:5

Мин Йәһүҙәгә ут төртәм, Йәрүсәлим ҡәлғәләрен ялҡын ялмап йотор.

Ғамос 4:11

Нисек Содом менән Ғамораның аҫтын өҫкә әйләндерһәм, һеҙҙең ҡайһы берәүҙәрегеҙҙе лә шулай һәләк иттем. Һеҙ ут эсенән тартып алынған торомбаш хәлендә булдығыҙ. Шунда ла һеҙ Минең хозурыма ҡайтманығыҙ. – Раббы шулай тип белдерә. –

Ғамос 5:6

Раббыға ынтылығыҙ – Шул саҡ иҫән ҡалырһығыҙ. Юҡһа Ул, ялҡын шикелле, Йософ йортон ялмап алыр, Бейт-Ил дә дөрләп яныр – Уны һүндереүсе булмаҫ.

Ғамос 7:1

Раббы Хаким миңә шундай күренмеш иңдерҙе: бына батша өлөшөнә төшкән иген йыйылып, баҫыуҙар ҡабат йәшелләнә башлағас, Ул саранча тубы хасил итте.

Ғамос 7:7

Ул миңә тағы бер нәмә күрһәтте: бына Хаким текә диуар өҫтөндә тора, уның ҡулында – ҡурғаш ауыртмаҡ.

Миха 1:4

Утта ирегән балауыҙмы ни, Аяҡ аҫтарында тауҙар ирер; Түбәләрҙән аҡҡан һыуҙармы ни, Үҙәнлектәр икегә йырылыр.

Нахум 1:6

Уның асыуына кем ҡаршы торор, Ялҡынлы ярһыуына кем сыҙар? Ут һымаҡ түгелә Уның асыуы, Ҡаршыһында ҡаялар ҡыйрала.

Иҫәп алыу 16:35

Раббының хозурынан ут сығып хуш еҫле матдәләр килтергән теге ике йөҙ илле ирҙе лә һәләк итте.

Ҡанун 32:22

Сөнки асыуымдан ут тоҡанды, Үлеләр донъяһының тәрәнлектәренә тиклем яныр. Ер йөҙөн, емештәрен йотоп юҡ итер, Тауҙарҙың нигеҙенә тоташыр.