Yibru Yerrcha 7:4 - Burarra

⁴ Minyja bubu-borrwa: Melkíchadek nipa wana an-bapala. Minypa Aybriyam an-gata an-ngayburrpa mu-ngoyurra an-guyinda gun-nga burr-guta gun-gata nipa gu-menga a-ni, burr-gaypuna aburr-gata bunggawa yerrcha, gun-narda nipa gu-ngorrkorndanga minypa arr-jirrapa arr-murna, minypa 10, rrapa a-wuna Melkíchadek gun-ngardapa. Gu-gurda ngacha minypa ngayburrpa marn․gi nula Melkíchadek nipa wana rrapa Aybriyam marr a-yinanga.

Yibru Yerrcha 7:4 ပူးပေါင်းရင်းမြစ်များ

Jama Aburr-ji 2:29

“A-lay, aburr-borrmunga, buburr-galiya apula. Yarlanga ngu-nega barra ana-gorrburrwa Daybit nula an-ngayburrpa mu-ngoyurra an-guyinda an-guwelamagepa. Nipa a-juwuna rrapa abu-jurnumbuna; ngunyuna yi-gurrepa a-yunyarra, ngarla.

Jeymch 2:23

Gu-gurda ngacha minypa gun-burral gu-bena gun-gata nipa Wangarr gipa mu-ngoyurra a-wena, mu-jurra gu-yurra gu-yinaga janguny, “Aybriyam marr a-balcha nula Wangarr, rrapa gun-narda nula nipa Wangarr ana-nyala gu-borrwurra nula Aybriyam minypa nipa Aybriyam ana-nyala jechinuwa a-ni nula.” Gu-yinagata gu-yurra janguny, rrapa gu-gurda ngacha minypa Wangarr ana-nyala a-ngurrjinga Aybriyam minypa nipa an-nigipa an-borrmunga.