Rowm Aburr-guyinda 2:22 - Burarra

²² Rrapa wolawola ny-yeya burrwa ny-yorkiya birripa gala barra jama aburr-ji marrambay gun-guji, wurra nginyipa ny-yinagatiya rrapa jama ny-jirra ny-yorkiya marrambay gun-guji, ya? Rrapa nginyipa gala jal nyi-nirrarna an-gata an-guripa an-guyinda minypa an-mawunga abi-jarlapurda aburr-workiya rrapa marr aburr-balcharra nula, wurra nginyipa rrapa an-ngumurda ny-mangga ny-yorkiya an-gata an-guripa, ya?

Rowm Aburr-guyinda 2:22 ပူးပေါင်းရင်းမြစ်များ

Metiyu 12:39

Wurra Jesus a-yinanga burrwa, “Ana-goyburrpa nyiburr-gurdiya gorlk burr-guya nyiburr-werra! Wangarr gala nyibu-borrwa nyiburr-workiya; jarra gun-guripa gun-guyinda nyibu-borrwuja nyiburr-workiya. Gu-gurda ngacha minypa ana-goyburrpa nyiburr-wena apula ganyjarr nula. Wurra Wangarr gala barra ganyjarr nyirr-gurdagurdarra ana-goyburrpa, wurpa lika gun-maywapa minypa gun-gata nipa jama a-ji nula Jona (Jonah) an-gata an-nigipa an-mujaruk.

Metiyu 16:4

Nyiburr-gurdiya gorlk nyiburr-werra! Ana-goyburrpa jal nyiburr-nirra nyiburr-workiya nyibi-na barra Wangarr gun-nika ganyjarr, wurra nipa gala barra nyirr-gurdagurdarra ganyjarr, wurpa lika gun-maywapa minypa gun-gata nipa jama a-ji nula Jona (Jonah) mu-ngoyurra a-ni.” A-yinagata Jesus a-wena burrwa, lika burr-bawuna a-bona; ay-bamuna.

Mark 11:17

Rrapa nipa waypa marn․gi burr-negarra a-ni, nipa a-yinanga burrwa, “Ana-goyburrpa gala nyibu-borrwa, ya, jurra mu-guyinda gu-yurra janguny? Minyja gun-narda Wangarr a-wena, a-yinanga, ‘Gun-ngaypa bala gubu-ngurrja barra aburr-workiya wurra gama gorlk, aburr-yinda barra, “Gun-gata gu-bala aburr-jaranga aburr-bapurr abu-wengganacha aburr-workiya.” ’ Gu-yinagata gu-yurra janguny, wurra ana-goyburrpa werra nyibi-negarra nula gun-nigipa bala, ngunyuna gu-galiya yerrcha nyirrbu-gaypurda nyiburr-workiya, jalim nyiburr-nirra burrwa nyiburr-workiya.”

Jama Aburr-ji 19:37

Wurra abirri-guna geka nyirrbu-ganyja gurda, bitipa gala mun-ngumurda mbirri-manggarna gun-japurra rrawa wenga, rrapa jin-ngayburrpa wangarr gala jin-nerra jibirri-nengarna; wurra gun-nyagara.

Rowm Aburr-guyinda 12:9

Gurrurta gun-burral jal gun-guni bubi-rrima ana-gorrburrwa gu-gapa gu-guta. Gun-nerra ngoyurra buburr-yerryerrmiya nula, wurra gun-molamola bubi-rrima burr-guya.

Jeymch 4:4

Minypa gun-maywapa ranginy gama a-bawuna an-nigipa wurra rrapa jiny-bona, an-nerranga wurra a-menga. Wurra ana-goyburrpa gala nyibu-borrwa, ya? Wurra minyja ana-goyburrpa jal nyiburr-nirra gu-gurdiya gu-yika gu-rrawa, gun-narda minypa ana-goyburrpa gala jal nyiburr-ni nula Wangarr. Wurra jarra ana-nga jal a-nirra gu-gurdiya gu-yika gu-rrawa, gun-narda minypa mun-bachirra butula nipa an-gata an-gugaliya rrapa Wangarr.