Rowm Aburr-guyinda 10:8 - Burarra

⁸ Wurra gu-gata gu-janguny barrwa gu-yinagata, “Janguny yi-gurrepa ana-gorrburrwa minypa nyiburr-gata nyiburr-ngana rrapa wuparnana nyiburr-ngurrnga” — minyja janguny gun-guna ngayburrpa nyibu-ngurrjinga ana-gorrburrwa nyiburr-workiya — minypa ana-goyburrpa barra marr nyiburr-balcha nula Wangarr.

Rowm Aburr-guyinda 10:8 ပူးပေါင်းရင်းမြစ်များ

Jama Aburr-ji 10:43

Nipa an-nardiya birripa aburr-gata mu-ngoyurra aburr-guyinda aburr-mujaruk abu-ngurrjinga gurda aburr-bamuna, gu-yinaga gu-yunyarra gun-guwarr: Ana-nga an-jaranga minyja marr abirriny-balcha nula, nipa a-gunggaja barra burrwa rrapa gun-nerra gu-yerrnyja barra burrwa, ngardawa nipiya an-nelangga wana an-babalapa.”

Jama Aburr-ji 16:31

Lika bitipa abirri-yinanga nula, “A-lay, marr balcha nula Jesus nipa Bunggawa, barra nginyipa rrapa aburr-nginyipa aburr-borrmunga wanngu nyiburr-ni.”

Rowm Aburr-guyinda 10:17

Minyja ngarripa marn․gi an-gugaliya marr a-balcharra nula a-workiya Christ ngardawa nipa a-galiyana janguny. Rrapa nipa janguny a-galiyarra a-workiya minypa ana-werranga gu-ngurrjinga nula a-workiya.

Galéychiya Aburr-guyinda 3:2

Wurra ngaypa arr-wenggana barra gun-guna: Ana-goyburrpa Mern An-mawunga nyibu-menga, gun-gata minypa jama nyiburr-ji nula gun-guwarr gun-guyinda joborr, ya? Wurra minypa gun-molamola janguny ana-goyburrpa nyiburr-galiyana rrapa marr nyiburr-balcha, gu-gurdiya ngacha, ya? Gun-narda yama ana-goyburrpa nyibu-borrwa?

Galéychiya Aburr-guyinda 3:5

Wurra bubu-borrwa gun-gata Wangarr nipa nyirr-wucha a-workiya ana-goyburrpa Mern An-mawunga rrapa jama a-jirra ana-gorrburrwa burr-ganyjarr. Nipa an-nga nula a-yinagata a-workiya? Wurra jimarna bama nyiburr-yinaga minypa joborr ana-goyburrpa nyibi-rrimanga, ya? Wurra ngardawa gun-molamola janguny ana-goyburrpa nyiburr-galiyana rrapa mu-nguy marr nyiburr-balcharra nyiburr-nirra, ya? Gun-nardiya wupa, ngaja, ngarla.

Apachach Aburr-guyinda 5:26

gun-nerra barra gu-yerrnyja arrburrwa rrapa nguburr-yigipa arr-nega nguburr-molamola nuluwa, minypa gu-bugula nipa arr-gurragaja minypa gu-yigipa gu-janguny nipa arr-jalkakaja, gu-gurdiya ngacha.

1 Dimati 4:6

A-lay, gun-narda janguny minyja nginyipa burr-gelamajortka Wangarr burr-yika gu-galiya yerrcha aburr-garda worlapa arrburrwa yerrcha, gun-narda minypa nginyipa jawina ny-molamola nyi-nirra nula Christ Jesus — nginyipa ny-jurdiya minypa derta nyi-negiyana ny-bamuna gu-janguny gu-burral ngayburrpa ngubi-rrimanga, rrapa minypa banda gu-jirra gun-guyinda ny-borrwuja ny-bamburda.

1 Birta 1:23

Ngardawa ana-goyburrpa gipa nyiburr-geka nyiburr-ni, gun-gata ngika minypa ana-gugaliya nyanma an-gata a-juwiya a-workiya, wurra minypa gu-gata nyanma Wangarr gun-nika janguny gun-gata guy-jirrapa guy-workiya wanngu gun-gunega, gu-gurdiya ngacha.

1 Birta 1:25

Wurra jarra an-ngayburrpa an-ngardapiya arrburrwa Wangarr gun-nigipa janguny guy-jirrapa guy-workiya,” janguny gun-gata minypa ana-goyburrpa nyiburr-galiyana, birripa gubu-ngurrjinga ana-gorrburrwa.