“Nginyipa ny-yinda barra burrwa ny-yorkiya aburr-werranga minypa nginyipa jal nyi-nirra birripa barra aburr-yirda nggula nginyipa. Gu-gurda ngacha banda gu-jirra joborr gun-guyinda gun-gata Wangarr a-wuna arrburrwa Mojich, rrapa mola gun-gata Wangarr gun-nika aburr-yigipa aburr-mujaruk ngunyuna aburr-guyinda gubu-ngurrjinga aburr-workiyana.
Metiyu 22:40 - Burarra40 Abirri-gurdiya abirri-jirrapa joborr nipa minypa banda gu-jirra gun-gata gun-jaranga joborr Mojich gu-barnjinga, rrapa gun-gata janguny burr-guta minypa Wangarr burr-yika aburr-mujaruk ngunyuna aburr-guyinda aburr-wena aburr-workiyana.” အခန်းကိုကြည့်ပါ။ |
Metiyu 22:40
9 ပူးပေါင်းရင်းမြစ်များ
Minypa joborr gun-gata nipa Wangarr a-wuna arrburrwa Mojich (Moses), minypa “Gala barra marrambay ny-ji,” rrapa minypa “Gala barra an-gugaliya ny-bu rrapa nipa a-juwa,” rrapa minypa “Gala barra mun-ngumurda ny-ma an-nerranga mun-nika,” rrapa minypa “Gala barra mu-werrmbarra nyi-na,” rrapa barrwa gun-nerranga gun-jaranga gu-yinmiya gu-yurra joborr, wurra meyali gun-guna: “Jal ni nula an-nginyipa an-borrmunga gun-maywapa minypa nginyipa ngardapa jal nyi-nirra nggula.”
Gun-narda burrwa joborr minypa barra birripa gu-gapa gu-guta jal aburr-ni burrwa. Minyja borrwa: Gu-gaya wenga ngayburrpa jal nguburr-nirra arrburrwa nguburr-workiya gu-gapa gu-guta? Wurra minypa gala gun-nga gun-nerra ngubi-rrima, rrapa minypa wuparnana nguburr-galiyarra arrburrwa minypa ngayburrpa nguburr-molamola, rrapa minypa Wangarr gun-nika janguny gun-burral nguburr-galiyana rrapa gun-burral ngubi-rrimanga nula; gu-gurdiya ngacha nyanma ngayburrpa jal nguburr-nirra arrburrwa nguburr-workiya gu-gapa gu-guta.
Mu-jurra gu-yurra joborr gun-gata Wangarr gun-nika barra ngayburrpa nipa ana-murna nguburr-ni, gun-narda gu-yinaga gu-yurra joborr, “Jal ni nula an-nginyipa an-borrmunga minypa nginyipa wupa ngardapa jal nyi-nirra nggula ny-yorkiya.” Rrapa ny-yinga ny-jata minyja gun-narda ny-borrwa nyi-ni joborr, gu-gurda ngacha minypa jechinuwa nyi-nirra nula Wangarr.
ကြော်ငြာတွေ