Mark 8:32 - Burarra

³² Gun-narda nipa Jesus a-wena yarlanga, wurra nipa Birta ana-nyala a-menga Jesus rrapa a-ganyja balay ngika, lika a-garlmuna, jimarna a-jobujobungarna Jesus gun-narda a-wena janguny.

Mark 8:32 ပူးပေါင်းရင်းမြစ်များ

Metiyu 16:22

Wurra nipa Birta ana-nyala a-menga Jesus, lika a-ganyja balay ngika, lika burr-guya a-wena nula, “Bunggawa, a-lay, gun-narda ny-yena Wangarr barra gu-ngukurdanyja! Gala barra gu-yirda gu-ni nggula!”

Mark 4:38

Wurra nipa Jesus gapa jurdach ana-yu ana-bona mu-michiyang m-barra, bila (pillow) gu-rrenyjinga a-yu ana-bama. Lika aburr-yigipa jawina abu-jortkarra aburr-ni, aburr-wena nula, “Bunggawa, a-lay, gala ny-jurkuja ngayburrpa nguburr-guyba barra, ya?”

Luk A-wukurrjinga A-ngurrjinga Jesus Christ (Luke) 10:40

Wurra nipa jin-gata Marta gun-jaranga gu-borrwurra minypa gun-gata nipa balaja m-barnjinga burrwa Jesus rrapa aburr-yigipa jawina. Lika gu-gata wenga jina-garlmuna, jiny-yena nula, “A-lay, Bunggawa, gala ny-borrwa nyi-ni, ya? Wurra jin-guna jelapa ngapa gu-bawuna, ngaypa wupa ngardapa jama ngu-jirra ana-gorrburrwa? Yama ny-yengga achila barra jiny-junggaja apula?”

Jon A-wukurrjinga A-ngurrjinga Jesus Christ (John) 10:24

Gata waypa Jesus a-bamuna, Ju yerrcha aburr-gata gojilapa abi-negarra, aburr-yinanga nula, “Ganapa jordajiya arrburrwa. Wurra minyja nginyipa Christ nipa Wangarr biy-menga arrburrwa Wanngu Nyi-gunega, ngurrjiya arrburrwa yarlanga.”

Jon A-wukurrjinga A-ngurrjinga Jesus Christ (John) 11:14

Lika Jesus yarlanga gu-negarra burrwa, a-yinanga, “Nipa a-juwuna.

Jon A-wukurrjinga A-ngurrjinga Jesus Christ (John) 16:25

“Ngaypa ngu-wena ana-gorrburrwa ngu-workiyana, gun-maywapa ranginy wupa ngu-wena. Wurra gun-guniya guna-bamburda gala barra ngu-yirda gun-maywapa ranginy ngu-ngurrja ana-gorrburrwa, jarra Ngun-anya ngu-ngurrja barra ana-gorrburrwa yarlanga.

Jon A-wukurrjinga A-ngurrjinga Jesus Christ (John) 16:29

Jesus a-yinagata a-wena, lika aburr-yigipa jawina aburr-yinanga, “Aya, gun-narda, ngarla, yarlanga ny-yena rrapa ngika minypa gun-maywapa ranginy.

Jon A-wukurrjinga A-ngurrjinga Jesus Christ (John) 18:20

Wurra Jesus a-yinanga, “A-lay, gipa yarlanga ngu-wena burrwa ngu-workiyana wurra gama gorlk gatiya minypa aburr-bamagutuwiya aburr-workiya gu-bala gu-guyinda Ju yerrcha marn․gi aburr-negiya aburr-workiya, rrapa mola gatiya Wangarr gun-nika gun-japurra rrawa burr-guta. Gala an-ngardapa ngu-weyarna nula ngu-workiyarna; jarra an-jaranga ngu-wena nula.