Mark 15:12 - Burarra

¹² Baylat barrwa a-wena burrwa wurra gama gorlk, a-yinagata, “Wurra ngu-yinmiya barra nula an-gaba ana-goyburrpa Ju yerrcha nyibu-ngurrjinga nyiburr-workiya bunggawa?”

Mark 15:12 ပူးပေါင်းရင်းမြစ်များ

Metiyu 21:5

“Wengga burrwa aburr-gata rrawa Jayan (Zion) aburr-nirra, gu-gatiya burr-yika gu-ngarda yerrcha ny-yengga barra burrwa, ‘Bubi-na: An-gata an-goyburrpa Bunggawa ana-boya ana-gorrburrwa nipa an-dor, minypa dongki ana-jonama a-nirra ana-bamburda, dongki an-delipa an-gata burdak mampa niya jaga jiny-janaja nula.’ ”

Mark 15:11

Wurra aburr-gata wana junggay yerrcha burrbu-jurnajuchuwurra wurra gama gorlk barra Baylat aburr-ngiwija nula barra burr-wu an-gata Burébach.

Mark 15:13

Wurra birripa abu-marawarrbuna, “An-narda bupa! Burr-jong nega rra!”

Luk A-wukurrjinga A-ngurrjinga Jesus Christ (Luke) 23:2

Lika bima abu-ngurrjinga nula aburr-ni, aburr-yinanga, “An-guna ngayburrpa nyibi-nacha nipa gun-bachirra ngana burr-wucha aburr-ngayburrpa gu-galiya yerrcha. Minypa nipa a-weya burrwa a-workiya jimarna gala barra abu-wu Bunggawa Rowm a-nirra rrupiya dek (tax). Rrapa minypa a-ngurrjiya a-workiya jimarna nipiya Christ nipa Wangarr ana-jerrmarra arrburrwa bunggawa.”

Jama Aburr-ji 5:31

Nipa Wangarr ana-nyala a-jarrkarrana rrapa a-ganyja waykin, nipiya ana-gera ana-munganaguwa a-ninyarra wana an-babalapa. Minypa nipa Jesus mu-ngoyurra a-jirra arrburrwa an-ngayburrpa Wanngu An-gunega. Barra minypa nipa a-gunggaja arrburrwa, gun-nerra ngubu-bawa rrapa nguburr-ngukurdanyjiya nula, rrapa minypa gun-nerra gu-yerrnyja barra arrburrwa ngayburrpa nguburr-gurdiya Yichrayal (Israel) nguburr-bapurr.