Luk A-wukurrjinga A-ngurrjinga Jesus Christ (Luke) 22:43 - Burarra

⁴³ Rrapa an-ngardapa waykin an-guyinda an-mujaruk ana-bupiyana, a-bena nula rrapa derta a-negarra.

Luk A-wukurrjinga A-ngurrjinga Jesus Christ (Luke) 22:43 ပူးပေါင်းရင်းမြစ်များ

Metiyu 26:53

Wurra yama ny-borrwa gun-guna? Minyja ngaypa ngu-wenggana Nyanyapa apa, nipa yibirrich burr-jerrma gurda apula aburr-jaranga waykin aburr-guyinda aburr-mujaruk ngunabu-burdima, minypa mun-jaranga murndurn, minypa arr-jirrapa arr-murna rrapa abirri-jirrapa, minypa 12.

Metiyu 4:11

Gu-gata wenga lika walkwalk a-bawuna Jesus, lika waykin aburr-guyinda aburr-mujaruk aburr-bona gurda, aburr-gunggajinga nula Jesus.

Metiyu 4:6

Lika a-yinagata nula, “Minyja nginyipa Wangarr biy-yika Walkur, marrka gortkurrcha. Ngardawa jurra mu-guyinda gu-yurra janguny, ‘Wangarr a-wengga barra burrwa aburr-yigipa waykin aburr-guyinda aburr-mujaruk birripa barra aburr-gunggaja nggula. Minypa murna aburr-jirra aburr-guyinda bubi-rrima barra aburr-ji, rraka nginyipa gala ny-yinmiya gu-jandarra biy-bu rrepara ny-jirra.’ ” A-yinagata walkwalk a-wena rrapa minypa Wangarr gun-nika wengga gu-ngukurdanyjinga, jimarna barra Jesus a-gortkurrcha rrapa a-juwa.

Luk A-wukurrjinga A-ngurrjinga Jesus Christ (Luke) 22:32

Wurra, a-lay, ngaypa jarra ngu-wengganana nggula, gala yapa ny-bawa gun-gata minypa marr ny-balcharra apula. Rrapa ny-jurda nginyipa Birta (Peter), nuwurra waypa nyina-jeka apula, nginyipa barra derta burr-nega aburr-guna aburr-nginyipa worlapa nggu yerrcha.”

Jama Aburr-ji 14:22

Minypa Jesus burr-yika marr aburr-balcharra nula bitipa derta burrbi-negarra abirri-bamuna, minypa gelama gelama burrbu-barra mu-nguy aburr-jinyjapa barra nula Jesus. Minypa abirri-yinanga abirri-wena burrwa, “Gun-guniya gojilapa burdak arr-bamburda, wolawola gun-derta gu-ni barra arrkula gu-workiya. Wurra ngarripa jarra jechinuwa arr-bamba barra nula Wangarr, lika nuwurra jurdach gun-molamola gu-ni barra arrkula gun-gata nipa ana-murna.” Abirri-yinagata Paul rrapa Barnabach abirri-wena burrwa abirri-bona.

Jama Aburr-ji 18:23

Gata Antiyak nipa Paul gu-yinmiyapa ngorrngurra a-ni, lika a-garlmuna, a-bona gun-gata gun-maywapa rrawa Galéychiya (Galatia) rrapa Brijiya (Phrygia), gun-gatiya wupa rrawa gu-jirra gu-boya, rrapa minypa derta burr-negarra a-bona Jesus burr-yika jawina yerrcha aburr-gata.

1 Dimati 3:16

Minypa gun-gata nula janguny meyali wana gun-bapala; wana an-bapala jarra — nipiya Christ Jesus. Minypa nipa ngubi-nana an-gugaliya a-ni, rrapa minypa Mern An-mawunga arr-gurdagurdarrana, marn․gi nguburr-ni nula ngardawa Wangarr an-nika An-walkurpa. Minypa waykin wenga an-mujaruk an-guyinda ana-nana ana-ni, rrapa minypa gun-guna rrawa janguny gu-barrjekarra, gu-werranga gu-werranga gu-rrawa aburr-galiyana nula. Minypa gu-rrawa marr aburr-balcha nula, rrapa minypa Wangarr a-menga, a-ganyja waykin.

Yibru Yerrcha 1:14

Ganapiya, wurra bubu-borrwa minypa gun-guna: Aburr-gata waykin aburr-guyinda aburr-mujaruk birripa minypa Wangarr burr-yika aburr-mujama aburr-mawunga aburr-guyinda. Minypa nipa burr-jerrmanga a-workiya, aburr-gunggajinga burrwa aburr-workiya gu-galiya yerrcha aburr-gata wanngu gun-guni gubu-ma barra.

Yibru Yerrcha 1:6

Wurra jarra gun-gatiya waypa nipa Wangarr nawanawa a-ni a-bona minypa ana-jerrmarra an-nigipa an-murnangana An-walkurpa gun-gunaga rrawa, nipa Wangarr a-wena, a-yinagata, “Wangarr burr-yika waykin aburr-guyinda aburr-mujaruk birripa aburr-bulapalawa barra aburr-marrngoypiya barra nula An-walkurpa.”

Yibru Yerrcha 2:17

Gun-narda nula Jesus warrpam a-ni minypa aburr-yigipa worlapa niya yerrcha, gu-gata wenga minypa nipa burr-guya burr-borrwuja a-workiya. Minypa nipa a-nirrapa a-workiya an-birripa wana an-babalapa junggay, Wangarr an-nika an-mujama gojilapa a-jirra burrwa a-workiya Wangarr rrapa birripa rrapa gun-nerra gu-yerrnyjinga burrwa a-workiya wurra gama gorlk.