Luk A-wukurrjinga A-ngurrjinga Jesus Christ (Luke) 12:48 - Burarra

⁴⁸ Wurra an-nerranga an-mujama an-gata minypa gala marn․gi gun-ngiya an-nigipa bunggawa jal a-nirra, minyja nipa an-gata werra a-negiya, an-nigipa bunggawa marr warlwarl barra a-jurrburaykujama. Minypa an-gata ana-nga Wangarr a-wuna gun-jaranga gun-nga, an-gata an-gugaliya Wangarr jal a-nirra barra nipa jama a-ji. Rrapa minypa barrwa an-gata ana-nga nipa Wangarr a-wuna burr-guya gun-jaranga, an-gatiya an-gugaliya Wangarr jal a-nirra barra nipa burr-guya jama a-ji.

Luk A-wukurrjinga A-ngurrjinga Jesus Christ (Luke) 12:48 ပူးပေါင်းရင်းမြစ်များ

Metiyu 13:12

Ngardawa ana-nga an-gata nipa minypa janguny gu-rrimanga Wangarr gun-nika, burraya Wangarr barrwa a-wu barra an-gata, lika nipa wana gu-rrima barra janguny. Wurra an-nerranga ana-nga nipa minypa gala Wangarr gun-nika janguny gu-rrima, burraya Wangarr a-garlmapa barra a-gaypa barra an-gata an-gugaliya gun-gata gun-delipa jimarn jarra nipa gu-rrimangarna a-nirrarna.

Luk A-wukurrjinga A-ngurrjinga Jesus Christ (Luke) 12:41

Lika Birta a-wena, “A-lay, Bunggawa, gurda ngayburrpa nyiburr-gurda wupa ny-yena arrburrwa, waygaji nyiburr-gurdiya gorlk ny-yena arrburrwa, ya?”

Luk A-wukurrjinga A-ngurrjinga Jesus Christ (Luke) 12:49

“Ngaypa nguna-bona minypa ngu-ngakurrma barra gun-guniya rrawa, rrapa burr-guya jal ngu-nirra jimarna gipa ngu-ngakurrmungarna, wurra gala burdak ngu-mungbungarnapa.

Luk A-wukurrjinga A-ngurrjinga Jesus Christ (Luke) 16:2

Lika nipa bunggawa a-gonyjinga nula an-nigipa an-mujama, lika a-wena nula a-ni, ‘Gun-gata gun-nga ngaypa ng-galiyarra nggula minypa janguny aburr-weya, bubu-ngurrjinga, ngarla? Wurra mun-gata jurra nyina-ma nginyipa ny-yukurrjinga ny-yorkiya, minypa wurra gama gorlk aburr-nirra gu-ngaypa gu-rrawa mu-yinmiyapa birripa mbi-gurdanyja barra gurda apula rrapa mu-yinmiyapa gipa mbi-gurdanyjinga, barra minypa ngaypa marn․gi ngu-ni. Wurra ganapiya gugu, nginyipa gala ny-yinmiya jaga ny-jana apula gun-ngaypa rrawa, ngarla!’

Jon A-wukurrjinga A-ngurrjinga Jesus Christ (John) 15:22

Minyja gala nguna-boyarna, ngu-weyarna burrwa, birripa gala mari gu-yurrarna burrwa. Wurra jarra janguny aburr-galiyana, wurra gala gubi-rrima apula.

Jama Aburr-ji 17:30

Mu-ngoyurra wurra gama gorlk gala marn․gi nula Wangarr, ana-gata ngacha an-guripa an-guyinda nipa baywarra gu-negarra arrburrwa a-workiyana. Wurra gun-guniya jurdach nipa wengga gu-barnjinga, nguburr-gurdiya gorlk barra gun-nerra ngubu-bawa, nguburr-ngukurdanyjiya rrapa gu-molamola nguburr-ni.

1 Dimati 1:11

Wurra janguny ngayburrpa ngubi-rrimanga gun-ngardapa Wangarr murna nguna-wuna gun-molamola wupa warrpam, Wangarr gun-nika an-gata an-molamola.

1 Dimati 1:13

Minypa wuriya ngaypa mu-ngoyurra ngu-ngurrjinga ngu-workiyana, jimarna bama ngu-yinanga nipa an-nerra, rrapa wuriya aburr-yigipa ngaypa minypa nguburr-buna — ngu-bachirra, ngarla — wurra nipa a-gunggajinga apula. Ngardawa gu-borrwurra ngaypa gala mu-ngoyurra marn․gi, minypa gala marr ngu-balcharrarna nula.

1 Dimati 6:20

Dimati, a-lay, jaga gana nula gun-gata Wangarr murna biy-wuna janguny. Bawa gun-gata minypa aburr-werranga borijipa aburr-wengganachichiya aburr-workiya Wangarr nyanma ngika rrapa minypa gala gubi-yagurrma nula gun-nigipa janguny. Birripa ngardawa gun-nerranga gubu-borrwuja aburr-workiya, jimarna bama aburr-yinaga marn․gi gun-guni gubi-rrimanga, wurra gun-guyolkiya jarra. Gu-gurdiya ngacha aburr-werranga aburr-lijiwarriyana, gun-gata gun-burral janguny gubu-morrarna — gun-burral janguny gun-gunaga, ngarla, minypa ngayburrpa ngubi-rrimanga. Ganapiya nggula janguny, a-lay. Bobo. Ngun-anya wugupa ana-gorrburrwa.

Daytach 1:3

rrapa gun-guniya gugu waypa gun-balma gu-ni, lika nipa arr-gurdagurdarrana ngardawa gun-gata gun-burral, minypa gu-yigipa gu-janguny ngaypa ng-guna ngu-ngurrjinga ngu-workiya. Minypa Wangarr an-ngayburrpa Wanngu An-gunega nipa a-wena rrapa nguna-wuna ganyjarr, gun-nigipa janguny ngaypa ngu-rrimanga burrwa wurra gama gorlk.

Jeymch 3:1

Jela, worla, gala barra ana-goyburrpa nyiburr-jaranga nyibu-borrwa jimarna marn․gi nyiburr-gunega nyiburr-ni barra ana-gorrburrwa. Wurra ana-goyburrpa marn․gi minypa ngayburrpa nyiburr-gata marn․gi nyirrbi-nenga nyiburr-workiya ana-goyburrpa Wangarr gun-nika janguny, minyja ngayburrpa nyiburr-yolkiya, nipa Wangarr mari wana gu-rrima barra arrburrwa a-ni; aburr-werranga marr gu-yinda wana mari gu-rrima barra burrwa.