Jon A-wukurrjinga A-ngurrjinga Jesus Christ (John) 9:21 - Burarra

²¹ Wurra nipa a-yinmiyana a-ganana ngarrinyjipa gala marn․gi rrapa ana-nga a-jarlapuna. Wurra nipa bubu-wenggana. Gipa nipa wana barra a-ngurrjiya.”

Jon A-wukurrjinga A-ngurrjinga Jesus Christ (John) 9:21 ပူးပေါင်းရင်းမြစ်များ

Luk A-wukurrjinga A-ngurrjinga Jesus Christ (Luke) 8:43

Rrapa jin-ngardapa gama jin-gata jiny-jortchinga jiny-yorkiyana gun-gatiya nipa jiny-yorrpuna jiny-yu gun-bulawa jemberr minypa 12, rrapa gala ana-nga a-yinmiyarna wanngu jinyu-nengarna.

Jon A-wukurrjinga A-ngurrjinga Jesus Christ (John) 9:10

Lika aburr-yinanga nula, “Wurra nginyipa ny-yinmiyana ny-janana?”

Jon A-wukurrjinga A-ngurrjinga Jesus Christ (John) 9:20

Wurra birrinyjipa mampa niya rrapa nyanyapa niya abirriny-yinanga, “An-guna ngarrinyjipa marn․gi nula nipa an-ngarrinyjipa delipa a-bambunggunapa an-gapula.

Jon A-wukurrjinga A-ngurrjinga Jesus Christ (John) 9:22

Abirriny-yinagata abirriny-yena burrwa bunggawa yerrcha, ngardawa abirriny-jurkuja burrwa. Ngardawa birripa aburr-gata gipa wengga gubu-buna, minypa ana-nga an-gugaliya nipa ana-nyala a-ngurrja Jesus minypa nipiya Christ an-gata Wangarr a-menga arrburrwa Wanngu An-gunega, wurra an-gata an-gugaliya birripa barra abi-yerrnyja mipila; gala mola a-yinmiya a-barrnguma gu-bala Ju yerrcha gun-burriya marn․gi aburr-negiya aburr-workiya.

Jon A-wukurrjinga A-ngurrjinga Jesus Christ (John) 9:23

Gu-gurda ngacha minypa birrinyjipa marn․gi abirrinyu-ni rrapa gubirrinyu-nana burrwa, lika gun-gata abirriny-yena, “Nipa bubu-wenggana. Gipa nipa wana barra a-wengga.”

Jama Aburr-ji 9:33

Rrapa gata a-nana an-ngardapa an-gugaliya an-nyarlkuch a-yu, nipa an-nelangga Yiníyach (Aeneas). Minypa nipa an-gata gala a-yinmiyarna a-rrigirrgngarna a-workiyarna, wurra a-yupa a-workiyana jemberr gun-jaranga minypa 8.