Jon A-wukurrjinga A-ngurrjinga Jesus Christ (John) 8:9 - Burarra

⁹ Wurra gun-gata birripa aburr-galiyana nula minypa nipa a-wena, lika gona aburr-ni, aburr-bona aburr-ji ngardapa ngardapa, minypa gapula an-guyinda mu-ngoyurra a-bona rrapa an-yawarriny jurdach. Burrbu-bawuna, barrwa ngardapa abirrinyu-ni, minypa Jesus rrapa gama.

Jon A-wukurrjinga A-ngurrjinga Jesus Christ (John) 8:9 ပူးပေါင်းရင်းမြစ်များ

Luk A-wukurrjinga A-ngurrjinga Jesus Christ (Luke) 13:17

A-yinagata a-wena burrwa. Lika aburr-gata aburr-bachirra, birripa gona aburr-ni, wurra jarra aburr-gata wurra gama gorlk aburr-worlworlchinga gun-jaranga gun-gata gun-molamola nipa Jesus jama a-ji.

Jon A-wukurrjinga A-ngurrjinga Jesus Christ (John) 8:10

Lika nipa Jesus a-garlmuna a-ji, a-yinanga achila, “A-jay, yina aburr-gaya? Wurra gala ana-nga a-ni rraka burr-mari a-wengga nggula, ya?”

Jon A-wukurrjinga A-ngurrjinga Jesus Christ (John) 8:12

Lika barrwa Jesus a-wena burrwa aburr-gata Berachi yerrcha, a-yinanga, “Nyiburr-gurdiya gorlk gun-nardiya rrawa gu-jirra gu-boya, ngaypa ana-gorrburrwa ng-gujayanaya. Rrapa ana-nga an-gata nguna-jurrjurrma, nipa gala a-yinmiya ana-munya a-ni, ngardawa gun-gujayanaya nipa gun-gata wugupa nula minypa wanngu gun-guni.” A-yinagata.

Jon A-wukurrjinga A-ngurrjinga Jesus Christ (John) 8:2

Lika ana-jekarra ngulamgaba, lika a-barrngumurra Wangarr gun-nika gu-japurra rrawa. Rrapa wurra gama gorlk aburr-bona gurda nula, lika nipa a-rakaja, janguny marn․gi burr-negarra a-ni.

Jon A-wukurrjinga A-ngurrjinga Jesus Christ (John) 8:3

Rrapa Berachi (Pharisee) yerrcha rrapa joborr marn․gi aburr-gunega, birripa gama jibu-ganyja gurda nula Jesus, mu-ngoyurra burrbu-barripuna an-nerranga gun-nerra jama abirriny-ji. Jibu-ganyja gurda, jibu-barnjinga gojilapa.

Jon A-wukurrjinga A-ngurrjinga Jesus Christ (John) 8:8

A-yinagata a-wena burrwa, lika barrwa a-rakaja, barrwa murna a-jirra ana-guyinda a-wukurrjinga gu-jel.

Rowm Aburr-guyinda 2:15

Rrapa gun-narda minypa birripa yarlanga gubi-nenga birripa gubi-rrimanga gun-maywapa joborr banda gu-jirra. Minypa an-gugaliya wolawola ana-werranga mari gu-garraja nula a-workiya, wurra jarra wuparnana nipa wupa a-galiyarra nula a-nirra an-ngurrnga minyja waygaji gun-burral nipa werra a-negiyana, waygaji an-nyagara.

Rowm Aburr-guyinda 2:22

Rrapa wolawola ny-yeya burrwa ny-yorkiya birripa gala barra jama aburr-ji marrambay gun-guji, wurra nginyipa ny-yinagatiya rrapa jama ny-jirra ny-yorkiya marrambay gun-guji, ya? Rrapa nginyipa gala jal nyi-nirrarna an-gata an-guripa an-guyinda minypa an-mawunga abi-jarlapurda aburr-workiya rrapa marr aburr-balcharra nula, wurra nginyipa rrapa an-ngumurda ny-mangga ny-yorkiya an-gata an-guripa, ya?

1 Jon 3:20

wuriya minypa wuparnana nguburr-galiyarra arrburrwa minypa nguburr-werra. Ngardawa Wangarr nipa wana; gun-gata wuparnana nguburr-galiyarra arrburrwa gun-narda gun-delipa. Wurra Wangarr nipa jarra marn․gi gun-bulapalawa.