Jon A-wukurrjinga A-ngurrjinga Jesus Christ (John) 7:28 - Burarra

²⁸ Gun-gatiya minypa Jesus marn․gi burr-negarra a-ni gata Wangarr gun-nika gun-japurra rrawa, nipa minypa a-garlmuna, a-jabarrchinga a-ji, a-yinagata, “Aya. Ana-goyburrpa marn․gi apula rrapa ana-goyburrpa marn․gi ngaypa yina gaya wenga nguna-bona, ya? Wurra ngaypa gala nguna-boyarna ngardapa ngapa. Wurra jarra nipa nguna-jerrmarrapa nipa gun-burral an-gatiya. Wurra ana-goyburrpa gala marn․gi nula nipa.

Jon A-wukurrjinga A-ngurrjinga Jesus Christ (John) 7:28 ပူးပေါင်းရင်းမြစ်များ

Metiyu 11:27

Ganapiya, lika barrwa a-wena burrwa wurra gama gorlk, a-yinagata, “Ngun-anya nguna-wuna gun-bulapalawa. Gala ana-nga marn․gi nula an-guna An-walkurpa, wurra nipa wupa ngardapa Ngun-anya. Rrapa nipa Ngun-anya gala ana-nga marn․gi nula, wurra an-guna An-walkurpa rrapa barrwa ana-nga nipa a-borrwuja rrapa a-gurdagurdarraja.

Metiyu 2:23

lika gatiya a-ni gu-delipa gu-rrawa Nejarach (Nazareth). Gu-gurdiya ngacha, nuwurra barra gu-yinda gu-ni minypa Wangarr an-nika an-mujaruk ngunyuna an-guyinda gipa mu-ngoyurra a-wena, a-yinanga, “Nipa birripa abu-ngurrja barra minypa nipa Nejarach an-guyinda.”

Metiyu 26:55

Lika Jesus a-wena burrwa aburr-gata aburr-bachirra, “Nyiburr-gurda, ana-goyburrpa an-nga nula nyiburr-bona gurda barrang burr-guta rrapa gun-jong burr-guta barra ngunabi-rrima? Wurra ana-goyburrpa bama nyiburr-yinanga jimarna ngaypa ngu-bachirra, ya? Wurra ngaypa ngu-jaranga ng-goma ng-gatiya gu-japurra rrawa ngu-ninyarra, marn․gi marn․gi arr-nenga ngu-nirra ngu-workiya janguny, wurra gala ana-goyburrpa ngunabi-rrima.

Luk A-wukurrjinga A-ngurrjinga Jesus Christ (Luke) 10:22

Ganapiya, lika barrwa a-wena burrwa wurra gama gorlk, a-yinagata, “Ngun-anya nguna-wuna gun-bulapalawa. Gala ana-nga marn․gi nula an-guna An-walkurpa wurra nipa wupa ngardapa Ngun-anya; rrapa nipa Ngun-anya gala ana-nga marn․gi nula wurra an-guna An-walkurpa rrapa barrwa ana-nga nipa a-borrwuja rrapa a-gurdagurdarraja.”

Luk A-wukurrjinga A-ngurrjinga Jesus Christ (Luke) 2:11

Ngardawa gun-guniya gugu geka yokuyoka a-bambungguna gun-gata balay ngika rrawa Daybit gun-nika, an-gata yokuyoka nipa Wanngu An-gunega an-gatiya Wangarr mu-ngoyurra gochila nyin-dana Christ, minypa ana-goyburrpa nyiburr-gurdiya gorlk an-nardiya an-ngardapiya ana-gorrburrwa.

Luk A-wukurrjinga A-ngurrjinga Jesus Christ (Luke) 2:39

Ganapiya, lika gun-gatiya Jochap rrapa Meri gubirriny-mungbuna minypa gun-birripa gun-guwarr Wangarr gu-gurrmurra burrwa Yichrayal yerrcha gun-gata nula minypa delipa a-bambunggiya a-workiya, lika delipa abirriny-janyja, abirriny-jekarra abirriny-bona Galali, minypa gun-birrinyjipa rrawa gun-gata Nejarach.

Luk A-wukurrjinga A-ngurrjinga Jesus Christ (Luke) 2:4

Rrapa an-gata Jochap (Joseph) nipa a-yinagatiya. Minypa nipa a-ni gun-delipa rrawa Nejarach (Nazareth) gun-gata wana gu-bapala gu-rrawa Galali (Galilee), wurra a-garlmuna, a-bona gun-gata wana gu-bapala gu-rrawa Judíya (Judea), wurra gun-delipa rrawa gun-gata Daybit (David) gun-nika nipa mu-ngoyurra a-ni gun-nelangga Betliyam (Bethlehem). Nipa Jochap gatiya a-bona ngardawa minypa nipiya Daybit an-bapurr gun-gatiya nula rrawa.

Luk A-wukurrjinga A-ngurrjinga Jesus Christ (Luke) 2:51

Ganapiya, lika nipa a-garlmuna burrinyjula, aburr-jekarra aburr-bona Nejarach. Lika birripa gatiya aburr-ni rrapa nipa gu-yagurrmurra burrinyjula a-ni a-workiyana, wurra nipa mampa niya mu-nguy ji-bama gu-ganyja Jesus nipa a-yinmiyana gata Jirúchalam.

Jon A-wukurrjinga A-ngurrjinga Jesus Christ (John) 1:46

Wurra Naténiyal a-yinanga nula, “A-lay, gala ana-nga an-molamola Nejarach wenga.” Wurra nipa Bilip a-yinagata nula, “Arr-boy barra nyi-na.”

Jon A-wukurrjinga A-ngurrjinga Jesus Christ (John) 10:36

Wurra ngaypa ng-gunaga Nyanyapa arrku a-jerrjerrjiyana apula ngu-yigipa ngu-ni nula, lika nguna-jerrmarra gu-guna gu-rrawa. Wurra gun-gata ngaypa ngu-ngurrjiyana Ngu-walkurpa Wangarr, ana-goyburrpa gala nyiburr-yinmiya nyiburr-wengga jimarna Wangarr werra ngu-negarra.

Jon A-wukurrjinga A-ngurrjinga Jesus Christ (John) 12:49

Ngardawa ngaypa ngu-wena ngu-workiyana gun-ngaypa ngika, jarra Ngun-anya gun-nika. An-gatiya nguna-jerrmarrapa, nipa gu-weng ngana nguna-wuna a-workiyana rrapa ngaypa ngu-wena gun-nigipa.

Jon A-wukurrjinga A-ngurrjinga Jesus Christ (John) 14:10

Wurra gala marr ny-balcha gun-gata minypa ngaypa nipa Ngun-anya rrapa nipa Ngun-anya ngaypa, ya? Wurra janguny ngu-weya ngu-workiya gun-ngaypa wupa ngika; jarra Ngun-anya nipa a-ninyarra apula rrapa jama a-jirra a-workiya gun-nigipa.

Jon A-wukurrjinga A-ngurrjinga Jesus Christ (John) 14:31

wurra jarra nipa Ngun-anya a-wena apula ngu-boy barra jama ngu-ji, barra gun-guniya rrawa marn․gi aburr-ni barra apula minypa ngaypa jal ngu-nirra nula Nyanyapa arrku rrapa jama ngu-jirra ngu-workiya minypa nipa a-wena. “Ganapiya, lika buburr-garlma, nguburr-boy.”

Jon A-wukurrjinga A-ngurrjinga Jesus Christ (John) 16:3

Jarra aburr-yirda barra jama aburr-ji ngardawa Nyanyapa arrku gala marn․gi aburr-nirrarna nula, rrapa gala marn․gi apula ngaypa.

Jon A-wukurrjinga A-ngurrjinga Jesus Christ (John) 17:25

“Anya, ny-jurdiya nginyipa ny-jechinuwa. Wurra gama gorlk gu-guna burr-yika gu-rrawa gala marn․gi nggula. Wurra jarra ngaypa marn․gi nggula, rrapa gu-galiya yerrcha nginyipa nguna-wuna aburr-gunaga birripa marn․gi minypa nginyipa nguna-jerrmarra.

Jon A-wukurrjinga A-ngurrjinga Jesus Christ (John) 17:3

Wanngu gun-guni minypa gun-guna: minypa marn․gi aburr-ni barra arrkula nginyipa ny-jurdiya ny-nyardapiya Wangarr ny-burral rrapa ngaypa ng-guna Jesus Christ nginyipa nguna-jerrmarra.

Jon A-wukurrjinga A-ngurrjinga Jesus Christ (John) 3:2

Ana-munya gu-ni, nipa Nikadímach ana-bona, a-bena nula Jesus. A-yinanga nula, “A-lay, Rebay (Rabbi), ngayburrpa marn․gi nggula minypa nginyipa ny-jurda marn․gi nyi-gunega nyina-bona, Wangarr biy-jerrmarra. Minypa ana-nga a-yinagatiya burr-barlmarrk jama a-jirra minypa nginyipa, an-gata nipa minypa Wangarr wugupa nula,” a-yinagata a-wena an-gata Nikadímach.

Jon A-wukurrjinga A-ngurrjinga Jesus Christ (John) 3:33

Wurpa lika an-guna gipa gu-yagurrmurra nula, nipa jarra a-ngurrjinga Wangarr nipa gun-burral guy-rrimangapa ay-nirrapa ay-workiya.

Jon A-wukurrjinga A-ngurrjinga Jesus Christ (John) 5:32

Jarra an-nerranga nguna-ngurrjinga ganyjarr ngu-rrimanga, rrapa ngaypa marn․gi gun-gata nipa nguna-ngurrjinga gun-burral.

Jon A-wukurrjinga A-ngurrjinga Jesus Christ (John) 5:43

Ngaypa nguna-bona, Ngun-anya nguna-jerrmarra, wurra gala marr nyiburr-balcha apula. Wurra minypa an-nerranga nipa ngardapa niya ana-boy, an-gata jarra an-guripa ana-goyburrpa barra marr nyiburr-balcha nula.

Jon A-wukurrjinga A-ngurrjinga Jesus Christ (John) 6:42

Minypa birripa aburr-yinanga, “Yina, ngarla, an-guna Jochap (Joseph) an-nika an-walkurpa an-nelangga Jesus, ya? Minyja ngayburrpa marn․gi nyanyapa niya rrapa mampa niya. Wurra gala a-yinmiya a-yinda a-wengga, ‘Waykin wenga nguna-bupiyana.’ ”

Jon A-wukurrjinga A-ngurrjinga Jesus Christ (John) 7:14

Gun-gata janara gojilapa gu-ni gu-bamuna, Jesus a-bona, Wangarr gun-nika rrawa a-barrngumurra, lika janguny marn․gi burr-negarra a-ni.

Jon A-wukurrjinga A-ngurrjinga Jesus Christ (John) 8:14

Nipa Jesus a-yinagata, “Minyja ngaypa ngu-ngurrjiya ngardapa ngapa, ngaypa ngu-wengga gun-burral. Ngardawa ngaypa marn․gi apula yina gaya wenga nguna-bona rrapa ay-yinda ngu-boya. Wurra ana-goyburrpa gala marn․gi yina gaya wenga ngaypa nguna-bona rrapa ay-yinda ngu-boya.

Jon A-wukurrjinga A-ngurrjinga Jesus Christ (John) 8:16

Wurra minyja ngaypa burr-mari ngu-wengga, jarra gun-jechinuwa ngu-weya ngu-workiya. Ngardawa ngaypa ngika burr-mari ngu-wengga ngardapa, jarra nipa Nyanyapa arrku nguna-jerrmarrapa nipa wugupa apula.

Jon A-wukurrjinga A-ngurrjinga Jesus Christ (John) 8:19

Lika birripa aburr-yinanga nula, “An-an․gaya an-nginyipa Nyanyapa nggu?” Jesus a-yinagata, “Ana-goyburrpa gala marn․gi atila ngaypa rrapa Ngun-anya. Minyja ana-goyburrpa marn․gi nyiburr-nirrarna apula ngaypa, ana-goyburrpa marn․gi nyiburr-nirrarna nula Ngun-anya.”

Jon A-wukurrjinga A-ngurrjinga Jesus Christ (John) 8:26

Rrapa ana-goyburrpa ngaypa marn․gi gun-jaranga burraya arr-ngurrja rrapa ngu-mari ngu-ni barra ana-gorrburrwa. Wurra nipa nguna-jerrmarrapa a-weya a-workiya gun-burral, rrapa gun-nga ngaypa ng-galiyarra nipa a-weya, gu-gurda ngacha minypa ngaypa ngu-weya ana-gorrburrwa ngu-workiya nyiburr-gurdiya gorlk.”

Jon A-wukurrjinga A-ngurrjinga Jesus Christ (John) 8:42

Wurra Jesus a-yinagata burrwa, “Minyja gun-burral Wangarr nyanyapa ana-gorrburra, ana-goyburrpa jal nyiburr-nirrarna apula. Ngaypa ngardawa Wangarr nyanma ng-guniya gugu; gala ngardapa ngapa nguna-boyarna, jarra nipa nguna-jerrmarra.

Jon A-wukurrjinga A-ngurrjinga Jesus Christ (John) 9:29

Ngayburrpa marn․gi Wangarr a-wena nula Mojich, wurra an-gata an-gugaliya ngayburrpa gala marn․gi yina gaya wenga ana-bona.”

Jama Aburr-ji 17:23

Minyja gun-goyburrpa rrawa ngu-rrigirrgnga, ngu-nacha an-mawunga an-jaranga nyiburr-marrngoypiya nula nyiburr-workiya. Rrapa gun-nerranga ngu-nacha jandarra nyibu-garrana nula an-nerranga, gun-gata gu-jandarra nyiburr-wukurrjinga, gu-yinaga janguny, ‘Wangarr An-gata Minypa Gala Marn․gi Nula.’ An-narda ana-goyburrpa nyiburr-marrngoypiya nula nyiburr-workiya Wangarr wuriya gala marn․gi nyiburr-ni nula, an-nardiya, ngarla, ngaypa ngu-ngurrjinga ana-gorrburrwa.

Rowm Aburr-guyinda 1:28

Rrapa mola minypa birripa gala jal aburr-nirrarna rraka Wangarr gun-nika gubu-bitimangarna, nipa lika burr-bawuna, gun-nerra gubu-borrwurra aburr-workiyana rrapa jama aburr-ji.

Rowm Aburr-guyinda 3:4

Ngika, a-la! Wurra jarra arr-wu barra! Minypa ngayburrpa marn․gi Wangarr a-weya a-workiya gun-narda gun-burral, marrban an-gata ana-nga an-jaranga a-yolkiya a-workiya. Minypa janguny gu-yurra, gu-yinaga, “Barra yarlanga gu-yu minypa nginyipa gun-jechinuwa ny-yeya ny-yorkiya, rrapa minypa gun-gata birripa jonama bubu-ngurrja, wurra nginyipa ny-molamiya barra; birripa aburr-nyagara.” Gu-yinagata gu-yurra janguny.

2 Gorint Aburr-guyinda 1:18

Wurra jarra minypa Wangarr nipa gala a-jeka a-workiya, ngatipa nyirri-yinagatiya; gala gu-jirrapa nyirri-wengga ana-gorrburrwa minypa “ngaw” rrapa “ngika”.

2 Gorint Aburr-guyinda 4:6

Ngardawa Wangarr an-gatiya a-yinanga a-wena, “An-munya a-jirra, wurra gun-gujayanaya gu-bengga barra,” nipa minypa a-jayanayana atila ngatipa nyirri-ngurrnga, gu-gata wenga barra ana-goyburrpa burr-guta nipa a-jayanaya ana-gorrburrwa, minypa nyibi-na Christ bukula a-jirra rrapa marn․gi nyiburr-ni barra nula Wangarr nipa an-molamola warrpam.

Daytach 1:2

rrapa nguburr-nyiljinga minypa ngayburrpa ngubu-borrwuja wanngu nguburr-nipa barra nguburr-workiya. Gu-gurda ngacha. Minypa Wangarr nipiya an-gata gala a-yinmiya arr-yolka, nipa wola gun-guwarr gochila an-dana gun-gata wanngu gun-guni,

Yibru Yerrcha 6:18

Ganapiya, lika ngayburrpa nguburr-gunaga minypa gun-nerra gu-guna gu-yika rrawa ngubu-bawuna rrapa marr nguburr-balcha nula Wangarr nipa barra wanngu arr-nega — ngayburrpa nguburr-guna burr-guya nguburr-nyiljinga, rrapa mu-nguy ngubi-rrimanga gun-gata janguny. Ngardawa Wangarr gochila a-rrana Aybriyam, gun-narda wupa ngardapa ngika, wurra nipiya an-nelangga a-mayana burr-guta, rrapa gun-narda minypa abirri-jirrapa gun-gata nipa Wangarr gala a-yinmiya bijirri-ngukurdanyja — minypa gun-nigipa wengga rrapa nipiya an-nelangga. Ngardawa Wangarr nipa gala a-yinmiya a-yolkiya a-wengga.

1 Jon 5:10

Rrapa ana-nga minypa marr a-balcharra nula Jesus ngardawa nipiya Wangarr an-nika Walkur, gun-narda janguny nipa an-gata an-gugaliya a-galiyarra a-workiya wuparnana. Wurra an-nerranga ana-nga gala marr a-balcha nula Wangarr, an-gata an-gugaliya nipiya ana-nyala minypa an-guyolkiya a-nenga Wangarr, ngardawa gala marr a-balcha nula nipa a-ngurrjinga an-nigipa An-walkurpa.