Jon A-wukurrjinga A-ngurrjinga Jesus Christ (John) 3:28 - Burarra

²⁸ Ana-goyburrpa marn․gi ngaypa ngu-wena minypa ngaypa Christ ngika, jarra Wangarr mu-ngoyurra nguna-jerrmarra [nawanawa barra nguburr-nega nula wurra gama gorlk].

Jon A-wukurrjinga A-ngurrjinga Jesus Christ (John) 3:28 ပူးပေါင်းရင်းမြစ်များ

Metiyu 3:3

Jon a-yinagata a-wena burrwa. Ngardawa Wangarr an-nika an-mujaruk an-gata Aycháya (Isaiah) nipa ana-nyala gipa mu-ngoyurra a-ngurrjinga an-guniya Jon, nipa Aycháya a-yinanga, “An-nerranga an-gata a-jabarrchinga a-jirra yi-gata gu-werrapa, nipa a-yinaga a-weya, ‘A-lay, nipa Bunggawa ana-boya! Jarlakarr nawanawa buburr-ni nula! Gun-jechinuwa bubi-nega nula!’ ”

Luk A-wukurrjinga A-ngurrjinga Jesus Christ (Luke) 1:76

Rrapa nginyipa ny-jarda delipa, birripa bubu-ngurrja barra nginyipa nyi-mujaruk Waykin A-nirra biy-jerrmarra gurda. Minypa gun-nigipa janguny nginyipa ny-nyurrja barra ny-yorkiya. Ngardawa nginyipa mu-ngoyurra ny-boy barra nula an-gata Bunggawa, gatiya jarlakarr minypa nginyipa barra nawanawa nyi-ni nula, yibirrich nipa.

Jon A-wukurrjinga A-ngurrjinga Jesus Christ (John) 1:20

Jon lika yarlanga a-wena burrwa; gala a-jordajiyarna, wurra yarlanga gu-negarra a-wena, a-yinanga, “Ngaypa ngika Christ. Wurra jarra an-gata an-nerranga Wangarr a-menga arrburrwa Wanngu An-gunega,” a-yinagata burrwa.

Jon A-wukurrjinga A-ngurrjinga Jesus Christ (John) 1:23

Lika Jon a-ngurrjiyana burrwa minypa janguny gun-gata wola gun-guwarr Aycháya (Isaiah) a-wena, an-gata Wangarr an-nika an-mujaruk. Minypa nipa Jon a-yinagata, “Ngaypa gu-werrapa ngu-jabarrchinga minypa gun-guna: ‘A-lay, nipa Bunggawa ana-boya! Jarlakarr jechinuwa bubi-nega nula.’ ”

Jon A-wukurrjinga A-ngurrjinga Jesus Christ (John) 1:25

“Minyja nginyipa Christ ngika, rrapa nginyipa Yiláyja ngika, rrapa an-gata rrapa Mojich a-ngurrjinga An-mujaruk ny-jurda nginyipa ngika, lika ana-nga a-wena nggula nginyipa bama burr-gurragaja ny-boya?”

Jon A-wukurrjinga A-ngurrjinga Jesus Christ (John) 1:27

Nipa minypa barrwa ana-boya apula, wurpa lika ngaypa gala wana rraka ngu-mujama ngu-ni nula rrapa minypa ngu-yerrkujama nula ngu-workiya gun-nigipa nipa a-barrngumiya a-workiya rrepara a-jirra. Wurra ngaypa gala ngu-yinmiya; jarra ngaypa ngu-delipa.”