Jeymch 4:15 - Burarra

¹⁵ Wurra jarra ana-goyburrpa nyiburr-wengga barra nyiburr-workiya, nyiburr-yinda, “Minyja nipa Wangarr gipa gu-borrwurra apula, ngu-ni barra rrapa ngu-yinda rrapa ngu-yinda.”

Jeymch 4:15 ပူးပေါင်းရင်းမြစ်များ

Jama Aburr-ji 18:21

Wurra minypa burr-bawuna, a-yinanga burrwa, “Burraya nguna-jeka ana-gorrburrwa, minyja gun-narda nipa Wangarr gu-borrwurra apula.” Ganapiya, lika gatiya Apachach nipa mu-menga michiyang, lika ay-bona.

Rowm Aburr-guyinda 1:10

Minypa wolawola ngu-wengganacha ngu-workiya nipa barra gu-borrwa apula ngaypa ngu-yinmiya barra gun-guniya jurdach ngu-bengga ana-gorrburrwa.

Rowm Aburr-guyinda 15:32

Gu-gurda ngacha bubu-wenggana, barra gun-gata ngaypa ngu-bengga ana-gorrburrwa, ngaypa barra ngu-marrkapcha ngu-ni rrapa ngu-nyilja barra ngu-ni garda ana-goyburrpa nyiburr-murna, minyja gun-burral Wangarr gu-borrwurra apula barra ngaypa ngu-bengga ana-gorrburrwa.

1 Gorint Aburr-guyinda 16:7

Ngardawa ngaypa gala jal ngu-ni ngu-benggapa rrapa ngu-boypa gu-werranga. Wurra ngaypa jarra jal ngu-nirra balpura barra nguburr-ni gun-baykarda minyja gun-narda gun-mola nula an-ngayburrpa Bunggawa Christ.

1 Gorint Aburr-guyinda 4:19

Wurra burraya ngaypa ngu-bengga barra ana-gorrburrwa minyja gun-narda nipa Wangarr gu-borrwurra apula. Rrapa ngaypa nguburr-na barra aburr-gata wana aburr-negiya aburr-workiya, minypa marn․gi ngu-ni barra burrwa ngika minypa gun-gata birripa aburr-weya aburr-workiya, wurra jarra minyja ganyjarr gubi-rrimanga wurra waygaji gun-nyagara.

Yibru Yerrcha 6:3

Wurra ngayburrpa barra marn․gi nguburr-ni nguburr-bamba mu-nguy gun-jaranga Christ gun-nika. Rrapa ngayburrpa nguburr-yirda barra marn․gi nguburr-ni minyja nipa Wangarr a-gunggaja barra arrburrwa.

Jeymch 4:16

Ana-goyburrpa buburr-yirdiyapa marr buburr-balcha nula Wangarr rrapa minypa delipa buburr-negiya nula. Wurra gun-gata minypa wana nyiburr-negiya nyiburr-workiya, gun-narda gun-nerra.