Galéychiya Aburr-guyinda 5:26 - Burarra

²⁶ Ngayburrpa gala barra ngardapa ngardapa nguburr-borrwiya jimarn jarrapa ngayburrpa ngardapa nguburr-molamola, aburr-werranga ngika. Gala barra nguburr-yirda nguburr-golja arrburrwa gu-gapa gu-guta rrapa minypa mu-werrmbarra nguburr-nachichiya arrburrwa.

Galéychiya Aburr-guyinda 5:26 ပူးပေါင်းရင်းမြစ်များ

Luk A-wukurrjinga A-ngurrjinga Jesus Christ (Luke) 14:10

Wurra minyja janara an-gurrimapa a-gonyja nggula, lika nginyipa nyina-boy, wurra gaba raka nuwurra jarra an-gata janara an-gurrimapa barra ana-jarl, a-yinda nggula, ‘Guwa, a-lay, japurra ngapa ny-jirra. Gun-guna nggula; ay-ngunyuna raka.’ Gu-gurda ngacha minypa aburr-gata aburr-ninyarra marr aburr-balcha barra nggula.

1 Gorint Aburr-guyinda 3:7

Wuriya abirri-gata abirri-jirrapa abirri-lamajinga mipila mu-jirra rrapa mbirri-gornagaja, wurra jarra ngayburrpa barra marr nguburr-balcha nula Wangarr, ngardawa nipa an-gatiya wana mu-nenga a-workiya.

Galéychiya Aburr-guyinda 5:15

Wurra minypa ana-goyburrpa nyiburr-ngorrkorndiya nyiburr-nirra rrapa werra nyiburr-negachichiya nyiburr-nirra gu-gapa gu-guta, gun-narda nula ana-goyburrpa barra nyiburr-jarlapiya; gala yapa mu-nguy werra nyiburr-negachichiyan rrapa laka nyiburr-gayan.

Bilipay 4:15

Ana-goyburrpa nyiburr-gurdiya Bilipay (Philippi) nyiburr-nirra, ana-goyburrpa marn․gi gun-gatiya mu-ngoyurra ngaypa ng-garlmuna, Mechadóniya (Macedonia) wenga ngu-bona, gun-molamola janguny ng-ganyja ngu-bona, wurra ana-goyburrpa wupa ngardapa nyiburr-gunggajinga apula nyiburr-ni; Wangarr burr-yika aburr-werranga aburr-gata gun-nyagara. Minypa ana-goyburrpa ngunabu-wuna ngaypa mun-nga jal ngu-ni.

Jeymch 4:16

Ana-goyburrpa buburr-yirdiyapa marr buburr-balcha nula Wangarr rrapa minypa delipa buburr-negiya nula. Wurra gun-gata minypa wana nyiburr-negiya nyiburr-workiya, gun-narda gun-nerra.

1 Birta 5:5

Rrapa ana-goyburrpa nyiburr-gata bama nyiburr-gungunyja mu-wurra yerrcha, ana-goyburrpa barra nyiburr-galiya burrwa aburr-goyburrpa mu-murna yerrcha minypa birripa jaga aburr-ganaja ana-gorrburrwa. Warlaman nyiburr-gurdiya delipa buburr-negiya ana-gorrburrwa gu-gapa gu-guta. Ngardawa “Wangarr a-bachirramiya burrwa a-workiya aburr-gata minypa wana aburr-negiya aburr-workiya, wurra minypa a-gunggajinga burrwa a-workiya aburr-gata aburr-dor.”