Galéychiya Aburr-guyinda 3:7 - Burarra

⁷ Gun-narda minypa yarlanga gu-yurra minypa gu-galiya yerrcha aburr-gata marr aburr-balcharra nula Wangarr, birripa wupa aburr-gatiya Aybriyam burr-yika gu-ngarda yerrcha.

Galéychiya Aburr-guyinda 3:7 ပူးပေါင်းရင်းမြစ်များ

Luk A-wukurrjinga A-ngurrjinga Jesus Christ (Luke) 19:9

Lika Jesus a-wena nula aburr-werranga minypa aburr-galiyana, a-yinanga, “Geka gun-guniya wanngu gun-guni gugu gu-bena ana-guna gun-nika rrawa. Ngardawa nipiya an-guna Jekíyach burr-guta Aybriyam (Abraham) an-bapurr, minypa ngardapa buta marr abirri-balcharra.

Luk A-wukurrjinga A-ngurrjinga Jesus Christ (Luke) 21:31

Gun-narda minypa gun-maywapa minypa gun-guna gun-burral: Ana-goyburrpa nyibi-na barra gu-yirda barra gu-ni minypa geka ngaypa ngu-wena ana-gorrburrwa, rrapa marn․gi nyiburr-ni barra minypa yi-gurrepa gu-jirra gu-boya ngaypa bunggawa ngu-ni barra minypa Wangarr nguna-gurrmurra.

Jon A-wukurrjinga A-ngurrjinga Jesus Christ (John) 8:39

Aburr-yinagata nula, “A-lay, Aybriyam jarra, an-gatiya an-ngayburrpa nyanyapa arrburra.” Jesus a-yinagata burrwa, “Minyja ana-goyburrpa Aybriyam nyiburr-yika gu-ngarda yerrcha nyiburr-ninyarrarna, jama nyiburr-jirrarna minypa nipa Aybriyam.

Rowm Aburr-guyinda 4:24

wurra ngayburrpa burr-guta Wangarr gu-borrwa barra arrburrwa minypa ngayburrpa jechinuwa nguburr-ni, ngayburrpa nguburr-gurda minypa marr nguburr-balcharra nula nipiya an-gata nipa ana-nyala a-jarrkarrana an-ngayburrpa Bunggawa Jesus, nipa mu-ngoyurra a-juwuna.

Galéychiya Aburr-guyinda 3:9

Ganapiya, lika gu-galiya yerrcha aburr-nga aburr-gata minypa marr aburr-balcharra nula Wangarr, birripa wugupa nula Aybriyam aburr-molamola; minypa Aybriyam marr a-balcha nula Wangarr rrapa gu-gata wenga Wangarr an-molamola a-negarra Aybriyam.

Galéychiya Aburr-guyinda 6:16

Rrapa ana-goyburrpa nyiburr-gata nyiburr-yinmiyapa gun-nardiya wupa nyibu-borrwuja nyiburr-workiya, ana-goyburrpa nyiburr-gatiya Wangarr a-gunggaja barra ana-gorrburrwa rrapa minypa ana-goyburrpa nyiburr-molamola nyiburr-ni barra; gala barra minypa gun-nga nyibu-borrwa nyiburr-ni. Minypa ana-goyburrpa nyiburr-gurdiya gun-burral Wangarr nyiburr-yika Yichrayal (Israel) yerrcha.

Yibru Yerrcha 13:23

Rrapa barrwa gun-guna ana-gorrburrwa janguny: An-ngayburrpa worlapa arrburrwa Dimati (Timothy), nipa gipa brichina wenga a-bena. Rrapa minyja yibirrich ana-boy apula, nipa barra wugupa apula ngayburrpa nguburr-nachichiya barra.