Minypa Jesus burr-yika aburr-mujama, birripa jama aburr-ji ana-gorrburrwa ana-goyburrpa burr-guta; rrapa minypa wola gun-guwarr Wangarr burr-yika aburr-mujaruk ngunyuna aburr-guyinda gubu-ngurrjinga aburr-workiyana gun-nigipa janguny, gun-narda ana-gorrburrwa janguny ana-goyburrpa burr-guta. Ngardawa Christ Jesus nipiya arrburrwa gun-burral meyali.
Borrich 18:20 - Burarra20 Nyiburr-gurda waykin nyiburr-nirra buburr-worlworlcha! Buburr-worlworlcha nyiburr-gurdiya Wangarr nyiburr-yika wurra gama gorlk, nyiburr-gata burr-guta nyiburr-yigipa nyiburr-mujama nula nipa nyirr-jerrmarra, rrapa nyiburr-yigipa nyiburr-mujaruk nipa nyirr-wuna, nyibu-ngurrjinga nyiburr-workiyana gun-nigipa. Buburr-worlworlcha buburr-ni, ngardawa nipa Wangarr gipa burr-mari a-wena achila minypa nipa jin-gata mu-ngoyurra burr-mari nyirr-buna ana-goyburrpa. အခန်းကိုကြည့်ပါ။ |
Borrich 18:20
26 ပူးပေါင်းရင်းမြစ်များ
Minypa aburr-gata birripa mu-ngoyurra aburr-ni, nipa Wangarr gala burr-gurdagurdarrajarna, wurra jarra gun-guniya nipa nyirr-gurdagurdarrana ngayburrpa nyiburr-guna nyiburr-yigipa nyiburr-mujama gun-guna janguny nyibu-ngurrjinga nyiburr-workiya. Minypa nipa nyanma Mern An-mawunga wupa nyirr-gurdagurdarrana janguny gun-gata mu-ngoyurra gu-yilkakiyana gu-yu minypa gun-gunaga:
Rrapa nipiya an-gatiya ganyjarr gun-guyinda burr-wuna gu-galiya yerrcha. Minypa aburr-werranga nipa burr-menga, burr-jerrmarra aburr-yigipa aburr-mujama burrwa gu-werranga gu-rrawa aburr-nirra; rrapa minypa aburr-werranga nipa burr-gurrmurra Wangarr burr-yika aburr-mujaruk nipa burr-wucha a-workiya rrapa gubu-ngurrjinga aburr-workiya gun-nigipa Wangarr gun-nika; rrapa minypa aburr-werranga nipa burr-gurrmurra, janguny gun-nigipa gun-molamola gubu-ngurrjinga burrwa aburr-workiya aburr-gata minypa gala mu-ngoyurra marr aburr-balcharrarna nula; rrapa minypa aburr-werranga nipa burr-gurrmurra marn․gi aburr-gunega birripa jaga aburr-ganaja burrwa aburr-workiya Wangarr burr-yika gu-galiya yerrcha.
Ngaypa jal ngu-nirra barra ana-goyburrpa nyibu-borrwa Wangarr gun-nika janguny gun-gata aburr-yigipa aburr-mujaruk ngunyuna aburr-guyinda gubu-ngurrjinga aburr-workiyana wola gun-guwarr rrapa barrwa gun-gata an-ngayburrpa an-ngardapiya arrburrwa Wanngu An-gunega nipa joborr burr-wuna ana-gorrburrwa aburr-yigipa aburr-mujama.
Ganapiya, lika buburr-marrkapcha ana-goyburrpa waykin nyiburr-nirra, wurra ana-goyburrpa nyiburr-werranga gata gu-jel nyiburr-nirra rrapa gun-gata burr-guta gochilawa gu-bugula nyiburr-nirra, burr-guya gun-nerra gu-ni barra ana-gorrburrwa! Ya aburr-gaba gun-gata gu-jel aburr-nirra! Ngardawa nipa an-gata walkwalk a-bupiyana, a-bena burrwa, rrapa burr-guya a-bachirramiyana, ngardawa nipa gu-borrwurra rrapa marn․gi gala gun-baykarda gu-ji nula.”
Bupa jin-gata gama minypa aburr-werranga nipa ji-gata burr-buna. Jin-narda nipa mari gu-jarlapuna burrwa gun-narda jarra marr gu-yinanga wana; wurra jarlapa achila nipa jin-gata mari wana gun-babalapa. Minypa gun-maywapa ranginy birrirrija achila an-nigipa ana-japalana barra nipa minypa m-bay mun-gata mun-bachirra, wurpa lika mari wana gun-babalapa gu-rrimanga mu-yurra. Minypa mu-ngoyurra nipa mari gu-jarlapuna burrwa aburr-werranga, wurpa gun-gata marr gu-yinanga wana jarra.
Lika ng-galiyana burrwa birripa burr-guya aburr-gonyjinga, aburr-yinanga, “Bunggawa, a-lay, ny-junarda wana ny-babalapa rrapa warrpam ny-molamola rrapa ny-burral, gu-yinpa barra gu-ni nginyipa barra burr-mari ny-yengga burrwa rrapa burr-bu aburr-gata aburr-mornanga nyirrbu-buna ngayburrpa gata gu-jel?”
ကြော်ငြာတွေ