Bilipay 3:8 - Burarra

⁸ Ngaw, ngarla! Ngaypa marn․gi gala barrwa gun-nga gun-molamola wurra gun-guna gun-ngardapiya: Minypa ngaypa barra marn․gi ngu-ni nula Christ Jesus an-ngaypa an-ngardapiya apula. Nipa nula ngaypa ngu-bawuna gun-gata mu-ngoyurra ngu-rrimarra. Minypa ngaypa bama ngu-yinanga gun-narda gun-nerra, wurra jarra Christ barra ngu-ma

Bilipay 3:8 ပူးပေါင်းရင်းမြစ်များ

Luk A-wukurrjinga A-ngurrjinga Jesus Christ (Luke) 1:43

Wurra minypa Wangarr an-molamola apula, nipa biy-jerrmarra apula nginyipa ny-jurda mampa niya an-ngarripa Bunggawa.

Luk A-wukurrjinga A-ngurrjinga Jesus Christ (Luke) 11:20

Wurra jarra Wangarr nipa nyanma ngaypa ngu-yerrnyjinga ngu-workiya walkwalk an-guyinda, rrapa gun-narda minypa Wangarr gochila nyin-dana Bunggawa nipa an-guna gugu a-bena ana-gorrburrwa.

Jon A-wukurrjinga A-ngurrjinga Jesus Christ (John) 14:20

Rrapa waypa barra gun-gatiya, nyibu-borrwa barra minypa ngaypa ng-guna nipa an-gata Ngun-anya, rrapa ana-goyburrpa nyiburr-gurda ngaypa, rrapa ngaypa ng-gunaga ana-goyburrpa.

Jon A-wukurrjinga A-ngurrjinga Jesus Christ (John) 14:7

Minyja ana-goyburrpa gun-burral marn․gi nyiburr-nirrarna apula, Ngun-anya burr-guta marn․gi nyiburr-nirrarna atila. Wurra gun-guniya gugu marn․gi nyiburr-ni nula; gipa nyibi-nana.”

Jon A-wukurrjinga A-ngurrjinga Jesus Christ (John) 16:3

Jarra aburr-yirda barra jama aburr-ji ngardawa Nyanyapa arrku gala marn․gi aburr-nirrarna nula, rrapa gala marn․gi apula ngaypa.

Jon A-wukurrjinga A-ngurrjinga Jesus Christ (John) 17:3

Wanngu gun-guni minypa gun-guna: minypa marn․gi aburr-ni barra arrkula nginyipa ny-jurdiya ny-nyardapiya Wangarr ny-burral rrapa ngaypa ng-guna Jesus Christ nginyipa nguna-jerrmarra.

Jon A-wukurrjinga A-ngurrjinga Jesus Christ (John) 17:8

Minypa ngaypa ngu-wena burrwa janguny nginyipa nguna-wuna, rrapa birripa gubi-yagurrmurra apula. Lika burr-guya marn․gi aburr-ni apula minypa gu-garda wenga nguna-bona, rrapa marr aburr-balcha apula minypa nginyipa nguna-jerrmarra.

Jon A-wukurrjinga A-ngurrjinga Jesus Christ (John) 20:13

Bitipa lika abirri-wena achila, “A-jay, an-nga nula n-duwuja?” Jiny-yinanga butula, “Ngika, wurra an-ngaypa bunggawa abu-ganyja apula aburr-bona; gala ngaypa marn․gi yina gaya abu-barnjinga.”

Jon A-wukurrjinga A-ngurrjinga Jesus Christ (John) 20:28

Nipa Domach a-yinanga, “Aya, ny-jurdiya Bunggawa apula ng-guna waypa marn․gi ngu-ni nggula nginyipa Wangarr!”

Jama Aburr-ji 20:24

Jarra gun-mola apula marrban ngu-juwa. Gala ngu-yinmiya ng-gopiya, wurra gun-ngardapa ngu-borrwuja, ngarla: Minypa ganyjarr Jesus nipa Bunggawa nguna-wuna ngaypa ngu-rrimapa barra ngu-mungba. Minypa gun-molamola janguny ngu-ngurrja barra ngu-boy — gun-gata minypa nipa Wangarr an-mola arrburrwa warlaman nipa a-gunggajinga arrkula arr-gurdiya gorlk.

Rowm Aburr-guyinda 8:18

Ngaypa ngu-borrwurra rrapa marn․gi minypa gun-nga gun-nerra gu-nirra arrburrwa gu-workiya gun-guna rrawa, gun-narda gun-delipa, wurra jurdach gu-bengga barra gun-molamola gun-gujayanaya, gun-narda jarra wana.

Rowm Aburr-guyinda 8:39

rrapa marrban gu-yinmiya waykin rrapa gu-yinmiya wupa, marrban gun-ngiya gun-guniya rrawa rrapa gun-gaba balay, wurra jarra nipa Wangarr gurrurta gu-rrimanga arrburrwa minypa gu-ngardapa nguburr-negiyana ngayburrpa rrapa nipa Christ Jesus an-ngayburrpa Bunggawa. Rrapa gala gu-nga rraka gun-nyagara gu-nega gurrurta gun-gata nipa Wangarr gu-rrimanga arrburrwa. Gun-nardiya rrapa ganapiya.

1 Gorint Aburr-guyinda 2:2

Wurra ngaypa ngu-borrwurra minypa gatiya ana-goyburrpa nyiburr-murna ngaypa ngu-ninya ngaypa gala ngu-yinmiyarna gun-nga ngu-borrwujarna marn․gi gu-gurdiya gu-yika gu-rrawa, wurra an-ngardapa jarra ngaypa ngu-borrwurra — an-gata Christ a-balcha a-yu minypa burr-jong abi-negarra abi-rrana.

1 Gorint Aburr-guyinda 9:10

Wurra an-gugaliya jarra Wangarr a-borrwurra, nipa gu-barnjinga gun-gata joborr. Minypa ana-nga an-gata jel gu-burnda a-workiya balaja nula rrapa barrwa an-nerranga ana-nga mun-maliyarra minypa mu-rrumunga a-workiya barra balaja mbi-ma, ana-gata ngacha an-gugaliya abirri-nyiljinga abirri-workiya jama abirri-jirra, minypa gubirri-borrwuja bitipa burr-guta wugupa mbi-ma barra.

2 Gorint Aburr-guyinda 4:4

Minypa walkwalk an-gata Jeytan (Satan) an-nelangga, an-gatiya gu-guna a-yika gu-rrawa minypa wangarr, nipa minypa burr-balagonyinyjinga a-workiya aburr-gata gala marr aburr-balcha nula Christ, rrapa birripa gala aburr-yinmiya gubi-na gun-gujayanaya gun-gata minypa gun-molamola janguny gu-bena arrburrwa, gun-gujayanaya minypa Christ gun-nika, minypa Christ an-gata nipa wupa minypa Wangarr.

2 Gorint Aburr-guyinda 4:6

Ngardawa Wangarr an-gatiya a-yinanga a-wena, “An-munya a-jirra, wurra gun-gujayanaya gu-bengga barra,” nipa minypa a-jayanayana atila ngatipa nyirri-ngurrnga, gu-gata wenga barra ana-goyburrpa burr-guta nipa a-jayanaya ana-gorrburrwa, minypa nyibi-na Christ bukula a-jirra rrapa marn․gi nyiburr-ni barra nula Wangarr nipa an-molamola warrpam.

Galéychiya Aburr-guyinda 1:16

Lika gun-gata waypa nipa gu-borrwurra gun-balma gu-ni, lika nipa nguna-gurdagurdarrana an-nigipa Walkur an-gatiya barra ngaypa ngu-ngurrja burrwa Jentayl (Gentile) yerrcha. Wurra gun-gata nipa nguna-gurdagurdarrana an-nigipa Walkur, gu-gata wenga ngaypa gala ngu-yinmiyarna ngu-wechawechingarna an-gugaliya nula nipa marn․gi nguna-nengarna, wurra gun-nyagara.

Apachach Aburr-guyinda 4:13

nuwurra warrpam gu-ngardapa nguburr-ni barra minypa marr nguburr-balcharra nula Wangarr an-nika An-walkurpa rrapa marn․gi nguburr-nirra nula. Minypa ngayburrpa nguburr-ni barra minypa gun-maywapa an-molamola an-gugaliya an-burral, minypa Christ nipiya warrpam ngayburrpa.

Bilipay 1:1

Mun-guna jurra ngatipa Dimati (Timothy) rrapa ngaypa Paul nyirri-wukurrjinga ana-gorrburrwa, nyirri-guna nyirri-mujama nula Christ Jesus. Gun-guna janguny ana-gorrburrwa ana-goyburrpa nyiburr-garda gu-gardiya gu-rrawa Bilipay (Philippi) nyiburr-nirra, nyiburr-gata Wangarr nyiburr-yika gu-galiya yerrcha minypa ana-goyburrpa rrapa nipa Christ Jesus gu-ngardapa nyiburr-negiyana. Ana-goyburrpa rrapa aburr-goyburrpa aburr-garda minypa nyirrbu-ganyja aburr-workiya, rrapa aburr-werranga aburr-goyburrpa minypa aburr-gunggajinga ana-gorrburrwa aburr-workiya, nyiburr-gurdiya rrapa birripa burr-guta gun-guna ana-gorrburrwa janguny.

Bilipay 3:10

Minypa ngaypa ngu-bawuna mu-ngoyurra ngu-rrimarra minyja barra ngaypa marn․gi ngu-ni nula Christ rrapa wanngu ngu-ni minypa gun-maywapa nipa a-juwuna rrapa barrwa wanngu a-ni; rrapa minyja barra ngaypa ngu-malcha nula Christ aburr-werranga aburr-bachirramiyan atila, rrapa ngaypa ngu-ni minypa nipa a-ni, birripa abu-buna.

Bilipay 3:12

Gun-narda ngaypa ngu-wena, ngika minypa gipa ngu-manggarna rrapa warrpam ngu-molamola ngu-nirrarna. Ngika. Wurra mu-nguy ngu-bitimanga jarra, minyja barra Christ Jesus ngaypa ngu-mungbupa ngu-ma ngardawa nipiya gipa nguna-menga nula, ngu-yigipa ngu-ni.

Bilipay 3:7

Gu-gurdiya ngacha ngaypa ngu-borrwurra ngu-workiyana, jimarn jarra ngaypa wupa ngu-nyala ngu-molamola ngu-negiyarna. Wurra gun-guniya gugu ngaypa ngu-borrwurra minypa gun-gata mu-ngoyurra ngu-rrimarra gun-narda gun-nerra, wurra jarra ngaypa jal ngu-nirra nula an-gata Christ.

2 Dimati 4:6

Nginyipa ny-yirda barra jama ny-jipa ny-yorkiya. Ngardawa ngaypa jarra yi-gurrepa gu-jirra gu-boya ngu-bawa barra gun-gunaga rrawa, gugu ngu-boy barra.

Yibru Yerrcha 3:14

Ngardawa ngayburrpa ngubi-rrimanga Christ minyja mu-nguy ngubi-rrima gun-nigipa janguny ngayburrpa mu-ngoyurra ngubi-rrimarra nuwurra waypa gun-balmapa gu-ji.

1 Birta 2:7

Ganapiya, lika nipa an-gata minypa an-gumarrkapcha ana-gorrburrwa nyiburr-gata minypa marr nyiburr-balcharra nula. Wurra aburr-gata gala marr aburr-balcharrarna nula, “nipa burrwa minypa gun-maywapa ranginy bala gubu-gupuna jandarra gu-maya, wurra gun-ngardapa jandarra gun-gata birripa aburr-ngoyurra gubi-yerrnyjinga. Wurra gun-narda barrwa Wangarr gu-menga, wana gun-babalapa gugu gu-jirra, jechinuwa gu-nenga gu-nirra rrawa.”

2 Birta 1:2

Nipa Wangarr a-gunggaja barra ana-gorrburrwa a-workiya rrapa minypa ana-goyburrpa burr-guya nyiburr-molamola nyiburr-ni barra, gala barra minypa gun-nga nyibu-borrwa nyiburr-ni. Ngardawa minypa ana-goyburrpa marn․gi nula Wangarr rrapa ana-goyburrpa marn․gi nula an-ngayburrpa Bunggawa Jesus, gu-gurdiya ngacha.

2 Birta 1:3

Gu-yigipa gu-ganyjarr Wangarr arr-wuna gun-bulapalawa gu-gata ngacha barra minypa ngayburrpa wanngu nguburr-ni rrapa gu-molamola minypa ngayburrpa marn․gi nguburr-nirra nula nguburr-bamburda, gu-gurdiya ngacha. Ngardawa nipa an-gatiya a-gonyjinga arrburrwa nipa gu-gujayanaya ay-nirrapa ay-workiya an-molamola warrpam.

2 Birta 1:8

Ngardawa minyja ana-goyburrpa mu-nguy nyiburr-yirdapa nyiburr-bamba nyiburr-workiya, gu-gurda ngacha minypa gun-molamola nyibu-gurdanyja barra nula nyiburr-workiya an-goyburrpa Bunggawa Jesus Christ minypa ana-goyburrpa gipa marn․gi nyiburr-ni nula.

2 Birta 3:18

Wurra mu-nguy buburr-yindapa buburr-bamba minypa Wangarr nyirr-wucha a-workiya ganyjarr rrapa minypa ana-goyburrpa marn․gi nyiburr-nirra nula nyiburr-bamburda an-ngayburrpa an-ngardapiya arrburrwa Wanngu An-gunega Jesus Christ. An-nardiya ngayburrpa barra an-nelangga an-molamola ngubi-negapa barra nguburr-workiya minypa gun-guniya rrapa mola mu-nguy guy-bampa barra guy-workiya. Gun-nardiya gugu, gun-nardiya gugu, ganapiya.

1 Jon 1:3

Lika nyibu-ngurrjinga ana-gorrburrwa nyiburr-workiya an-gatiya ngayburrpa nyibi-nana rrapa nyiburr-galiyana nula, gu-gurda ngacha. Barra minypa gu-ngardapiya arrburrwa ana-goyburrpa rrapa ngayburrpa, minypa Nyanyapa arrku wugupa arrburrwa rrapa an-nigipa An-walkurpa Jesus Christ nipiya burr-guta.

1 Jon 2:19

Aburr-gata minypa aburr-bachirra nula Christ, birripa jarra mu-ngoyurra aburr-mulpiyana arrburrwa ngayburrpa, wurra barrwa arrbu-bawuna. Ngardawa gala gu-ngardapa arrburrwa birripa rrapa ngayburrpa. Minyja jimarn jarra gu-ngardapa arrburrwa, nguburr-ninyarrarna. Wurra arrbu-bawuna. Lika yarlanga gu-yurra minypa birripa gala gu-ngardapa arrburrwa.

1 Jon 5:20

Rrapa ngayburrpa marn․gi nula Wangarr an-nika An-walkurpa, minypa nipa ana-bona rrapa arr-wuna marn․gi gun-guni, barra minypa an-gata an-burral Wangarr ngayburrpa marn․gi nguburr-ni nula. Lika ngayburrpa nguburr-guna nipa an-gata an-burral Wangarr, minypa ngayburrpa nguburr-guna nipa an-gata an-nigipa Walkur Jesus Christ — an-nardiya an-burral Wangarr, rrapa gun-nardiya minypa wanngu gun-guni.