2 Jon 1:12 - Burarra

¹² Ana-goyburrpa ngaypa mola gun-jaranga janguny ngu-rrimanga ana-gorrburrwa, wurra gala jal ngu-ni barra mu-jurra ngu-barnja. Wurra jarra jal ngu-nirra burraya ngu-bengga ana-gorrburrwa, nguburr-nachichiya barra rrapa nguburr-wengga barra nguburr-ni, gu-gurda ngacha. Barra minypa warrpam nguburr-marrkapcha arrburrwa.

2 Jon 1:12 ပူးပေါင်းရင်းမြစ်များ

Jon A-wukurrjinga A-ngurrjinga Jesus Christ (John) 15:11

Gun-narda ngu-wena ana-gorrburrwa, barra burr-guya nyiburr-marrkapcha minypa ngaypa, minypa gala barra gun-nga nyibu-borrwa.

Jon A-wukurrjinga A-ngurrjinga Jesus Christ (John) 16:12

“Nipa jarra mola gun-jaranga janguny ngu-rrimanga ana-gorrburrwa, wurra gun-derta gun-gorla; gala nyiburr-yinmiya nyiburr-galiya burdak.

Jon A-wukurrjinga A-ngurrjinga Jesus Christ (John) 16:24

Gala gun-nga ana-goyburrpa mu-ngoyurra nyiburr-ngiwijingarna nula Ngun-anya, minypa ngaypa ngu-welangga marr nyiburr-balcharra apula. Wurra buburr-ngiwija nula barra nyibu-ma, rrapa minypa gun-burral nyiburr-marrkapcha, gala barrwa gun-nga nyibu-borrwa nyiburr-ni.

Jon A-wukurrjinga A-ngurrjinga Jesus Christ (John) 17:13

“Gun-guniya gugu ngiy-boya nggula. Wurra minypa gun-guna rrawa burdak ngu-nirra, gun-guna ngu-weya ngu-nirra minypa barra ngaypa nyanma warrpam gun-gumarrkapcha aburr-guna aburr-marrkapcha barra aburr-ni.

Jon A-wukurrjinga A-ngurrjinga Jesus Christ (John) 3:29

Minypa gun-maywapa ranginy jin-gata gochila gochila jin-gurra nipa jin-nigipa an-gata gochila abi-rrana, wurra ana-gata an-nika jawina an-gata a-jinyjarra rrapa marr gu-ganyja nula, nipa a-worlworlchinga a-galiyarra manyjirda a-jirra a-weya. Rrapa gun-narda minypa ngaypa ngu-worlworlchinga minypa Jesus aburr-boya nula aburr-jirra.

Rowm Aburr-guyinda 15:24

lika ngaypa ngu-borrwurra minypa nuwurra jurdach gu-yinpa barra ngaypa ngu-boy Beyin (Spain), garda gojilapa ana-goyburrpa nyiburr-nirra ngayburrpa nguburr-nachichiya barra. Minypa nguburr-ni barra, nguburr-jalkakachichiya barra, ganapiya, lika ana-goyburrpa barra ngunabi-jerrma.

2 Dimati 1:4

Rrapa minypa ngu-borrwuja ngu-workiya gun-gata nginyipa n-duwujana apula ngaypa nguna-garlmuna nguna-ji, gun-guniya gugu ngaypa burr-guya jal ngu-nirra barra arr-nachichiya, ngaypa warrpam barra ngu-marrkapcha.

Baylíman 1:22

Rrapa gun-gata waypa nginyipa ny-jonyjinga nula an-guna Anéchimach, ngaypa rrapa nawanawa nyi-ni barra apula, japurra ngapa ny-jirra. Minypa jarlapa apula gun-ngarnama gu-jinyja barra apula, ngardawa gun-gata ana-goyburrpa nyibu-wengganacha apula nyiburr-workiya Wangarr ngaypa marr ngu-balcharra nula nipa nguna-jerrma barra ana-gorrburrwa.

Yibru Yerrcha 13:19

Burr-guya ngu-weya ana-gorrburrwa ana-goyburrpa bubu-wenggana Wangarr minypa nipa barra yi-gurrepa gu-nega ngaypa nguna-jeka barra ana-gorrburrwa.

Yibru Yerrcha 13:23

Rrapa barrwa gun-guna ana-gorrburrwa janguny: An-ngayburrpa worlapa arrburrwa Dimati (Timothy), nipa gipa brichina wenga a-bena. Rrapa minyja yibirrich ana-boy apula, nipa barra wugupa apula ngayburrpa nguburr-nachichiya barra.

1 Jon 1:4

Rrapa gun-guna janguny ngayburrpa nyiburr-wukurrjinga ana-gorrburrwa barra minypa ana-goyburrpa nyibu-borrwa nyiburr-bamba rrapa ngayburrpa nyiburr-guna minypa nyiburr-marrkapcha barra nyiburr-ni burr-guya.

3 Jon 1:10

Wurra nuwurra waypa ngu-bengga ana-gorrburrwa, yarlanga ngu-nega barra an-narda a-yinmiya mari jama a-jirra a-workiya. Ngardawa nipa an-ganarda nyirr-yopurda a-workiya ngayburrpa. Rrapa gun-narda wupa ngardapa ngika gun-nerra jama a-jirra a-workiya, wurra minypa gun-guna burr-guta: Minypa wolawola worlapa arrburrwa yerrcha aburr-beya ana-gorrburrwa aburr-workiya, nipa an-ganarda gala a-gonyja burrwa a-workiya. Gun-nyagara. Rrapa minypa ana-goyburrpa nyiburr-werranga jimarna nyiburr-gonyja burrwa, wurra nipa nyirr-jobujoburda a-workiya, rrapa jal a-nirra jimarna nyirr-yerrnyja mipila.