2 Dimati 3:7 - Burarra

⁷ Ji-gata ngacha gama minypa marn․gi jinyu-nirra jiny-bamburda jiny-yorkiya janguny gun-guyinda, wurra jarra gala jiny-yinmiya gu-malawa gun-ngiya gun-burral. Ji-gurdiya ngacha aburr-gata aburr-guyolkiya aburr-nyala jibu-yolkaja aburr-workiya.

2 Dimati 3:7 ပူးပေါင်းရင်းမြစ်များ

Metiyu 13:11

Lika Jesus a-wena burrwa, “Ana-goyburrpa nipa Wangarr nyirr-menga barra marn․gi nyiburr-ni rrapa meyali nyibi-na gun-japurra gun-gata gun-nigipa rum waykin wenga. Wurra aburr-gata aburr-werranga birripa jarra nipa gala burr-gurdagurdarrajarna gu-gata ngacha.

Jon A-wukurrjinga A-ngurrjinga Jesus Christ (John) 5:44

Ana-goyburrpa jal nyiburr-nirra ana-goyburrpa wupa nyiburr-molamola nyiburr-ngurrjiya nyiburr-workiya, wurra an-gata an-ngardapiya Wangarr ana-goyburrpa gala jal nyiburr-ni nipa barra nyiburr-molamola nyirr-nega. Ganapiya, Wurra ana-goyburrpa gala nyiburr-yinmiya marr nyiburr-balcha apula.

Apachach Aburr-guyinda 4:14

Minypa ngayburrpa gala barra barrwa nguburr-ni minypa aburr-guna waya gu-janguny minypa aburr-lijiwarriya aburr-workiya minypa aburr-guyolka aburr-guyinda nawanawa aburr-nirra aburr-workiya rrapa burrbu-yolkaja aburr-workiya.

1 Dimati 2:4

Ngardawa aburr-bulapalawa nipa jal a-nirra birripa barra wanngu aburr-ni, rrapa minypa gun-burral janguny gubi-na meyali rrapa gubu-borrwa aburr-bamba.

2 Dimati 2:25

Rrapa minypa gala jal aburr-ni gun-burral janguny gun-gata nipa gu-rrimanga gun-molamola, nipa jarra an-mujama an-dor a-ni barra burrwa, rrapa minypa marn․gi burr-nega barra janguny, minyja rraka Wangarr a-gunggaja burrwa rrapa birripa aburr-ngukurdanyjiya, rrapa minypa gu-gatiya wenga gun-burral janguny gubi-na meyali, rrapa gubu-borrwa aburr-bamba.

Yibru Yerrcha 5:11

Gun-gata nula ngayburrpa nyibi-rrimanga ana-gorrburrwa gun-jaranga janguny, wurra nipa jarra gun-derta arrburrwa yarlanga nyibi-nega ana-gorrburrwa, ngardawa minypa ana-goyburrpa warlwarl nyiburr-galiyarra nyiburr-workiya.