Kekeda Laa Nia Sa Bol Fua Konia Manata Mamana 'I Rom 16:20 - Na Alangaia Falu 'ana Baea 'i Baeguu

²⁰ Tara nao si tau guu God waa 'ana aroaroe nia kai dali ngisia tetedea nia sa Saetan uri kamolu molu ka uri faafia tetedea nia. Alu na ade dianaa nia Aofia kolu sa Disas ka nii 'ana fai kamolu.

Kekeda Laa Nia Sa Bol Fua Konia Manata Mamana 'I Rom 16:20 ပူးပေါင်းရင်းမြစ်များ

Matiu 4:10

Sa Disas 'e luu nia ka 'urii, “Wala Saetan 'ae, 'otolangai 'oe 'o lea 'amu faasi nau! Na kekeda laa Abu nia saea sui naa ka 'urii, ‘Molu faabaitaa God na Aofia kamolu ka sui naa, ma molu ka rao fuana taifili nia guu.’”

Na Faarongoa Diana Bae 'Ana Kekeda Laa Sa Luku 10:19

Molu rongo fasi ku faarongo kamolu. Nau ku faa na kau suukwaia nau fuamolu nai, uri molu ka uri boroi faafia doo 'a'ale ki mala baekwe ki fai fafari ki, kera ka nao si bobola guu fainia daka saungi kamolu. Ma lea kamolu kai uri boroi faafia tetedea Saetan tiifau naa ne malimae 'ani kamolu, nia ka nao si bobola guu fainia ka saungi kamolu.

Kekeda Laa Nia Sa Bol Fua Konia Manata Mamana 'I Rom 15:33

Aia, alu God na waa 'ana aroaroe nia too 'ana fai kamolu sui guu. Iuka nia 'uri nai.

Kekeda Laa Nia Sa Bol Fua Konia Manata Mamana 'I Rom 16:23

Aia, sa Gaeas waa ne nau ku dao kwai too ngado ki siana ma na konia manata mamana nee 'i seki da kai ofu kwaimani ki 'i luma nia, nia falea kau si baea ni manata diana laa nia fuamolu. Sa 'Erastas waa ne lio sulia wai malefo 'ana maefera baita nee, nia fainia toolakolu sa Kuatas lau guu keerua daru falea kau si baea ni manata diana laa keerua fuamolu.

Kekeda Laa Nia Sa Bol Fua Konia Manata Mamana 'I Rom 8:37

Sui boroi 'ana kolu ka too laona 'afitai laa baita 'uri nai ki, kolu saitomana kolu kai siitasa, suli sa Disas Kraes nia liosau 'ani kolu.

1 Koren 16:23

Alu Aofia kolu sa Disas nia faatainia 'ana ade dianaa nia fuamolu.

Geleisia 6:18

Toolaku ki 'ana Kraes 'ae, alu Aofia kolu sa Disas Kraes nia ade diana 'ana fuamolu sui guu. Iuka nia 'uri nai.

Filibae 4:23

Alu na Aofia kolu sa Disas Kraes nia ka ade diana 'ana fuamolu tiifau.

1 Tesalonaeka 5:28

Na ade dianaa Aofia kolu sa Disas Kraes ka too fai kamolu.

2 Tesalonaeka 3:18

Alu sa Disas Kraes na Aofia kolu nia ade diana 'ana fuamolu sui guu.

2 Timotii 4:22

Na Aofia kolu ka too fai mauria 'oe, ma na ade dianaa God ka too fai kamolu sui guu.

Filimon 1:25

Na Aofia kolu sa Disas Kraes ka ade diana 'ana fuamolu sui.

1 Dion 3:8

Ma tii ne nia abulo ta'aa ka lelea gwana, nia na wela nia Saetan gwana. Suli Saetan nia na waa abulo ta'aa 'ita 'ua mai 'ana safali lana molaagali. Aia, ma 'Alakwa God 'e lea mai uri faafunui lana raoa nia ki sa Saetan.

Na Faatai lae 12:10

Sui nau ku rongo tii lingee doo baita 'i salo ka bae lau 'urii, “God nia faamauria sui naa toaa nia ma ka faatainia naa rigitaa nia, ne nia na waa 'inito. Aia, ma na Waa Fifilia nia God 'e faatainia naa mamanaa nia. Suli sa Saetan waa nai 'e uu 'i naofana God kia ka ununu ta'aa sulia toaafuta kia ki 'ana dani ma rodo, kera da 'ui na 'ani nia fasi 'i salo.

Na Faatai lae 22:21

Na dianaa nia sa Disas na Aofia ka too fai kamolu sui. Iuka nia mamana.